-
بسم الله ماشاء الله ياباشا ربنا يحفظهالك ويديك خيرها
بص ياباشا هقولك علي شويه حاجات تعملها وتدعيلي
1-تركب النواكل اللي بتقي حوالين القزاز قدام ووراء
2-تغير الفوانيس اللي وراء بفوانيس بيجو اللي نازله جديد (شكلها حلو ) ب 135 جنيها الطقم
3- تغير الفوانيس اللي قدام ويستحسن لو تعملهم عموله في الحرفيين(تعمل 2 لينسز صغيره وحواليهم رينجات وتخلي الفانوس خلفيته سوداء ) او تغيرهم بفوانيس فاليو جديده
3- تغير وشين الفوانيس بتاعت الاشاره ب 10 جنيه ده لو هتخلي الفوانيس اللي فوق أصليه او تعملهم ليدات لو هتغير شكل الفانوس
4 -تركب كل علامات البيجو اللي ناقصه
5-تركب وراء اللوحه الخلفيه فيه فيبره بتتباع تركبها
6-تعدل الصاجه اللي وراء اللوحه الاماميه
7-تركب فانوس أستوب ع الشنطه من وراء (كان بينزل مع الكيا ريو )
8-تغير المرايات دي بمرايات ضم بتركب في الباب زي ال505
9-ظبط التابلوه شكله مفارق بعضه
كفايه كده لما افتكر حاجه هقولهالك وأي استفسارات انا في الخدمه
-
بص ياباشا ع اللينك ده هتلاقي فيه عربيات متظبطه وشوف شكل الفوانيس اللي أقصدها وبالمره شوف الشبكه وأعمل زيها
-
شكرا يا باشا على الصور ...
1-المشكلة النواكل اللى حوالين الزجاج الامامى والخلفى والابواب كنت جبتهم جداد قبل لما ادهن و بعدها اتسرقوا فى الدهان .... ومش عارف سعرهم هيكون كام دلوقتى ؟؟؟
2- انا شوفت فعلا الفوانيس اللى انت بتقول عليها بس لقيت كل التاكسيلت مركباها وانتشرت اوى فكنت عايز اعمل حاجة احسن من كدا وتكون مش منتشرة ... لو ممكن اعمل واحد فى الحرفيين قولى فين و هيكون سعرهم كام ؟؟؟
3- فعلا الفوانيس اللينسز شكلهم حلو بس مش عارف هيكونوا لايقين على البيجو ولا لا وايه نظام السعر وكدا ؟؟؟ ... هى الفوانيس الفاليو زى اللى موجودة فى البيجو الزرقاء ؟؟؟
4-انا برده عجبنى الليدات اللى فى العربية البيضاء بس مش عارف اعملهم فين ؟؟؟؟
5- علامات البيجو موجودة بس مستنى لما اعمل رش نظافة ؟؟؟؟
6- انا مشفتش الفيبره دى قبل كدا
7- دى مقدور عليها نشترى واحدة جديدة ....
8- من رايى ان البيجو لما تحط حاجة ع الشنطة بيكون شكلها وحش ... فى شريط جلد ممكن اركبه ع الشنطة بس ... ممكن اجيب واحدة لزق فى الزجاج الخلفى ...
9- فعلا التابلوه مفارق حاجة بسيطة ... بس اشيل الفرو وانجده تانى عشان باظ من الشمس ... وكمان انا شوفت ال Rpm اللى انت قولت عليه ... ده بيكون شكله حلو بس مش مظبوط وبيدى قرايات غلط فكنت عايز اشزف الاصلى بتاع البيجو ... سالت عليه قالوا انه بتتباع الشاشة كاملة ب450 وانا كنت له مغير التابلوه من Gr الى Gl فبحاول اشوف لو ممكن موضوع تغيير الساعة ....
شكرا ع الرد ... معلش تعبتك معايا ...
Content Relevant URLs by
vBSEO 3.6.0 PL2