Boeing 747 Pilot Waves Goodbye... With The Plane! - YouTube
احب اقولك ان مش هو الى عملها لوحدة ...أظن كل الركاب عملوها.
لو فيه cros wind رياح عرضية ... الطيارة ممكن تعمل كدة على غير المتوقع ... و لو كدة .. فده طيار محترف لتمكنه من اعادة السيطرة على الطائرة
و لو بيستعرض ... و ده احتمال استبعده ... فلازم يتحاسب على الى عمله ده ... لأنه ضد قوانين السلامة و التشغيل
الفيديو رائع ... شكرا على المشاركة
طيب لو نفترض الاحتمال الاولاقتباس:
المشاركة الأصلية كتبت بواسطة ahmed_eng2001
وكان هناك رياح عرضية طيب لية الطيار اصلا وافق على الاقلاع طالما فى رياح بشكل دة !!!
ولو الطيار بيستعرض طيب ازاى اصلا عينوة فى الشركة الطيران وهو مختل نفسيا !!!
اقتباس:
المشاركة الأصلية كتبت بواسطة الفجر
الرياح العرضية ليها حدود مسموح بيها ... و الطيار هو المسئول الاخير انه يطير فيها او لأ ....
المشكلة المعتادة .... ان الرياح دى ممكن تغير من سرعتها و من اتجاهها فى ثوانى قليلة ... فممكن انه يكون قرر انه يطير و ان الرياح مقبولة ... و بعد ما اصبح فى الهواء الرياح غيرت اتجاهها او قوتها
سؤال حضرتك الاوقع ... ليه البرج سمح له باللاقلاع لو فيه رياح خارج حدود المسموح بيه !!!!
فطالما الامر متروك لقرار الطيار ... ففى الغالب الطيارين بيطيروا ... علشان المفروض انه طيار مدرب و عامل ساعات كتير على الطراز ده ... و الطيارين بيبصولو للموضوع ده انه عيبة فى حقهم :eee: . و تأخير اقلاعه بيضر بشركته ... على حسب تفكير الطيار فى اللحظة دى
لو الطيار بيستعرض ..... فدى حاجة مش دائمة ... و لا اعتقد انه مختل نفسيا ..
فيه حاجة الناس بتسميها تلويحة الوداع زى عنوان الفيديو ... و دى بتكون واحدة شمال و واحدة يمين ... زى بعض ... فى الفيديو .. اليمين زادت كتير عن الشمال .. و ده خلى الطيارة خرجت عن مسارها قليلا
و كمان مش بتكون على الارتفاعات المنخفضة كدة
و ده الى بيزود الاحتمال الاول فى وجهة نظرى .. و ده طبعا يقبل الخطأ و الصواب :10D5C8w1107:
مرعب
للعلم هو كان قاصدها كنوع من انواع الstunt بس تقريباً الموضوع وسع منه حبّتين.
وفقا ل description بتاع الفيديو
دي طائرة شحن جوي .. مش طائرة ركاب
و دي حركة عاملها الطيار للوداع .. الطيارة جديدة و خارجة من مقر التصنيع متجهة للمالك الجديد
واضح ان الموضوع معتاد عليه بين الطيارين في الحالات المشابهة .. اللي مش معتاد انه نفذ المخاطرة دي على ارتفاع بسيط و سرعة قليلة
طيب و ايه المشكله ؟؟!!
اولا على حسب الـ description بتاع الفيديو دى طائره cargo هتتسلم للشركه اللى هتشغلها و لازم الطائره يتعملها اختبار نهائى خصوصا لــ Control surfaces (أسطح التحكم) زى الـ Ailerons - Elevator - Rudder - Spoilers - Flaps & Slats و اللى هو عمله ده حتى لو مكتوب فالفيديو انه wave good bye فهو بكده عمل الأختبارات دى
# بخصوص السرعه القليله فالطائرات الـ cargo ليها lift off weight مصممه تعمل به
take off & landing و لما تكون الطائره بدون الحموله فالـ thrust المطلوب علشان تعمل take off بيكون اقل كتير جدا من المطلوب و هى بكامل و زنها
# اما المسافه القريبه من الأرض فده عادى و بنشوفها كتير و فيه طياريين بيتعملوا roll + yaw طبعا بعد ثوانى من الـ take off على حسب الـ course اللى هيمشى فيه و الـ destination بتاعته بس طبعا مش اى طيار يقدر يعمل كده لازم يكون محترف لانه ببساطه ممكن يفقد الـ lift force و الطائره تدخل فـ stall و توقع
!!!!!!؟؟؟؟؟؟
اقتباس:
المشاركة الأصلية كتبت بواسطة shiko85
انا اختلف مع حضرتك فى بعض النقاط .....
المشكلة انه عمل حاجة ملهاش لازمة و هو على ارتفاع منخفض و هو بيعمل اقلاع ... تركيز عالى .. الماكينات بالقرب من طاقتها القصوى ... و مش ملهاش لازمة و بس ... دى كمان حركة خطيرة شوية
حركة الوداع دى .... الطيارين بيعملوها على ارتفاع عالى شوية .... 2000 قدم مثلا
الاختبار النهائى لأسطح التحكم بيكون و الطيارة بتعمل مناورات للوصول لمدرج الاقلاع ... و ده لو حب يختصر وقت التاكسى ... و علشان ميأخر الرحلة .... او بيعملها و هو واقف قبل ما يطلع على الممر ...
انما يعمل اختبار لأسطح التحكم و الطيارة فى الجو ؟؟!!!! ده مش مقبول
سرعة الطائرة على الممر ثابته تقريبا لكل طائرة ... و من المعروف ان فيه سرعتين على الممر ... V1 و دى تقريبا ثابتة ... و Vr و دى كمان تقريبا ثابته ... ( اعذرنى انا مش فاكرهم كام بالظبط للجامبو )
الى بيختلف قدرة دفع المحركات ..... فالطائرة حتوصل لل Vr مثلا ب 85 % من قوة دفع المحركات القصوى ... بدلا من 95 %
المسافة من الارض ... بتختلف من كل مطار و التانى ... و على حسب خبرتى القليلة .... مش قبل ما يصل لارتفاع من 700 قدم .. قبل ما يبدع يعمل مناورات ... و فى الغالب بيلم العجل قبل الارتفاع ده ...
فيه بعض المطارات المسافة بتقل عن كدة نظرا للظروف الجغرافية الموجود فيها المطار ... زى بعض مطارات فى جنوب شرق اسيا و امريكا اللاتينية ..... و سويسرا !!!!
اقتباس:
المشاركة الأصلية كتبت بواسطة الفجر
اقتباس:
المشاركة الأصلية كتبت بواسطة ahmed_eng2001
ماشاء الله حوار الطيارين مع بعض ممتع
لكن بقى اللى زى حالتنا هقول رأيى اظن انها مقصوده والكاميرا متابعاه وهو عملها باقتدار
بس ازاى دى الطلعه للطياره الواحد بيحس ان دماغه انضغطت وبتكون صعبه جدا على الانسان العادى
الأحساس بيختلف من شخص للتانى فيه ناس بتتأثر بشكل ملحوظ و فيه عادى و طبعا الطيار نفسه الموضوع بالنسبه له عادى جدااقتباس:
المشاركة الأصلية كتبت بواسطة طارق _عبد السلام
هوه احتمال من اتنين
ياما الطيار طالع زفه وبيحى العريس والعروسه زى ما اى حد بيعمل بالعربيه يمين وشمال ساعه الزفه :)
او
ان التباع هوه اللى كان سايق :)
شيكو انت طيار حربي ولا مدني والي بيقولك الحركه الي عملها صعبه هيا لا صعبه ولا حاجه
بس حتى لو محترف ممكن توسع منه غصبا عنه لو الرياح شدة في نفس اتجاه الميلان بسرعه جامده سعتها باي باي
هو غلطان نوعا ما انه عملها وهو بالارتفاع المنخفض اوي ده حتى لو محترف والي بيقولك حتى لو بعد صيانه بيعملوا الحركه ديه فا مبيعملوهاش على الارتفاع ده نهائي الا لو طياره وبيجربوا عليها وبيبقوا لسى مسؤولين عنها
والي بيتكلم عن الكروس ويند فا تأثيره مش جامد اوي ساعة الاقلاع هيا مأثره جدا ساعة الهبوط وتخوف الطيار اكتر
في الهبوط عن الاقلاع دايما يقولك الاقلاع مفيش اسهل منه وده صحيح الا لو مطار الرنواي مش كبير او قدامك حواجز او شاطى الخ الخ من العقبات ان دائما الاقلاع سهل لاكن الفن كله في الهبوط ولو فيه طيارين في الموضوع ده ياريت كله يقول عامل كام ساعه وعلى طرازات ايه يمكن نفتح شركة طيران مع بعض وسميها نايل موتورز اير لاين هههههههههه
مش معقولة معانا هنا طيارين مدنين وحربين ولا اية ؟؟؟
حضرتك مش واخد بالك مما قصدته .....
ما ذكرته حضرتك صحيح ...... و لكن عمل اختبار نهائى قبل الاقلاع لأسطح التحكم يتم فى الهنجر بعد الاصلاح ... او فى منطقة الاختبار .... او قبل الوصول لممر الاقلاع ... او فى مكان انتظار الطائرة ....... و لا يتم عمل هذه الختبارات اثناء الطيران او الاقلاع !!! بمعنى ... الطيار لما بيعمل كده فى الجو ... فده بيعمل مناورة ... مش اختبار طبيعى لأسطح التحكم
فيه اجراء بيعمله الطيار و هو طاير فى الجو فى حالة فقدانه التحكم فى احد الاسطح اثناء الطيران .... و ده قصة تانية خالص
و انا معاك طبعا فى ان اختبار طائرة جديدة يتم بشكل مختلف .... و يتم عن طريق طيار اختبار متخصص ... مش طيار خطوط جوية عادى .... و بيوصل الطيارة لأقصى ظروف التشغيل المصممة عليها الطائرة
و على حسب علمى ... لا يتم عمل الرولنج ده على الارتفاع ده ..... انا عاوز اوضح كمان ان ده مش بيتعمل على كل طيارة بتخرج من المصنع ... ده بيتعمل على النماذج المبدئية و قبل دخول النموذج خط الانتاج
ا
ختلف مع حضرتك فى نقطة صغيرة
N1 and N2 المتعارف عليه .... ال N1 دى بتكون عدد لفات الاكس الداخلى للمحرك ( و ده ليه عداد سرعة من ضمن متغيرات المحرك ) و N2 هى عدد لفات اللاكس الخارجة و معاه الفانة الخارجية .... ( و ده كمان ليه عداد تانى فى اغلب الطائرات )
سرعات الطائرة على الممر ... الطيارين بيعرفوها ب V 1 ..... و Vr .V rotate ..... و بالفعل زى ما حضرتك ذكرت .... عند وصول الطائرة ل V 1 لازم الطيار يطير من على الممر ... علشان فرامل الطائرة مش حتمكنه من ايقاف الطائرة عند اخر الممر ... حتى لو اكتشف وجود حريق فى الطائرة او المحرك بعد كدة ..... و دى حصلت كتير ... اشهرها فى طائرة الخطوط الكينية ...
ماكينة ( محرك ) عمل فاير بعد ال V 1 و الماكينة التانية عملت فاير بعد ما بدأ يطير فعلا و لف بالطائرة و رجع على الممر تانى !!!
ال Vr .. الى بعدها ممكن الطائرة تعمل ( nose up ) و تبدأ طيران
و بالفعل ... الطائرة و هى ثقيلة غير و هى فاضية ..... فى جو بارد غير جو حار ... على ممر مرتفع عن سطح البحر .. غير ممر مقارب لمستوى سطح البحر
يسعدنى الحوار مع حضرتك
:10D5C8w1107:
الكلام ده كبير
كبير أوى أوى
اقتباس:
المشاركة الأصلية كتبت بواسطة DODGE2013
انا متفق مع حضرتك عن موضوع ان الحركة دى مش لازم تتعمل و هو على ارتفاع منخفضاقتباس:
المشاركة الأصلية كتبت بواسطة DODGE2013
و بالفعل .. الكروس ويند اخطر على الطائرة فى الهبوط ... بسبب ان الطائرة بتكون بتنزل بدون دفع المحركات .... بسرعتها و القصور الذاتى للطائرة .... الماكينات تقريبا اعلى قليلا من 60%
الا انى ... لا اقلل من شأنها فى حالة اللاقلاع ... و ده فى حالات تغير شدة و اتجاه الرياح المفاجئ
الموضوع بالظبط عامل زى لما بتكون بتفرمل علشان تقف و تفاجى برمال تحت العجل و العربية تبدأ تلف منك .... مش بتكون عارف العربية حتستقر على ايه و خاصة و انت فاقد الباور
و نفس الحالة و انا بطلع و فوجئت بالعجل بيلف على الفاضى من شوية رمال تحت العجل .... بس انت عندك باور الماكينة ... فى الغالب العربية بتعدل نفسها نتيجة قوة الدفع .... بس ده مش دائما
اما عن الهبوط و الاقلاع .....
الهبوط بيحتاج تحكم اكتر من الطيار و تركيز اكتر زى ما حضرتك ذكرت .... بس الاقلاع اكثر خطورة فنية و ميكانيكية على الطائرة .... علشان كدة الطيارين بيكونوا قلقانين شوية من الاقلاع ... و خاصة فى مرحلة الطاقة القصوى للاقلاع ( 95 % ) تقريبا من قدرة المحركات ... و التى تعمل فى ظروف قاسية جدا
انا مهندس طيران .. مش طيار :whtauwant:
مع كامل الاحترام لحضرتك طبعا
اقتباس:
المشاركة الأصلية كتبت بواسطة ahmed_eng2001
ما ذكرته حضرتك بيتعمل فى الطائرات العسكرية ؟؟
لو بيتعمل فى الطائرات العسكرية ... فنحن لسنا على خلاف .... اما لو بيتعمل فى الطائرات المدنية !!! انا احب اعرف معلومات اكتر عن الموضوع ده من حضرتك .....
و ما اقصده تحديدا .... ان الطائرة المدنية ... تعمل رحلة قصيرة فقط لتجربة اسطح التحكم ... فقط ...
و اعذرنى ... انا لم اسمع بهذا من قبل .. و احتاج من حضرتك المزيد من الشرح
تقبل مرورى و احترامى
اقتباس:
المشاركة الأصلية كتبت بواسطة ahmed_eng2001
شكرا لحضرتك على التوضيح ....
انا عاوز اقول كدة فعلا بس كنت منتظر رأى حضرتك الاول :)
مفيش رحلات للتجربة بتتعمل للطائرات بعد تغير او صيانة اسطح التحكم فى الطائرات المدنية ...... فى شركة مصر للطيران
و بالطبع باقى شركات الطيران المصرية الاصغر من مصر للطيران
انا اختلف مع حضرتك فى النقطة الاخيرة .....
السرية و التكتم الغير مبرر و المبالغ في بعض النقاط ( من وجهة نظرى ) ... و التى يمكن ان تكون متداولة و الجميع يعرفها ؟!!!
و اخص بالذكر .... اطقم الصيانة الفنية للطائرات العسكرية .. الناس مش عاوزة تفيد حد شغال معاها على نفس الطائرة .. و عاوزين يحتفظوا بالمعلومة .... زى اسباب بعض الاعطال ... و فك و تركيب الجايرو ... و ليهم وجهة نظر غريبة .... علشان لو عرفت المعلومة حتنطط عليهم !!!!
و من الممارسة عرفت ان ده شبه سلوك عام .. المهندسين مش عاوزين يفهموا الفنيين ... و الفنيين مش عاوزين يعلموا المهندسين الجداد
و بالرغم من كدة ... انا متفهم وجهة نظر حضرتك
تقبل مرورى
اقتباس:
المشاركة الأصلية كتبت بواسطة ahmed_eng2001
بالرغم من عدم اقتناعى ... بس انا متفهم الموضوع ...
دائما وجهة نظرى ... تبادل المعلومات يأدى الى ازدياد المعرفة للكل و نتعلم من بعض
سعدت بالنقاش مع حضرتك
تقبل مرورى
اللي عمله الطيار طبعا مش مبرر لكن ,
ليه الناس متخيله الطيار مكنه بتنفذ التعليمات حرفيا
اقتباس:
المشاركة الأصلية كتبت بواسطة trise2
تدريب الطيارين اساسا مبنى على الحفظ ... مش الفهم ... بمعنى ...
بيحفظوا الطيارين يتصرف ازاى لما تحصل مشكلة معينة .... لما يحصل حريق فى الماكينة اليمين .. على سبيل المثال .... يعمل خطوات محددة و متسلسلة ... لازم يعرفها كويس ... لو الطيار عاوز يفهم ... يكون افضل و لمصلحته... و لو مش عاوز يفهم مش مشكلة ... اهم حاجة انه يكون حافظ
الطيارين لازم يلتزموا بالتعليمات ... علشان عليهم مسئولية انسانية لما يحملونه من ارواح .... و كمان مسئولية بسبب الاضرار الى من الممكن يسببوها
فيه عنصر تانى ... الاختلاف البشرى بين انسان و انسان .. و اعتقد ان ده الى حضرتك تقصده
تقبل مرورى
ازيك يا بشمهندس انت b1 ولا b2اقتباس:
المشاركة الأصلية كتبت بواسطة ahmed_eng2001
اهلا و سهلا بحضرتك :)اقتباس:
المشاركة الأصلية كتبت بواسطة dodge2013
الاجابة .. B1 ان شاء الله ميكانيكى و مش بحب الافيونكس
انا كنت خارج المجال لفترة ... و ان شاء الله حرجع تانى للمجال الى بحبه ... الصيانة