السريون الحلوة خفت خلاص :)

**ara** · 26-10-2008 11:45 PM

الحمد لله بعد يوم طويل فى التوكيل السريون إتصلحت...
إحنا بعد اكتر من تفويلة و منظف رشاشات العربية كانت لسه بترجرج اوى و السحب مش الطبيعى بتاعها.
النهاردة كنا فى التوكيل من الصبح, المهندس اللى كشف على العربية إقترح تغير الفلتر و الكشف على الطرمبة إلخ...
بس بعد كونسولتو من م/احمد عبد الوهاب , م/محمد عبد الصمد , كبير العمال و مهندس اخر مش فاكرة الاسماء للاسف.. وصلو الى الاتى:
تغير البوجيهات (برضة فضلت مش مظبوطة)
الكشف على البوبينا (and a winner) طلعت واحدة من الربعة إتحرقت لان البوجيهات كلها رطبت!!

الحمد لله بعد تغير البوبينا و الاربع بوجيهات العربية رجعت زى الاول :)
ولازم زى كل مرة الواحد يشكر الناس اللى شايفة شغلها وزيادة كمان م/احمد عبد الوهاب و م/محمد عبد الصمد :) الإثنين إهتموا بالعربية كانها عربيتهم.

إحنا فرجنا مهندس أحمد على صور المقابلة و عجبيته اوى و تقريبا التوكيل كله إتفرج عليها :)

**معاذ الشرباصى** · 26-10-2008 11:51 PM

مبرووووووك

الحمد لله ان الموضوع اتحل, و خلص على خير :)

بالنسبة لصور المقابلة بعت رابط الجروب بتاع الفيس بوك للمهندس محمد عبد الصمد علشان يتفرج على الصور و هو مشترك حاليا فى الجروب معانا.

بس بعد اذنك ممكن اعرف الموضوع اتكلف كام؟

**MoToRiZeR** · 26-10-2008 11:54 PM

ألف مبروك يا هند و الحمد لله خلصت علي خير
تصدقي بجد و الله كان علي بالي إمبارح أكلم ياسر اسأله إيه الأخبار في الموضوع ده بس نمت و انا بفتح باب البيت تقريباَ

مبروك مرة تانية و أشوفكم عالمحور

**Sharky** · 27-10-2008 12:05 AM

الف مبروك على عودتها لحالتها الطبيعية
و ربنا يبارك لكى فيها

**ara** · 27-10-2008 12:06 AM

المشاركة الأصلية كتبت بواسطة معاذ الشرباصى

مبرووووووك

الحمد لله ان الموضوع اتحل, و خلص على خير :)

بالنسبة لصور المقابلة بعت رابط الجروب بتاع الفيس بوك للمهندس محمد عبد الصمد علشان يتفرج على الصور و هو مشترك حاليا فى الجروب معانا.

بس بعد اذنك ممكن اعرف الموضوع اتكلف كام؟

الله يبارك فيك يا معاذ إحنا كنا خلا إكتئبنا و عاملين زى الإعلان بتاع العربية اللى حيلتى بااااااااااظت :)
الأسعار بالظبت مع ياسر
بس تقريبا البوجيهات بالمصنعية 400 و سعر البوبينة 370 من غير المصنعية
بس الحمد لله ربنا كريم :) و هما كانو زوق قوى معانا
ممكن تبعتلى اللينك بتاع الفيس بوك؟ :)

المشاركة الأصلية كتبت بواسطة MoToRiZeR

ألف مبروك يا هند و الحمد لله خلصت علي خير
تصدقي بجد و الله كان علي بالي إمبارح أكلم ياسر اسأله إيه الأخبار في الموضوع ده بس نمت و انا بفتح باب البيت تقريباَ

مبروك مرة تانية و أشوفكم عالمحور

الله يخليك يا محمود القلوب عند بعضها :)
ياسر كان لسه يحكيلى إنه عايز يكلمك و يقولك خلاص عريفنا مكان البوجيهات :)

**waled369** · 27-10-2008 12:07 AM

مبروك تمام شفائها بالسلامة و يا رب دايما بصحة و عافية .
ربنا يبارك لك فيها

**ara** · 27-10-2008 12:08 AM

المشاركة الأصلية كتبت بواسطة sharky

الف مبروك على عودتها لحالتها الطبيعية
و ربنا يبارك لكى فيها

الله يبارك فيك ياشاركى :)
إن شاء الله المقابلة الجاية الحلوة هاتكون فى رونقها

**MoToRiZeR** · 27-10-2008 12:24 AM

المشاركة الأصلية كتبت بواسطة ara

ياسر كان لسه يحكيلى إنه عايز يكلمك و يقولك خلاص عريفنا مكان البوجيهات :)

دنا لسة قاري رد لمعاذ في موضوع بيقول لحد متزودش مياه عشان مببتزودش من فتحة الريدياتير و بتتزود بطريقة معينة .. قلت يادي النيلة حتي المياه مش عارف أزودها و دي بتتزود منين .. من ساعة ما جبت العربية مش عارف أغير حاجة غير السيديهات

ده لينك الفيس بوك
http://www.facebook.com/group.php?gid=35753706566

إن شاء الله أشوفكم قريب و أعرف مكان البوجيهات

**yuyiig** · 27-10-2008 08:42 AM

الف مبروك ... تخليكي في الجاز من هنا ورايح!!!

**أبو عبدالله** · 27-10-2008 12:35 PM

الف مبروك على التصليح
وربنا يبارك فيها ان شاء الله
وياريت تخلو بالكم من موضوع البنزينات ده
يعني اتعودا انكم تحطو من بنزينه نظيفه عالطول
انت جمب الامارات مصر كمان على اول الصحراوي تحفه بجد

وبعدين هبقى اصورلكم فك البوجيهات ان شاء الله
انا فكيتها بس مغيرتهاش ان شاء اول ما اغيرها قريبا ان شاء الله اصورها بإذن الله