ممكن مساعدة لو سمحتم معايا 55000 و عاوز اشتري ميتسوبيشي

**moftakesegy** · 07-10-2014 07:07 AM

السلام عليكم و رحمه الله و بركاته

ان شاء الله معايا 55000 و عاوز اجيب ميتسوبيشي تكون كامله اوتوماتيك

فأية المتاح قدامي و تنصحوني بأيه وهل هواجه اي عيوب فالميتسوبيشي الاوتوماتيك

هل فية اي اختيارات قدامي افضل من الميتسوبيشي و تكون كامله اوتوماتيك و قطع الغيار متوفرة

هنتظر ردودكم

شكرا

**shiko85** · 07-10-2014 10:47 AM

وعليكم السلام ورحمة الله وبركاته
المتاح - لانسر كريستاله و عيوبها لانها كانت مع صديق ليا استهلاك بنزين عالى
فيه اختيارات تانيه اوروبى بس قطع غيارها غاليه شويه و كورى زى الفيرنا مثلا

**moftakesegy** · 07-10-2014 04:44 PM

طيب يعنى كدة اصرف نظر عن الكريستالة و الميتسوبيشى عامة ولا اية ؟؟

و اية الحجات التانية اللى متاحة قدامى وتكون قطع غيارة متوفرة و ميكونش فيها عيوب كتير

**J A G U A R** · 07-10-2014 06:57 PM

الفيرنا اوتوماتيك كويسه وهاتجيب حاله حلوه

**moftakesegy** · 07-10-2014 08:50 PM

تمام الفيرنا مش بطاله طيب هلاقيها فالسوق بالسعر دة ؟؟
لأن الناس اللى بيروحوا السوق بيقولولى انى اخرى هيبقى الأكسنت مش الفيرنا
ولا اخد قرض و اجيب بومة فى حدود 75000

**shiko85** · 07-10-2014 09:04 PM

المشاركة الأصلية كتبت بواسطة moftakesegy

تمام الفيرنا مش بطاله طيب هلاقيها فالسوق بالسعر دة ؟؟
ان شاء الله
لأن الناس اللى بيروحوا السوق بيقولولى انى اخرى هيبقى الأكسنت مش الفيرنا
الأكسنت من 38 لـ 44 حسب الحاله, المبلغ اللى مع حضرتك يجيب فيرنا ان شاء الله
ولا اخد قرض و اجيب بومة فى حدود 75000
بومه صعب تلاقى عربيه نضيفه بالسعر ده

**moftakesegy** · 07-10-2014 09:17 PM

طيب اخلى فية اختيارات جنب الفيرنا مثل الرينو ميجان و النوبيرا و النيسان صنى

فممكن تقولى بال 55 يجيبوبلى حاجة حالتها اية فى الميجان و النوبيرا و الصنى محتاج رأيك نفسى استقر على سيارة محددة و أبدأ أقرأ عنها كل شىء فالقسم بتاعها

لو فيهم مميزات عن الفيرنا ياريت تقولى لو الفيرنا فيها مميزات عنهم ممكن تقولى

و لو فيهم عيوب ياريت تقولى و أنا بتكلم عن الموديلات الأوتوماتيك فيرنا و ميجان و نوبيرا و صنى

و نوبيرا 1 و 2 يفرقوا اية عن بعض ؟؟

**shiko85** · 07-10-2014 09:46 PM

المشاركة الأصلية كتبت بواسطة moftakesegy

ممكن تقولى بال 55 يجيبوبلى حاجة حالتها اية فى الميجان و النوبيرا و الصنى محتاج رأيك نفسى استقر على سيارة محددة و أبدأ أقرأ عنها كل شىء فالقسم بتاعها
لو فيهم مميزات عن الفيرنا ياريت تقولى لو الفيرنا فيها مميزات عنهم ممكن تقولى
نوبيرا اوتوماتيك بلاش
ميجان عربيه ممتازه بس قطع الغيار غاليه 55 تشترى عربيه حاله كويسه 2005 و لو زودت الفلوس لـ 60 هتلاقى 2006 مش ماشيه كتير و حالات كويسه جدا
صنى هتحتاج تزود المبلغ شويه لـ 60 او 65
مميزات الميجان كماليات اكتر - عوامل امان اكتر - عربيه شيك و ممتازه جدا
الصنى فئه اعلى من الفيرنا و خامات و جوده افضل
الفيرنا ميزتها توفر قطع الغيار و رخصها و سهوله البيع بسعر مناسب

**moftakesegy** · 09-10-2014 01:02 AM

شكرا shiko85

-

الموضوع: ممكن مساعدة لو سمحتم معايا 55000 و عاوز اشتري ميتسوبيشي

LinkBack

أدوات الموضوع

عرض

-

-

-

-

المواضيع المتشابهه

معايا 65 الف وعاوز اشتري اوبترا ممكن ولا صعب

معايا 16 الف ...ممكن اشتري ايه

معايا 55000 ومش عارف اشتري ايه

عايز سوند سيستم جاامد ممكن مشاركتكم معايا لو سمحتم

ممكن تفكروا معايا لو سمحتم

الكلمات الدلالية لهذا الموضوع

المفضلات

المفضلات

ضوابط المشاركة