سوق العقارات فى مصر

**سمير يونس** · 28-10-2008 02:19 AM

المشاركة الأصلية كتبت بواسطة dreslam

حيحصل اغراق ايوه ومافيش حد حيشتري واللي عنده شقه مش عايز يبيعها اهو يخليها تنقع في الزمن بس حيتحسر قلبه والاسعار في النازل الخمس سنين اللي جايين..دول خمس سنين مش خمس ايام

أكيد أسعار العقارات هتنزل إلى حد ما خصوصا لو اللي عنده شقة محتاج فلوس و مضطر للبيع فده أكيد هيخسر..... بس لازال هناك متغير جديد دخل على سوق العقارات و هو الإيجار بالقانون الجديد فلو واحد عنده شقة مش محتاج لفلوسها أوي ممكن يستفيد بيها في الخمس سنين اللي جاية بإنه يأجرها قانون جديد لحد ما ترجع الأمور لطبيعتها و تنتهي حالة الركود الأقتصادي

**dreslam** · 28-10-2008 10:00 AM

المشاركة الأصلية كتبت بواسطة سمير يونس

أكيد أسعار العقارات هتنزل إلى حد ما خصوصا لو اللي عنده شقة محتاج فلوس و مضطر للبيع فده أكيد هيخسر..... بس لازال هناك متغير جديد دخل على سوق العقارات و هو الإيجار بالقانون الجديد فلو واحد عنده شقة مش محتاج لفلوسها أوي ممكن يستفيد بيها في الخمس سنين اللي جاية بإنه يأجرها قانون جديد لحد ما ترجع الأمور لطبيعتها و تنتهي حالة الركود الأقتصادي

كلام معقول جدا...والشقق الجديده بقى؟

**kaboo4** · 28-10-2008 11:16 AM

ولاهى كلام جميل بس اسمحولى يضحك ضحك انا ضحكت جدا اكن الناس الى حاطة التعليق مش فى مصراولا انا شايف ان الاسعار مش حتنزل خالص يمكن تثبت شويه بعد كدة زى محنا متعودين تعلى تانى و دة لسبب بسيط جدا فعلا اسعار او تكلفه البناء حتقل اوقلت بشكل ملحوظ لكن احنا نسينا القاعددة الى ماشين بيها ان لو قلت حاجة لازم تزيد حاجة فى المقابل يعنى طبيعى ان لما تقل مواد البناء حيزيد اسعار الاراضى و خصوصا الفترة الى فاتت كانت واقفة عند مستوى معين بسبب ارتفاع اسعار مواد البناء و كان ديما الى بيبنى اما شركات كبيرة و خدة اراضى من الدولة او اتنين بيتشركوا واحد بالمبانى و التانى بالارض يعنى بيع الاراضى كان واقف شويه دلوقتى حيمشى مش كدة و بس و الاسعار كمان حتزيد و حتشوفوا

**tamera** · 28-10-2008 11:44 AM

صعب نوصل لحالة ان محدش يشتري
لأن في حاجة اسمها الزيادة السكانية؟
نسبة الزيادة السكانية السنوية في مصر حوالي 2 مليون نسمة
يعني تقريبا الطلب في مصر على الشقق مثلا مليون شقة .. والسكن من المتطلبات الاساسية وفي ناس بتحتاج اكتر من شقة غير الاستعمالات التجارية والادارية للشقق
يعني اساسا الشقق الموجودة ومعدلات البناء في مصر مش مكفية الطلب..
وكمان لو المقاولين توقفوا عن البناء الفترة دي يبقى العرض هايقل مع استمرار نفس معدل الطلب ويمكن زيادته..
هي الاسعار ممكن تكون نزلت فقط عن الاسعار اللي وصلت لها ايام جنون اسعار الحديد انما مازالت مرتفعة
يعني اللي بيخسر اللي اشترى ايام ارتفاع سعر الحديد من شهرين كدا - اللي اشترى في اعلى نقطة لمنحنى ارتفاع الاسعار..- وبعد كدا النزول هايكون بطيء وممكن يثبت
يعني اللي شاري في اول سنة 2008 مش هايخسر حاجة ممكن بس مكسبه يقل شوية
انما ميخسرش من راس المال اللي كان دافعه..
والكلام دا حسب كلام احد اصحاب شركات الاستثمار العقاري وقالي ان تكلفة الحديد بالنسبة لتكلفة المبنى او العقار حوالي 15% بس وقالي الاسعار هاترفع تاني على اول 2009 وان اليومين دول وقت الشراء
والله اعلم

**dreslam** · 28-10-2008 11:54 AM

المشاركة الأصلية كتبت بواسطة tamera

صعب نوصل لحالة ان محدش يشتري
لأن في حاجة اسمها الزيادة السكانية؟
نسبة الزيادة السكانية السنوية في مصر حوالي 2 مليون نسمة
يعني تقريبا الطلب في مصر على الشقق مثلا مليون شقة .. والسكن من المتطلبات الاساسية وفي ناس بتحتاج اكتر من شقة غير الاستعمالات التجارية والادارية للشقق
يعني اساسا الشقق الموجودة ومعدلات البناء في مصر مش مكفية الطلب..
وكمان لو المقاولين توقفوا عن البناء الفترة دي يبقى العرض هايقل مع استمرار نفس معدل الطلب ويمكن زيادته..
هي الاسعار ممكن تكون نزلت فقط عن الاسعار اللي وصلت لها ايام جنون اسعار الحديد انما مازالت مرتفعة
يعني اللي بيخسر اللي اشترى ايام ارتفاع سعر الحديد من شهرين كدا - اللي اشترى في اعلى نقطة لمنحنى ارتفاع الاسعار..- وبعد كدا النزول هايكون بطيء وممكن يثبت
يعني اللي شاري في اول سنة 2008 مش هايخسر حاجة ممكن بس مكسبه يقل شوية
انما ميخسرش من راس المال اللي كان دافعه..
والكلام دا حسب كلام احد اصحاب شركات الاستثمار العقاري وقالي ان تكلفة الحديد بالنسبة لتكلفة المبنى او العقار حوالي 15% بس وقالي الاسعار هاترفع تاني على اول 2009 وان اليومين دول وقت الشراء
والله اعلم

تمام...ده كلام وامنيات اصحاب شركات الاستثمار العقاري وبس
اللي هما مش عايزين يسمعوه بقى
ان مش كل اللي بيشتري محتاج يشتري
نسبه قليله جدا فقط هي اللي بتشتري
والباقي بيسقع
مش بحاول افرض اراء
بس بجد بجد اتفرجوا على اللي حيحصل
ولما هي 15% نسبه مواد البناء..ايه اللي غلا الاسعار كده لما الحديد غلي...هي الاراضي حديد..اللي مش عايز يصدق ما يصدقش بس بجد دي ايام بيع اضطراري فقط مش ايام شراء خاااااااااااااااااااااااا ااااااااااااااااااااااااا ااااااااااااالص

**dreslam** · 28-10-2008 12:01 PM

المشاركة الأصلية كتبت بواسطة kaboo4

ولاهى كلام جميل بس اسمحولى يضحك ضحك انا ضحكت جدا اكن الناس الى حاطة التعليق مش فى مصراولا انا شايف ان الاسعار مش حتنزل خالص يمكن تثبت شويه بعد كدة زى محنا متعودين تعلى تانى و دة لسبب بسيط جدا فعلا اسعار او تكلفه البناء حتقل اوقلت بشكل ملحوظ لكن احنا نسينا القاعددة الى ماشين بيها ان لو قلت حاجة لازم تزيد حاجة فى المقابل يعنى طبيعى ان لما تقل مواد البناء حيزيد اسعار الاراضى و خصوصا الفترة الى فاتت كانت واقفة عند مستوى معين بسبب ارتفاع اسعار مواد البناء و كان ديما الى بيبنى اما شركات كبيرة و خدة اراضى من الدولة او اتنين بيتشركوا واحد بالمبانى و التانى بالارض يعنى بيع الاراضى كان واقف شويه دلوقتى حيمشى مش كدة و بس و الاسعار كمان حتزيد و حتشوفوا

لا كلام زي الفل
واسعار العربيات حتزيد واسعار الاكل كمان جتزيد والبترول حيوصل 200$ والبناء في العالم حيزيد جدا وكمان الاستثمار في البورصه حيزيد زياده رهيبه والدهب حيرخص جدا والحديد حيوصل 10000 جنيه عشان كله بيشتري حديد وكل الناس معاها سيوله عبيطه جدا..احنا بلد مش بتتأثر خالص باي حاجه لا سياحيا ولا صادرات ولا اي حاجه..ولا قناه السويس ولا اي مشاكل..ولا استثمار اجنبي كمان
احنا بلد عايش في اكتفاء ذاتي رهيب ونحن في غير الحاجه لا لمعونات من دول اخرى حتتوقف ولا اي حاجه

**tamera** · 28-10-2008 01:06 PM

المشاركة الأصلية كتبت بواسطة dreslam

تمام...ده كلام وامنيات اصحاب شركات الاستثمار العقاري وبس
اللي هما مش عايزين يسمعوه بقى
ان مش كل اللي بيشتري محتاج يشتري
نسبه قليله جدا فقط هي اللي بتشتري
والباقي بيسقع
مش بحاول افرض اراء
بس بجد بجد اتفرجوا على اللي حيحصل
ولما هي 15% نسبه مواد البناء..ايه اللي غلا الاسعار كده لما الحديد غلي...هي الاراضي حديد..اللي مش عايز يصدق ما يصدقش بس بجد دي ايام بيع اضطراري فقط مش ايام شراء خاااااااااااااااااااااااا ااااااااااااااااااااااااا ااااااااااااالص

هو مكانش بيقولي امنياته
انا كنت بستشيره ...
فقالي اللي عايز يستثمر هايشتري اليومين دول في الرخص لحد ماالمضطرين للبيع يبيعوا وترجع الاسعار تزيد تاني...
وبرضه قبل الزيادة الرهيبة اللي كانت من كام شهر بس هو قالي عليها قبلها بفترة
اما عن علاقة سعر الحديد باسعار الشقق زي مانت عارف الاشاعات واي حاجة بتأثر في الاسعار
انا قلت ان الحديد نسبته 15% من التكلفة الكلية مش من مواد البناء وباقي المواد حوالي 19%
وممكن تراجع الفقرة دي
غير أن مجموعة عز أشارت إلى أن نسبة تكلفة حديد التسليح من إجمالي تكلفة المنشآت لا تتجاوز 14.2 في المائة، وأن باقي المكونات من زلط ورمل وأسمنت تصل إلى نحو 19 في المائة، موضحة أن نسبة مواد البناء لا تتجاوز 33.2 في المائة من تكلفة المنشآت.
على الرابط التالي
http://www.asharqalawsat.com/details...71898&feature=

مش عارف كون الكلام صادر عن مجموعة عز يخلي الكلام دا غير موثوق فيه ولا ايه؟
بس عموما الراجل دا مش شغال في عز وقال لي نفس الكلام
وعلى فكرة هو قالي انه مش هايبني السنة الجاية !!!
وعموما برضه هو مش فرض آراء انما مجرد رأي من الآراء

**dreslam** · 28-10-2008 02:56 PM

ما اقصدش حاجه...ليا اصحاب مقاولين كتير...الخسارة كانت اكبر من اللازم بالملايين عشان كانو شاريين حديد كتير
اخر واحد كلمته من 5 دقايق قاللي مضطر ابني ومافيش قدامي غير كده قلتله والسعر قالي الصراحه مش عارف العمليه ملخبطه حبتين...بس ده صاحبي وبيكلمني كده عشان نصحته من سنه ان الحديد حيتنيل لاكتر من سبب
كنت متوقع ازمه العقارات الامريكيه ومع انتهاء اوليمبياد بكين الصين بقا عنده تشبع والغت المشاريع العملاقه اللي كانت بتسحب بيها حديد عمال على بطال
الهند داخله سوق الحديد وده معناه انهيار اسعاره
واهي كملت بحاجتين..اولهم تباطؤ اقتصاد الدنيا كلها وثانيهم اوكرانيا اللي استلفت 16 مليار
ايوه دي مكونات بناء بس..لكن اللي بيبني مقاولين اشتروا وخسروا وعليهم ديون لازم تتسدد
يعني مش فرض رأي..لكن بيع الغناوة انتهى وحيبدأ عصر بيع "الغباوة"
والله اعلم

**osamaesm** · 28-10-2008 03:12 PM

مش عارف بس حاسس ان السعر هينزل بس مش كتير لان مفيش حد هيبيع بخساره

**boody2** · 28-10-2008 06:23 PM

المشاركة الأصلية كتبت بواسطة dreslam

برضه بنتكلم على الاسعار من وجهه نظر واحده وناسيين ان لسه فيه شقق حتتبني ولسه في عمارات حتطلع ولسه ولسه..
الاسعار حتهبط 40% لتعود كما كانت عليه مش علشان الركود..لا عشان مافيش سيوله
حيحصل اغراق ايوه ومافيش حد حيشتري واللي عنده شقه مش عايز يبيعها اهو يخليها تنقع في الزمن بس حيتحسر قلبه والاسعار في النازل الخمس سنين اللي جايين..دول خمس سنين مش خمس ايام
يعني ميت زنقه مطلوب فيها سيوله عشان كده حيحصل بيع..وحيحصل بناء جديد باسعار اقل فيحصل اغراق ...يبقى الاسعار ما تنزلش؟؟يبقى الوضع ما يتغيرش؟؟ نفس اللي كان بيقول مصر والدول العربيه مش حتتأثر بالازمه..
حيحصل انهيار في مده الست شهور القادمه طبعا وعلى كل المستويات الغالي والرخيص ومالهاش دعوه بالبنوك..البنوك حتحجز على قرى سياحيه ومباني باكملها من مقاولينها قبل ما يبيعوها اصلا لان ماحدش حيشتريها..يبقى الاسعار مش حترخص؟؟...عالعموم ادينا بنتفرج

انا معاك 10000 % لان اصلا الناس الي شاريىة الشقق الغالية كان بتتدفع اقساطها من ارباح البورصة لكن الان البورصة انهارت و الي كان بيدفع اقساط ممعوش سيولة فحيطر يبيع الي الي معاه و المعروض حيزييييييد و بالتالي الاسعار اكيد حتنزل

يا جماعة خلي الشباب يسكت بقي حرام اسعار ال 300 و ال 400 و ال 500 .............