انا قررت توضيب البيجو .. أنا هحاول تصليح الحاجات المهمة فى العربية بعد كدا ابدا أشوف الأكسسورات ..
أول حاجة هبدا بالعفشة للعربية ... كنت عايز عفشة رياضية تزود ثبات العربية فى السفر..
ياريت تفيدونى يا شباب...
انا قررت توضيب البيجو .. أنا هحاول تصليح الحاجات المهمة فى العربية بعد كدا ابدا أشوف الأكسسورات ..
أول حاجة هبدا بالعفشة للعربية ... كنت عايز عفشة رياضية تزود ثبات العربية فى السفر..
ياريت تفيدونى يا شباب...
صعب يا باشا تلاقي عفشه رياضيه مناسبه لعربيتك
لانها موديل قديم ممكن حل تاني
انت هتجيب جنوط و نعرض الكاوتش و هتحس بفرق ان شاء الله
هات كاوتش 60/205/15
طبعا جنزط 15 بوصه
و لو عزت الباقي قولي و احنا نظبت معا بعض الكلام ده
شكرا يا اشتاذ نور ...
بس انا كنت عايز اعمل تغييرات فى العفشة .... غير الكاوتش ( انا كنت لسه جايب كاوتشات من 6 شهور وتقريبا لسه جديدة ) ...
فى عندك اراء تانى ؟؟؟؟.....
انا بفكر انزلها من وراء شوية ... ايه رايك ؟؟؟ ده احسن ولا اوحش ؟؟؟
بلاش يا باشا
انت خد مثلا المساعدين بتوعك و انزل اسال عن المساعدين الكوني
لو في زي بتوعك يبقي تمام مفيش خلاص هو طقم جنوط و كاوتش عريض و لو تقدر توطي الياره حاجة بسيطه يبقي تمام
بس يشرط متقصش السوسات
:embarrassed3:انا جبت سوست بيجو 505 ... وقصتها شوية :embarrassed3:زى الاصل عشان دى انشف من الاصلى ....
معلش كنت عايز اسال ... ايه هو المساعد الكونى وايه الياره ؟؟؟ .... والمساعد ده بيكون سعره بكام ؟؟؟؟ ... بيفرق ايه عن الاصل .. ( ع فكرة عربيتى GR ) ..يعنى مفيش كبالن خلفية ...
دى صورة العربية بعد السوست الجديدة ... ايه رايك ؟؟؟
[IMG]http://www2.0zz0.com/2008/10/28/08/240695986.jpg[/IMG]
بص ياباشا عايز تلعب في عفشه ال504 يبقي الاتي ليس ألا
يأما عفشه 505 كامله بس هيبقي الكاوتش عريض وطالع لبره فممكن تضطر تلعب في الصاج وراء
يأما تجيب مساعدين مونرو غاز علي زيت وسوست 505 (من غير ماتلعب فيهم )
سوست ال505 أتخن وأعلي من سوست ال 504
عايز تعدل كمان ممكن تركب فرمل ديسكات وراء كان فيه موديل بينزل بيهم
وبلاش توطي العربيه قوي من وراء وتسيبها قدام زي ما في الصوره خلي العربيه مستوي واحد
وأي أستفسارات أنا في الخدمه وأيميلي أهه لو أحتاجت تتناقش في حاجه
islambana1@hotmail.com
شكرا يا استاذ اسلام عالرد .. تم ارسال دعوة ع ايميلك ...
انا جبت السوست بتاعت 505 بس كانت عالية ع ال504 فقصتها عشان تكون زى الاصلية ...
وكمان انا وطيت العربية من قدام بحيث تكون فى مستوى واحد زى ما حضرتك قولت ... إن شاء الله هصورها وانزل الصور ... بس الراجل بتاع العفشة مقلش ليا اى حاجة عن المساعدين الغاز (مونرو) ... انا بصراحة مش عارف الفرق بينهم ... وياريت تقولى سعرهم كام ؟؟
شكرا لك ...
استاذ كيشو إيه الي حصل إمبارح؟؟....إنت قطعت كده فجأة في وسط الحديث:dunno:
بص ياباشا انا ما اعرفش اسعار المساعدين المونرو ايه بس هي هتريحلك العربيه شويه وبيتهيألي فيه لل 504 مساعدين غاز علي زيت (مش متأكد ) وخلي بالك عربيتك طالما بتقول gl بقي تنسي حكايه الثبات لأنها كرونه (انا مش عايز أحبطك )انت ممكن تحسنه لكن ماتعشمش في فرق وهمي
مساعدين الـمونرو الغاز غير متوفرين حالياً للـ504
هي عربيته GR
موضوع الـGL ده هو الي بيفرق في الثبات......الـGL بتكون كبالن ورا مرتبطة بالكورونة الوسطى والكورونة دي على فكرة بتكون ثابتة في الشاسيه وتسمى independent suspension ...يعني تعليق مستقل بمعنى لما تبقى ماشي على طريق غير مستوي كل نحية من المساعدين بيشتغل لوحده فده بيدي ثبات أكتر من الخلف ونعومية وراحة في الطريق
بالنسبة للـGR بيقى التعليق الخلفي كله جزء واحد حتى الكرونة بتطلع وتنزل مع المطبات وثباتها بيكون ضعيف وده الي بيخلي العربية من ورا دايما فيها دب ورزع وتحس إن إنت راكب بولدوزر:eek:
شكرا ليكم على الرد ... انا نزلت ادور على المساعدين وملقتهمش فعلا ...
وكل واحد اساله مش عايز يقول على سعر ... بالنسبة للعفشة اللى وراء كلها جزء واحد زى ما حضرتك بتقول يا استاذ عمرو ... العربية لما تطلع على مطب مش مستوى بحس انها بتححرك جامد من وراء ... بس الخبط مش جامد اوى (يمكن انا اتعودت عليه ) ...
الخلاصة ... احاول ادور على مساعدين مونرو غاز على زيت ..
************************************************
نيجى لموضوع الجنوط والكاوتشات ....
انا دايما بشوف اربع اشكال بس بتركب على البيجو ... مش عارف ليه ؟؟؟؟؟؟
هو فى اى شكل اخر بيركب من الاشكال الجديدة على البيجو ؟؟؟ ايه اكبر جنط ممكن يركب من غير لما يكون شكل العربية مش حلو ؟؟؟
المشكله ان ال 504 المسافه بين كل مسمار و مسمار كبير فمفيش غير ال 4 اشكال الموجوده دي
و لو ملقتش مونرو هات كوني بس الكوني غاليه جدا و انشف لانها كلها غاز يعني ناشفه
هتحس باي حاجة تيجي تحت العجل حتل لو زلطه بس هتلاقي العربيه لزقه في الارض
انا اعتقد اللى عندى مساعدين كونى ...بس دول اتغيروا من زمان ...هى فعلا غاز وناشفة ....
مفيش حل للجنوط من غير لما العب فى المسامير ...
انا مش عايز اغير حاجة فى العربية وخصوصا قاعدة العجل ...
وكان نفسى اركب جنوط كبيرة وحلوة ... زى العربيات الجديدة .
فى حل ولا اجيب جنوط البيجو الاسبور ؟؟؟
مفيش غير جنوك البيجو الاسبور و علي فكره شكلها مش وحش انا لما بشوف عربيه 504 بالجنوط دي
بقول والله العربيه نضيفة
شكرا ليك استاذ نور ....
فى نوع معين انت تقترحه ولا اى نوع ؟؟؟
انا سمعت ان البيجو الاصلى جديد بيكون غالى بيعدى 3 الاف .... ممكن اجيب واحد مستعمل استيراد من بورسعيد ولا ممكن يكون فيه حاجة ؟؟؟؟ويكون بايظ ....
ا لاستيراد كوبس مش وحش و علي فكره هو مبيعديش ال 3000 باي حال من الاحوال
هو مش ماركة عاليه يعني
اى شكل منهم ولا انت تفضل حاجة معينة ؟؟؟؟
ويكون بيستحمل التراب والبهدلة ...
يا باشا ال 4 اشكال زي الفل و كويسين جدا
و بيستحملو جدا بس هات نفس مقاس العربية متكبرش يعني 14 بوصه
ليه يا استاذ نور ...؟؟؟
بس انا كنت عايز اجيب 15 او 16 اللى الاقيه من اشكال البيجو ....
بلاش لان العربيه وزنها تقيل لو كبرت اه تيزيد الثبات لس العفشه هتتعب معاك ما الوقت
و ثانيا انك نادر تلاقي جنوط اكبر من 15 للبيجو الهي عليها علامه بيجو لو جنط خارجي بيبقي فيه كل المقسات
عشان كده بقولك انت تجيب مقاس 14 بتاع العربيه الاصلي بتاعها
علشان هما عملين حساب الوزنو قوه التحمل و استحمال كافه الظروف
شكرا يا استاذ نور ... انا مكنتش اعرف المعلومة دى ...
فعلا ممكن العفشه تتبهدل مع كبر الجنط ..
الخلاصة : جنط بيجو اسبو مقاس 14
************************************************
بالنسبة للكاوتشات ...
مقاس كام ممكن اركبهم ع الجنوط من غير لما تكون طالعه لبرة ويكون شكل العربية وحش ...
اعتقد افضل كاوتش عندك يبقي
195/60/14
او
205/60/14
و ال 14 ده مقاس الجنط
و ال 60 ارتفاه الكاوتش
و ال 205 ده عرض الكاوتش
و اي خدمه انا تحت امرك لو عيز حاجة انا قدامي 5 دثائق و اقوم قولها و انا هرد عليك
ليه مش ممكن اكبر عرض الكاوتش شوية ... زى 215 ...
ده ممكن يحك فى الرفرف اللى وراء ؟؟؟؟؟
كان عندى بردو سؤال غريب هو انا ممكن اركب كاوتش وراء اعرض من قدام او العكس ؟؟؟
يا باشا اساسا عرض الكاوتش بتاع ال 504
175 يعني حضرتك لما تيجي تعرض الكاوتش يبقي 205 كويس جدا
ز كمان علشان العربيه متتقلش و فراميلها تبقي فعاله
بلاش
انا هركب في ال 405 205 انت اعمل نفس الموضوع
ال 307 نزلا ب 205 يعني لما تعرضلها ممكن معا حتي 225
بس العربيه هي كده كويسه
احسن مقاس هو 205 اوكي
اوك استاذ نور ...
إن شاء الله هنزل بورسعيد اشوف الجنوط الاستيراد واجيب كاوتشات 205 ...
رايك انهى نوع يكون حلو ويكون سعره مش عالى اوى ؟؟؟
komho ويس جدا و معقول او هانكوك
انا كمان بشد البيجو بتاعتنا بس دوكو وسمكره فقط
وبأذن الله هروح انهارده استلمها من عند البوهيجي لأن المفروض انها في الفرن من يوم الأربع
وربنا يسهل وارفعلكم الصور بعد الدهان
مستنين الصور ... إن شاء الله تطلع حلوة ...
انت عملتها لون ايه ؟؟؟؟
انا شوفت اللون ده على العربيات الجديدة ... وعجبنى جدا ..
معلش بس انا مش بحب اللون ده على البيجو ... مش عارف ليه ؟؟؟
البيجو بتاع الابيض والسكرى و البيج بس ..
بتاعتنا ابيض
معلش يا جماعة كنت مشغول الفترة اللى فاتت ...
انا كنت عايز اوضب من جوه العربية .... ممكن اعمل ايه ؟؟؟
بص ياباشا ع الموضوع ده وقولي رأيك
http://www.nilemotors.net/Nile/showthread.php?t=11475
أما بقي لو عايز تغير شكل العربيه من جوه وعندك أستعداد تصرف قولي وانا اقولك علي فكره جامده وبعدين أنت ماوريتناش الصور بتاعت الشغل الاولاني ولا هنقعد نتكلم شفوي
وأي طلبات انا في الخدمه
حاضر يا استاذ اسلام .... هصور العربية وانزل صورها ...
انا اللى عملته ... تغيير السوست اللى وراء بسوست 505 والمساعدين الكونى ... وطبعا تسقيط العربية من وراء ....
بالنسبة للفرش من جوه ... انا لسه منجد الكراسى من شهرين بس السروجى معملش الجناب بتاعت الكرسى زى اللى فى الصورة (مش عارف ليه ) .... وبرده غيرت السقف بدل الابيض عملت واحد بيج فاتح .. بس ده اللى انا عملت بس من شهرين ...
اللى انا عايز اعمله جنب الكراسى اللى قدام .... وكنت عايز اركب عداد ال rpm بدل الساعة من غير لما اغير شاشة العدادات كلها لانها غالية وانا كنت مغير التابلوه من GR الى GL ....
انا نزلت بورسعيد و سالت على الجنوط ووصيت حد يجيب لى جنوط 505 طيارة والبيجو الالومنيوم اللى بيلمع وكمان اسبوع هنزل اشوف الموضوع ...
بس بجد استاذ Xpert ده فنان ودماغه حلوة .. بسم الله ماشاء الله ...
بص ياباشا حكايه ال rbmما اعتقدش هتنفع مكان الساعه انت هات عدادات زيت وحراراه وrbmوهما بيتباعوا طقم كامل تقريبا ب 150 جنيها وركبهم في القايم او في اي مكان علي زوقك
انا صورت العربية ... هى دى الصور ..
قول رايك اسلام و استاذ نور ؟؟
[IMG]http://www.arb-up.com/files/arb-up-2008-6/PJY85940.jpg[/IMG]
طبعا الجنوط متبهدلة ... بس شغالة
http://www.arb-up.com/files/arb-up-2008-6/bjO86578.jpg
ده الظهر ... مفيش اى تغيررات ...
http://www.arb-up.com/files/arb-up-2008-6/6xp86674.jpg
ده علو العربية بعد تغيير السوست والمساعدين .... اى تعليق ؟؟؟
http://www.arb-up.com/files/arb-up-2008-6/BYb86788.jpg
http://www.arb-up.com/files/arb-up-2008-6/nuf86849.jpg
انا حاسس ان العربية عالية شوية من قدام ... اعمل ايه ؟؟؟
http://www.arb-up.com/files/arb-up-2008-6/WvB86938.jpg
عندها تعويرة فو الفانوس الشمال !!!!!!:sad:
http://www.arb-up.com/files/arb-up-2008-6/0gc87014.jpg
المنظر العام ........ any comment
http://www.arb-up.com/files/arb-up-2008-6/lov87074.jpg
http://www.arb-up.com/files/arb-up-2008-6/2Ef87105.jpg
طبعا الدركسيون متبهدل وهيتغيير ... رايكم اغيره بواحد اصلى (افضل بالنسبة لى ) .. ولا اجيب الدريكسيون الضغير الجديد ؟؟؟
http://www.arb-up.com/files/arb-up-2008-6/AsB87236.jpg
http://www.arb-up.com/files/arb-up-2008-6/D9E87283.jpg
ده التنجيد اللى انا عملته من شهرين ....
اتفرج يا اسلام وقول رايك ؟؟؟