و أخيرا.. الحلوة شرفت تحت البيت

**OlaOsman** · 21-08-2008 07:12 PM

أميرة السيارات..

ست الأميرات..

دايهاتسو سيريونات..

أخيرا بأت في حوزتي و شرفت تحت بيتنا

منورة شارعنا يا قمر

سيريون GLX 1300 حمرا

طبعا مفروغ منه شكري لأبو عبد الله عشان هو فعلا حببني في العربية من أول ما دخلت المنتدى.

معاذ باشا الشرباصي وقف جنبي كتير في مرحلة التفكير في الشراء و الحجز و لحد ما استلمت و هو على اتصال دايما يطمن و يتأكد انه كله تمام، ربنا يجزيه عني خيرا :)

أما alijandroo فلا تكفيه صفحات المنتدى كلها شكر و فعلا مش عارفة أقول له ايه.. أكتر من أخ و الله يا علي.. ربنا يكرمك يا رب و يرزقك الخير كله و يفتح لك أبواب الخير من وسع :)

طبعا ده غير ناس تانية كانت دايما بتسأل على السيريون و متبعاني خطوة بخطوة و هم كثر في هذا المنتدى الطيب..جزاهم الله عني جميعا كل خير :)

**Nader** · 21-08-2008 07:14 PM

الف مبروك وربنا يبارك لكى فيها ويحفظها لك من كل شر.

مرحلة التليين أهم المراحل في عمر السيارة،، ليني السيارة

بصبر وحذر.

**Chicco** · 21-08-2008 07:19 PM

ألف ألف مبروك يا علا باشا ....إيه الأخبار الحلوة ديه ......بسم الله ما شاء الله ...ربنا يحفظلك سيريونتك و يبارك فيها و يكفيكوا شر الطريق:party::party:

**MoToRiZeR** · 21-08-2008 07:35 PM

واااااااااااااااااااااااا اااااااا هدف

الف مبروك يا علا انا متابع من مرحلة تعرفك بالعربية .. و بما إننا زملاء في السيريون الأحمر دلوقت .. أول نصيحة .. غطيها غطيها غطيها .. الأحمر بتاعها مغناطيس عينين ببقي مش عارف في ايه يا جدعان و الله ما مبيت فيراري في الشارع ! يعني انا مكنتش بحب نصيحة غطيها عشان العين و اقول "ايه يا عم في ايه يعني" بس ابتديت اطبقها اما "العيون" ملت العربية ..

تليين بقي و ربنا يكفيكي شرها و مبروك عالأسفلت و سبرايت دلوقت لمون أكتر و الكلام ده انتي عارفاه كله أكيد

و هقولك حاجة .. حلو اوي ان انهاردة الخميس .. اخرجي بيها بكرة الجمعة بدري الدنيا تبقي فاضياااااااااااااااااا .. و يكون طريق مفتوح .. روحي مثلا عند سفاري بوابات اسكندرية عند كارفور مش بعيد و حلو اخطفي الفطار من هناك تبقي حاجة جامدة جداَ هتحسي بحلاوة العربية و تحسي الدنيا حلوة كدة .. بس بدري يعني بنتكلم في 6 ولا 7 الصبح عشان تحسي فعلا انك ماشية في مدينتك الخاصة ، اعتبريه معاد مع العربية

اللون الأحمر جامد تنين علي السيريون و انا بقول بجد كويس اني اخترته بين الألوان اللي كنت بفاضل بينها و اهنيكي علي اختياره .. فكرتيني اني بحب العربية هنزل اغسلها دلوقت .. ليا عندك 10 جنيه .. اوعي تكوني عملتي زيي اول ما جبتها فضلت واقف في البلكونة اسبوع بتفرج عليها

مبروك مرة تانية

**mohamed2002** · 21-08-2008 07:46 PM

الف مبروك وربنا يبارك لك فيها

**NaderNabil** · 21-08-2008 08:27 PM

ألف مبروك:)
ربنا يحفظهالك:)

**theking2690** · 21-08-2008 08:37 PM

الف مبروك يا علا باشا و ربنا يحفظهالك

**waled369** · 21-08-2008 08:43 PM

ألف مبرووووووووووووك السيارة يا علا
ربنا يملاها لك بركة و يديكي خيرها و يكفيكي شرها
و يبعد عنك عين الحسود و المطباااااااات وغلاسة بتوع المرور
يا رب قادر يا كريييييييييييم
لوللللللللللللللللللللللل لللللللللللللي

**mazen86** · 21-08-2008 08:45 PM

الف مبروك و ربنا يبارك لك فيها

الموضوع: و أخيرا.. الحلوة شرفت تحت البيت

LinkBack

أدوات الموضوع

عرض

-

-

-

-

المواضيع المتشابهه

أخيرا أخيرا كورس ميكانيكا السيارات بالاسكندرية

باركولي يارجاله ال mg3 أخيرا تحت البيت

أخيرا أخيرا لقيت ال fsv gl وحجزتها ادعولى استلمها على خير

الف مبروك احمد كمال- ليلى شرفت

الكلمات الدلالية لهذا الموضوع

المفضلات

المفضلات

ضوابط المشاركة