سخونه العربيه مع نتشه

**Mortredo** · 07-10-2014 07:40 PM

السلام عليكم
عندي تويوتا ايكو ومشكلتها الوحيده معايا حاليا هي السخونه. وان مؤشر الحراره عندي لمبه الكترونيه. طول ماهي مطفيه انا في الامان والحمد لله اول ما تنور احمر بيركبني مية عفريت وبحس يوم القيامه قام.
بدايه لما امشي بالعربيه فتره وبعدين اركنها وانا نازل بحس فعلا بسخونة الماتور وريحه غريبه برغم ان مؤشر الحراره تمام, يعني تفتح الكابوت تلاقي صهد طالع في وشك مع العلم الميه في مستواها ولم تنقص والزيت لم ينقص نهائيا ولله الحمد والمروحه مشغلها دايركت علي الكونتاكت والمكنه عندي 1000 سي سي, """فهل ده طبيعي ولا دي مشكله في العربيه"""""

ثانيا حاجه حصلت معايا امبارح كنت في زحمة التحرير في العيد والعربيه واقفه ولا تلات ساعات في الزحمه المهم اللمبه بتاعت الحراره نورت مرتين بسرعه وطفت بعد ثانيه, اللي لاحظته ان اللمبه نورت لما الفتيس نتش وده سوء قياده مني لاني كنت متعصب جدا في الزحمه.. """دي بقي مشكله, ولو حد يتكرم يكون عنده تفسير""""

**Fadi Ezzat** · 09-10-2014 10:20 AM

العربية بتسحن جامد وكدة فية مشكلة
ياما المروحة اننتا مشغلها على سرعة ثابتة بعنى
المروحة فى سرعتين او تلاتة حضرتك مشغلها دايركت اة بس على اول سرعة فقط
ثانيا
فى تسريب فى داير المياة ودة الى بيعمل كدة او غطاء الردياتير بايظ او غطاء القربة (محتمل)
ثالثا ترموستات الكوعة موجودة ولا لأ ؟

**Fadi Ezzat** · 12-10-2014 03:40 AM

كدة المشكلة عندك فى المراوح ودايرة الكهرباء كهربائى شاطر يرجعلك الدنيا زى ما كانت
لان مروحة التكيف مش هتبرد العربية زى مروحة الردياتير ومروحة الردياتير بتحتاج اوقات تنقل على سرعة اعلى وانتا قافلها
ثانيا هتحتاج تنضف الردياتير