معايا المبلغ ده ... اجيب ايه اوروبي ؟

**the masked** · 07-10-2014 06:50 AM

السلام عليكم
اخوكم رمضان
كنت كتبت كم موضوع كده و الصراحة لقيت عون كبير منكم تشكروا عليه

انا كنت ناوي اشتري 127 زمان بس الحمد له ربنا كرمني بمبلغ كده و اقدر اشتري حاجة احسن

معايا 30,000 جنيه ..... بالكتير قوي 35,000 و هابقي مستلف الخمسة كمان من اخويا

لاقيت ان فيه رينج كبير من العربيات في حدود المبلغ ده لاكن انا و الناس اللي استشرتهم وقفنا عند كام نوع و موديل كده هما اللي عليهم العين و هم كالاتي :
1.اوبل كورسا تسعينات - سمعت ان قطع غيارها نادرة
2. سيات ابيزا برده تسعينات - سمعت ان مافيش واحدة ماتهانتش لانها عربية شبابي و بتاعت لعب
3.فولكس فاجن بولو - الماني و سمعت ان قطع غيار الالماني غالي
4. بونتو 2000 او 2001 - سمعت ان التقفيل المصري مشكوك فيه بس انا حابب كونها اجدد موديل فيهم
5.هيونداي اكسنت و اكسيل لكن - الاختيار ده مش مرتاحله
6. مقتوح لاختيار الاعضاء الخبراء لو ي حاجة احسن من دول كلهم

انا بقي مواصفاتي كالاتي :

1. طويل , طولي 190سم
2. هاتجوز قريب ان شاء الله عقبال عندكم يعني هايبقي فيه اسرة
3. انا ساكن في حلوان و بيتي الجديد في مايو يعني العربية مش هاتخرج عن الخط ده "حلوان -مايو" الا يمكن كل اسبوع مره ولا حاجة و طبعا في الصيف هاسافر بيها مطروح كا ابعد مسافة
4.اول مرة امتلك عربية في حياتي و ماليش في الشد و اللعب و الكلام ده انا اصلا باسوق بالعافية و و مابركزش في العزم و القوة و الكلام ده لاني مش هاضغط علي العربية قوي يعني
5. كل اللي عاوزة في العربية انها تكون مكيفة و نضيفة مش كحيانة يعني تليق باسرة وش مقشرة و مصدية و مخبطة
محتاج راي الاخوة في الموديلات و عاوزين فائز نقدر نعتمد عليه و ما اندمش اني اشتريتها و جزاكم الله خير مقدما

**egyptiandiver** · 07-10-2014 07:04 AM

Fiat Tempra

**the masked** · 07-10-2014 07:27 AM

المشاركة الأصلية كتبت بواسطة egyptiandiver

fiat tempra

تمام ..... اتقالي السيينا حلوة برده

**graffittiii** · 07-10-2014 08:39 AM

المشكلة أن الفئة السعرية من 25 لــ 35 دي صعبة أوي وتقريبا مافيهاش عربيات ترتحلها .
لو تقدر تستني فترة لحد ماربنا يكرمك وتزود المبلغ شوية يكون أحسن .
أنا لو مكانك هختار الأكسنت بس لو كويسه هتبقي في حدود 40 أو أزيد شوية .
وفي سبيرانزا a113 في حدود 44 مثلا موديل 2010.
وإن شاء الله ربنا يوفقك لإختيار الأحسن .

**shiko85** · 07-10-2014 10:57 AM

وعليكم السلام ورحمة الله وبركاته
الف مبروك مقدما الزواج و ربنا يتمم على خير ان شاء الله
المشكله فعلا زى ما تكرم graffittiii و قال ان الفئه السعريه دى مش هتلاقى فيها عربيه مناسبه و فيه اكتر من موضوع فالمنتدى عن شراء عربيات من 30 لـ 35 الف و تقريبا كلها فشلت لحد دلوقتى
لكن حضرتك كنت بتفكر فـ 127 و الحمد لله ان ربنا كرمك و لغيت الفكره بس ممكن تفكر فعربيه صينى زى الفروته مثلا بـ 18 لـ 22 الف كانت عندى موديل 2006 و بعتها 2012 فيها كل المطلوب تكييف - زجاج كهرباء - شكلها مقبول - موديل حديث - موفره فالبنزين لكن الطول هيبقى مشكله و مش فيها بس فمعظم العربيات

**the masked** · 07-10-2014 06:03 PM

المشاركة الأصلية كتبت بواسطة graffittiii

المشكلة أن الفئة السعرية من 25 لــ 35 دي صعبة أوي وتقريبا مافيهاش عربيات ترتحلها .
لو تقدر تستني فترة لحد ماربنا يكرمك وتزود المبلغ شوية يكون أحسن .
أنا لو مكانك هختار الأكسنت بس لو كويسه هتبقي في حدود 40 أو أزيد شوية .
وفي سبيرانزا a113 في حدود 44 مثلا موديل 2010.
وإن شاء الله ربنا يوفقك لإختيار الأحسن .

ماهو يا جدعان كل ما يبقي معايا فلوس زيادة بيقولولي استني زرو علي الفلوس و هات حاجة احسن و الاول كان معايا 15 الف بس قالولي زود 5 كمان و هات حاجة احسن ,,,, دلوقت معايا 35 الف و برده بتقولولي استني و هات حاجة احسن ,,, انا كده هاموت بالفلوس و مش هاشتري حاجة يا جدعان غير اني لازم اشتري العربية قبل الزواج علشان الفلوس لو استنت هاتتفرتك في تجهيز الشقة , انا عاوز بس اعرف ايه المشكلة في الموديلات اللي انا جبتها خصوصا في الحاجات الجديدة زي البونتو و السيينا

**shiko85** · 07-10-2014 07:16 PM

المشاركة الأصلية كتبت بواسطة the masked

ماهو يا جدعان كل ما يبقي معايا فلوس زيادة بيقولولي استني زود علي الفلوس و هات حاجة احسن و الاول كان معايا 15 الف بس قالولي زود 5 كمان و هات حاجة احسن ,,,, دلوقت معايا 35 الف و برده بتقولولي استني و هات حاجة احسن ,,, انا كده هاموت بالفلوس و مش هاشتري حاجة يا جدعان غير اني لازم اشتري العربية قبل الزواج علشان الفلوس لو استنت هاتتفرتك في تجهيز الشقة , انا عاوز بس اعرف ايه المشكلة في الموديلات اللي انا جبتها خصوصا في الحاجات الجديدة زي البونتو و السيينا

السيينا كانت مع 2 اعرفهم و الشكوى الدائمه كانت ان مش كل ميكانيكى بيرضى يشتغل فيها علشان حوض الموتور ضيق و علشان تغير اى حاجه بتفك اجزاء كتير و شكوى من قطع الغيار بس رغم كده هى سهله فالبيع جدا و البونتو فيه كلام كتير ان قطع الغيار مش متوفره و غاليه و ناس تؤيد و ناس تعارض و مش عارف مين صح و مين غلط
عموما لو حددت اختيارك فالـ 2 دول دور فالمواضيع بتاعت المنتدى عن معلومات تفيدك اكتر و اسأل ملاك العربيه و ان شاء الله تلاقى حد يفيدك

**J A G U A R** · 07-10-2014 07:25 PM

تيمبرا نظيفه او شاهين نظيفه

**J A G U A R** · 07-10-2014 11:45 PM

المشاركة الأصلية كتبت بواسطة the masked

راي الاعضاء ايه .... تفتكروا احسن من الابيزا و البولو

انا شايف اهم حاجه حاله العربيه مش نوع العربيه
والابيزا والبولو كويسين برضه

الموضوع: معايا المبلغ ده ... اجيب ايه اوروبي ؟

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

هل من الجنون أن أشتري سيارة جديدة وأنا معايا المبلغ كاش؟

محتار اجيب ريو هاتشباك خليجى ولا اوروبي

ناوية اشتري عربية جديدة. المبلغ الي معايا ٧٥٠٠٠

معايا 30000 الف - اجيب فليشيا ولا اونو - رايك هايفرق معايا.

معايا 80 الف اجيب ايه

الكلمات الدلالية لهذا الموضوع

المفضلات

المفضلات

ضوابط المشاركة