الحقوني غسلت الموتور والعربية مش بتدور

**Ahmed_Gad** · 09-10-2014 02:51 PM

السلام عليكم وكل سنة وانتم طيبيين يارجالة
امبارح كانت خطوبة اختي وقولت اغسل العربية واروشها عشان الفرح وكان بقالي كتير مش بغسل قلت اعمل واجب وانضف الماتور رشيته اسبراي ابرو بتاع تنضيف الموتور وبعدها قلت اديله مية عالسريع وفعلا ما فيش اكتر من مرور الكرام بالمية بس العربية ما دارتشوجبت جاز ورشيته عالموبينة والكويل وهوا وبردو ما دارتش لحد ما البطارية نامت و انا طبعا اتبهدلت مواصلا وما عملتش اي واجب مع اختي في فرحها :-(
عاوز بقي انزل ان شاء الله ادورها قوليلي اعمل ايه لاني راكنها مكان نا عطلت ولسة ما روحتلهاش

**beshoyyy** · 09-10-2014 03:16 PM

تحياتي
محلعش الموضوع دة حصل معايا في الفيرنا و غسلتها و روح و ركنتها و بعديها بسعتين ما رديتش تدور و جيب ميكانيكي و كهربائي و ماحدش عرف يعمل حاجة و سيبتها يومين في الشمس و بعديها دارت لوحدها ... بس بعد ما اعصابي باظت

**IDee** · 09-10-2014 03:39 PM

سيبها يوم قدام الشمس
يمكن يكون المويه دخلت داخل حاجه حساسه
سيبها شويتين تنشف و بازن الله تصلح

**Thebutcherr** · 09-10-2014 03:48 PM

المياه هتلاقيها دخلت في حساسات و الموبينا و سلوك البوجيهات
هتعمل ايه خرطوم هواء او سيشوار و تفك الفيش و سلوك البوجيهات و تديها

**أسامه الحسيني** · 09-10-2014 05:15 PM

الف مبروك على الخطوبه وعقبال الزفاف
الموضوع دا حصل معايا وقعدت افك فى الفيش وانفخ فيها واركبها تانى ورجعت على كل الفيوز وقعدت اسبوع مش مظبوطه وبعد كدا بقت تمام لوحدها
وان شاء الله بسيطه

**hamdy916** · 09-10-2014 06:16 PM

المشاركة الأصلية كتبت بواسطة Thebutcherr

المياه هتلاقيها دخلت في حساسات و الموبينا و سلوك البوجيهات
هتعمل ايه خرطوم هواء او سيشوار و تفك الفيش و سلوك البوجيهات و تديها

+1

**Abo_Mazen** · 09-10-2014 06:17 PM

عربيتي سوزوكي ألتو 2008 ..كنت لسه شاريها وكان عندي إعتقاد إن الإنجيكشن ما يتغسلش ..أو الموتور الإنجكشن ما يتغسلش ..لكن فيه ناس قالتلي ياراجل ..ده هي رشة جاز ..ومش هيحصل حاجه ..ما كلنا بنعمل كده ..المهم رحت البنزينه وغسلت ورش جاز ..وبعدين تعالى دور ..مدايراش ..يا سيدي دور ..مدايراش ..دور مدايراش دور مدايراش لغاية ما دارت لوحدها بعد ما زقيتها عشان أخدها لأقرب ميكانيكي وأنا في السكه شغال زق لوحدي طبعا لإن المصريين بجدعنتهم عملو الواجب وكانوا واقفين يتفرجوا عليا ..المهم ..وأنا في السكه للميكانيكي كنت بجرب أدور لغاية ما دارت ..المره اللي بعديها بقى رحت غسلت وقلت لبتاع البنزينه إنسى إن العربيه فيها كبوت بيتفتح ..ملكش دعوه بالمكنه خالص ..وفعلا ..بعد الغسيل دور ما دايراش ..تاني ..دور ما دايراش ..المهم لقيت إن فيه مياه دخلت من الشبكه اللي قدام وصلت لغاية الجير بوكس من فوق ..جبت بتاع البنزينه ..قلتله هات الهوا ونشف الحته دي ..وقد كان ..نشف الحته دي ..ودور ..هييييه ..دارت ..من يوميها بقى عرفت الفوله ..أغسل وأضبط وفي الآخر ..أنشف الحته اللي فوق الجير بالهوا ..تدور ما شاء الله زي الحلاوه ..إيه علاقة بقى الحته دي بدوارة العربيه مع عدم وجود مياه ..الله أعلم ..مع إن العربيه منيوال

**pioneerahmed** · 09-10-2014 10:06 PM

و الله انا خايف يكون المية ضربت الكنترول

**wael30003** · 09-10-2014 10:08 PM

+1111111

**Abo_Mazen** · 09-10-2014 11:35 PM

المشاركة الأصلية كتبت بواسطة pioneerahmed

و الله انا خايف يكون المية ضربت الكنترول

والله لو كنترول العربيه دي في الحوض..يبقى إحتمال برضه ..إنما لو في العربيه من جوه ..يبقى إحتمال صعب قوييييييي

الموضوع: الحقوني غسلت الموتور والعربية مش بتدور

LinkBack

أدوات الموضوع

عرض

-

-

-

-

-

-

-

المواضيع المتشابهه

الحقوني العربية بتدور وتبطل

غسلت الموتور ويارتني ما عملتها

دخان ابيض من الكربراتير والعربية بتدور كونتاك بس مبتلقطش

العربية مش بتدور ... الحقوني

غسلت الموتور .... المارش باظ

الكلمات الدلالية لهذا الموضوع

المفضلات

المفضلات

ضوابط المشاركة