مشكلة فى تبطيل سيات ابيزا 2006

**cetra** · 09-10-2014 06:36 PM

لو سمحت انا معايا ابيزا 2006 اتوماتيك كانت من شهر بتبطل لما بقف فى اشارة او اهدى الrpm يوطى والعربية تبطل انا كنت مغير 3 موبينة فى التوكيل والمشكلة فضلت زى ما هيا رحت لميكانيكى كان خرطوم الهواء مقطوع غيرته والعربية مشيت بعدها كويس لمدة شهر ومن كام يوم رجعت مشكلة التبطيل تانى مع العلم انى لسة مغير بطارية من شهرين
ارجو الافادة

**hossamalsadik** · 09-10-2014 07:06 PM

المشكله كده مش هتبان بالشرح ده
طيب عملت سرفس أمتى وحالة الرشاشات ايه هل فى اعطال طلعت عند الكشف بالكمبيوتر زى بوابه او حساس الهوا
والذى التوكيل معرفش ينهى المشكله وأيه علاقة المبينه بموضوع التبطيل
اقترح تروح لحد بره حتى لو تعرف بس المشكله فين وبعدين ترحلهم تانى ايه الى انتوا عملتوه العربيه زى ماهيا

**hossamalsadik** · 09-10-2014 09:26 PM

ممكن تكون رشاشات عاوزه تتنضف أو فلتر البنزين مسدود عاوز يتغير
او حساس maf عاوز يتنضف
ده الى فى ايدينا نشوفه

**cetra** · 10-10-2014 10:47 AM

طب فى ميكانيكى كويس حضرتك تنصحنى اروحلوا واقولوا يكشفلى عاة الحاجات اللى جضرتك ذكرتها

**cetra** · 10-10-2014 10:50 AM

العربية اوتوماتيك
لسة منضف البوابة من 3 اسابيع
لا الفرامل مش بتحجر او حاجة سليمة الحمد لله
فحصت كمبيوتر فى التوكيل وبرة ومظهرش اعطال
ازاى اشيك على البوجيهات ولا لازم ميكانيكى

**sala7** · 10-10-2014 11:37 AM

المشاركة الأصلية كتبت بواسطة cetra

العربية اوتوماتيك
لسة منضف البوابة من 3 اسابيع
لا الفرامل مش بتحجر او حاجة سليمة الحمد لله
فحصت كمبيوتر فى التوكيل وبرة ومظهرش اعطال
ازاى اشيك على البوجيهات ولا لازم ميكانيكى

اولا انا عاوزك تركز بس معايا و ترتب افكارك .. لانك رديت مرتين مره بسرعه و مره ابتديت تراجع انا بقول ايه بتاني
معلش انا نسيت اسالك عربيتك ١٤٠٠ ولا ١٦٠٠؟؟ و مهم جدا اني اعرف السؤال ده بالذات و ياسلام لو تجبلي كود الماكينه
لو عاوز تعرف كود المكنه هتلاقيه في الشنطه تحت فرش الشنطه على الشمال في الوش على طول اول ما ترفع الفرش هتلاقي استيكر مكتوب عليه كل حاجه تخص العربيه اللي معاك صورها و ابعتها و انا هعرف

معنى اني سالتك الفرامل سعات بتحجر معاك ... مش معناه انها بايظه .. سعات بيكون ده دلاله لينا لعطل معين في حته تانيه خالص و التحجير ده بيعرفهلنا بسرعه ... انا سالتك سؤال محدد .. ( ساعات الفرامل بتحجر ؟؟؟؟؟؟) تقوم انت تقعد مع نفسك و تفتكر بالراحه و ترجع ترد براحتك بردو هل حجرت مره مثلا او مرتيني متباعدتين ...

سؤال ... هل فيه لمبه بتنور عندك esp اصفر .. و لا عمرها ما نورت عندك اصلا غير ساعه الدواره فقط ؟؟؟

هل غيرت او نضفت فلتر الهوا ؟؟
تشيك على البوجيهات انك تفكها و تبص عليها .. لو بتعرف حضرتك تفك فك ... لو مش .. روح للميكانيكي على طول و ترجع ترد علينا عملت ايه

اوجو ان حضرتك تتحلى بالصبر لاني منتظر ردك علشان هسالك تاني لغايه ما احط ايدي على العطل
و ده سببه زي ما حضرتك شايف انك انت عنينا هنا لعربيتك
انت اللي شايف فيه ايه و ايه اللي بيحصل
انما احنا لا فا الموضوع بياخد وقت علشان نقدر نحدد

منتظر ردك

**hossamalsadik** · 10-10-2014 02:15 PM

المشاركة الأصلية كتبت بواسطة cetra

طب فى ميكانيكى كويس حضرتك تنصحنى اروحلوا واقولوا يكشفلى عاة الحاجات اللى جضرتك ذكرتها

عندك DAS Auto فى 6 اكتوبر وعندك محمد سمير وهاني عصمت ورا حديقة بدر التفاصيل فى الموضوع التالى
كان فى مركز فى صقر قريش بس نسيت اسمه
http://www.nilemotors.net/Nile/365862-a-5.html
http://www.nilemotors.net/Nile/97668...post3872017797