الموضوع: فكرة الشراء لفوانيس الجيتا من ebay

بص موضوع شراء حاجه من eBay ده بيعتمد على نوع الحاجه ووزنها وهتجيلك ازاي يعني على شركه شحن زي فيديكس وده غالي اوى وفيه موقع اسمه ادفعلي بتحط لينك الحاجه اللي انت عاوزها وتقريبا ليهم فروع في مصر وبتكتبلك السعر النهائي بعد الشحن وخلافه وبتروح تدفع في فرع الشركه وبتجيلك الحاجه في ظرف شهر على أقصىتقدير انا بصراحه كنت عاوز اجربه واجيب طقم مقصات اصلي من بره بتاع الاودي وتمنه 600$ بس مكسل فشوف كده ولو لاقيت التكلفه عاليه ييبقى مالهاش لازمه إلا في حاجه ضروريه اوى وان شاء الله خير

المشاركة الأصلية كتبت بواسطة ahmed saad

بص موضوع شراء حاجه من ebay ده بيعتمد على نوع الحاجه ووزنها وهتجيلك ازاي يعني على شركه شحن زي فيديكس وده غالي اوى وفيه موقع اسمه ادفعلي بتحط لينك الحاجه اللي انت عاوزها وتقريبا ليهم فروع في مصر وبتكتبلك السعر النهائي بعد الشحن وخلافه وبتروح تدفع في فرع الشركه وبتجيلك الحاجه في ظرف شهر على أقصىتقدير انا بصراحه كنت عاوز اجربه واجيب طقم مقصات اصلي من بره بتاع الاودي وتمنه 600$ بس مكسل فشوف كده ولو لاقيت التكلفه عاليه ييبقى مالهاش لازمه إلا في حاجه ضروريه اوى وان شاء الله خير

اية دا بسم الله ما شاء الله الشركة دى مش غالية بس دا ناقص نقول حرامية حسبت الحسبة طلعهوالى غالية جدا الفكرة ان انا الى عاوز اشترى من على النت بالفيزا وهتكون ارخص انما هما بيستهبلو وبيحسبو الدولار ب 7.49 يعنى ما شاء الله

أول حاجة وأهم حاجة..
انت ضمنت منين ان ده الأصلي؟
أو ضمنت منين ان جودته أعلى من التايواني اللي انت شفته هنا ؟؟

تاني حاجة هاقولهالك عن خبرة سنين في الشراء من الانترنت
ماتبصش على سعر السلعة لوحده وتتوهم انها رخيصة
فيه شحن جوة امريكا بعدين شحن من امريكا لمصر بعدين مصاريف تخليص جمركي بعدين ضريبة بعدين جمرك

الخلاصة..
لو شفت أي حاجة على أمازون أو إي باي وعايز تعرف حسبة تقريبية لمتوسط سعرها لحد ما توصلك مصر
يبقا اضرب الدولار في عشرة جنيه عشان تغطي التكاليف التانية اللي قلتلك عليها..

يعني جوز الفوانيس ده عشان ييجي هايكلفك تقريبا 3500 جنيه (ممكن تزيد أو تقل حاجة بسيطة حسب المتغيرات)
وفوق كل ده انت مش متأكد اذا كان اصلي ولا تقليد درجة أولى ولا بير السلم !!


إذا مش مصدقني روح اسأل أي حد جاب أي حاجة من برة أيا كانت..
اسأله سعرها الأساسي كان كام ع الموقع وصرف عليها كام إجمالي لحد ما وصلته
هتلاقي المتوسط التقريبي عشرة جنيه للدولار

وعلى فكرة المواقع الوسيطة بتاعة الشراء مش حرامية زي مانت فاكر
هما كل اللي بيكسبوه منك حاجتين اتنين..
10% نسبة مكسب ليهم + فرق سعر الدولار في التحويل
يعني أقصى مكسب هايزودوه عليك 300 ولا 400 جنيه في العملية كلها
الباقي كله مصروفات فعليه
ولو بصيت على مكسبهم ده هتلاقيه معقول مقارنة بوجع الدماغ بتاع متابعة الشحن والجمرك وخلافه
لأن كتير حاجات بتتأخر أو تتحجز في الجمارك أو تيجي مكسورة أو تطلع معيوبة وهما مقابل مكسبهم بيتحملوا كل الريسك ده بدالك

أنا قريت وصف السلعة المكتوب من البائع..

مفيش أي كلمة كاتبها تذكر ان الفوانيس دي أصلية
بخلاف انه كاتب فقرة كامله عن ضخامة المصنع بتاعه اللي موجود في الصين

الحاجة دي مش مضمونة يا أستاذي..
ممكن تصرف دم قلبك وتلاقيه في الآخر رديء جدا
نصيحة بلاش

خليك في اللي هنا حتى لو هاتجيب التايواني
طالما بتقدر تمسكه في ايدك وتشوف خاماته وجودة تقفيله وتقرر اذا كان يستاهل تمنه ولا لأ
انما انت كدة بتشتري سمك في مية وممكن يكلفك تمن الأصلي وهو تقليد

المشاركة الأصلية كتبت بواسطة aly_hosny

الموضوع مبقاش معقد زي زمان من ساعة ما باي بال فتح في مصر

دلوقتي انت لو اخترت تاجر بيشحن لمصر كل ال هتدفعه زيادة عن السعر المكتوب في اي باي هو الجمارك

كلمة (الجمارك) دي تشمل مصاريف التخليص الجمركي + جمرك + ضريبة مبيعات
وده اللي انا كتبته فوق لو خدت بالك..

ولو اخترت بياع بيشحن دولي لمصر فهو مش هايشحنهالك لله وللوطن!!
هايحاسبك على الشحن برضه وكله على حسابك..
ماتتغرش انه كاتبلك شحن مجاني
لأنه باين أوي انه مدخل حساب الشحن في تمن السلعة الل واضح انها اصلا مضروبة وتكلفتها الحقيقية أقل من كدة بكتير !!!


يعني الموضوع مابقاش معقد زي زمان وكل اللي وفرته 5 ولا 6 دولار بتوع الشحن الداخلي جوة أمريكا :)

انا مع سلمونتي في كل اللي قاله

انا مجرب الشراء من النت و انصحك بلاش لأنه هايكلفك كتيير جدا و في نفس الوقت غير مضمون نهائيا
الشراء من النت يا اما حاجة رخيصة جدا عن سعرها في مصر يا اما حاجة من توكيل