الموضوع: ممكن مساعدة لو سمحتم معايا 55000 و عاوز اشتري ميتسوبيشي

المشاركة الأصلية كتبت بواسطة moftakesegy

طيب لو الأختيار بين:

الفيرنا 2004 أو 2005 - نيسان صنى 2005 - رينو ميجان 2005 - الكريستاله 98 - الفيكترا 98 أو 2000 أو أسترا 2004 - سيتروين أكسارا 2003 - تويوتا كرولا 99


shiko85 أرجوك متضايقش منى أنا أسئلتى كتير لأنى ابيض فالعربيات انا طالع من 128 و هزود الباكيدج ل 60000
بالعكس انا تحت امرك و بعتذر لانى لسه شايف المشاركات دلوقتى
فرأى بلاش كريستاله - فيكترا - استرا - اكسارا - كورولا
فيرنا اول اختيار لو عايز عربيه قطع غيارها تكون زى الـ 128 رخيصه و منتشره
صنى اكبر من الفيرنا شويه لكن قطع غيارها اغلى بس مقبوله
ميجان عربيه ممتازه و هتحس بنقله كبيره جدا جدا بس فالمقابل قطع الغيار غاليه جدا
يبقى الأختيار اما فيرنا او صنى
أرجوك امشى معايا واحدة واحدة انا مش عارف اختار ولا اقارن ولا اعرف العيوب و المميزات اللى أختار على اساسها
تمام انسى كل المكتوب فوق و نبتدى مع بعض واحده واحده
# المقارنه هتكون على حسب امكانياتك و احتياجاتك لو حددتها الأول الأختيار هيبقى سهل جدا
1- عربيه اوتوماتيك و ده مفروغ منه خلاص
2- عندك استعداد تدفع فلوس كتير فقطع الغيار ولا عايز حاجه قطع غيارها مقبوله و رخيصه ؟
خلى بالك النقطه دى هتغير التفكير خالص بس لو قولت عندك استعداد هرشحلك الميجان بدون تفكير بس وقت تغيير اى جزء لو اتصدمت من السعر انا مش مسئول (قبل ما تقرر حاول ترجع للموضوعات بتاعت الميجان او تسأل الملاك الأفاضل على اسعار قطع الغيار)

ارجوك بس لما تفضى رد عليا براحتك انا مش عاوز اعطلك عن اى شىء بالرد عليا
ولا عطله ولا حاجه انا تحت امرك
انا محتار كتير بين كل الموديلات اللى فوق و الحجات دى اللى عجبنى شكلها فى سوق السيارات
هنتظر ردك يا شيكو على الموديلات اللى فوق معلش و النبى استحملنى
الشكل سبب فالشراء بس مش كل الأسباب

على فكره الاستاذ اللى بيقول الكرستاله استهلاك بنزينها عالى ده ممكن تكون حاله فرديه
يا جماعة الكرستاله استهلاكها 7 لتر لكل 100 كم
وانا معايا شخصيا بالجرى والجرق بتعمل 9 لتر و1300 وكربراتير
حضرتك بتتكم على 55 الف
يعنى ممكن تجيب عربيه مكنتها 1500 او 1600 انجكشن واستهلاكها اقل بكتير
وفى اوتو واستب ترونك كمان
وممكن تجيب عربيه موتورها تعبان وتسقط موتور فى الحرفين فى يوم وتكون ماشى بالعربيه وسعر المتور ال 1500 2 كامة بالفتيس وكل حاجه شاكب راكب ب 5500
وقطع غيرها متوفره جدا وتوفره جديده واصلى واستيراد
وما اكثرها فى الاسيراد
ممكن تتدخل على رابط الجروب على الفيس بوك
رابطة مالكى الكرستاله لانسر 1996-2000
وخد راى الاعضاء وهتعرف الكلام

https://www.facebook.com/groups/lancer.egypt.1996.2000/
ده رابط الجروب هيفيدك اكتر

المشاركة الأصلية كتبت بواسطة moftakesegy

شكرا لردك يا شيكو
العفو, بتشكرنى على ايه بس !!!
أنا قرأت بعض المواضيع فى منتدى الميجان و اتصدمت جدا و السيارة اعطالها لما بتفتح فالفلوس بتفتح جامد و انا مش عاوز كده
المشكله مش فالعربيه المشكله فصاحب العربيه لو مهتم بها و بالصيانات بتاعتها فوقتها و فمركز متخصص مش هيبقى فيه مشاكل لكن للأسف فيه ناس مش بتعمل كده و العيوب و المشاكل تزيد و لما يفكروا يصلحوها يروحوا اى مكان و خلاص و اللعب و الفتى فالعربيه بيبوظها اكتر
يعنى حتى لو سيارة قطع غيارها غالية بس اعطالها قليلة يبقى ياريت و دة مش موجود فالميجان اعطال كتير و بتصرف عليها كتير
زى ما قولت اهم حاجه يكون صاحب العربيه محافظ عليها لكن عموما هى مخاطره كبيره و لو مش مستعد لها يبقى بلاش ميجان خالص
انا نزلت امس الجمعة سوق السيارات كنت بتفرج
تمام
الفيرنا موجودة بكثرة بس لسة مش ببصلها حاليا و سايبها خيار اخير
الكريستالة متهانة اوى الفيكترا متهانة اوى اللانوس و النوبيرا كذلك متهانين اوى
و ممكن يكونوا طالبين فيهم مبالغ فلكيه
لقيت الكورولا عيون صفية حالتها ممتازة احسن بكتير من حالات الكريستالة اللى شوفتها
لقيت كمان كيا سبكترا اوتو حالتها حلوة جدا
ابعد عن الموديلات القديمه او اللى انتشارها مش كبير مقارنه بالباقى
و لقيت الصنى ممتازة اووووووووووووووووى
مطلوب فيها كام ؟ و ماشيه كام كم ؟ و الحاله العامه ايه ؟ ولا ده رأى بمجرد النظر ؟؟
و شكلى كدة هركز مع النيسان صنى فى الفترة القادمة هتكون مو 2001 كاملة اوتو ان شاء الله
كامله تقصد super saloon ؟؟
كان عندنا صنى 2001 مانيوال و العيوب
1- عربيه واطيه جدا بتحك فكل المطبات
2- قطع الغيار كانت غاليه - مش عارف الأسعار دلوقتى كام
3- مساعدين سيئه
4- 2001 موديل قديم + 1300 سى سى
مفيش صنى موديل احدث من ده ؟؟ لانك هتسمع انها يابانى و ممكن تكون اغلى من الموديلات اللى بعدها