الموضوع: سؤال اتمني اجابته من الخبراء فقط *سيراتو2014

المشاركة الأصلية كتبت بواسطة borio1704

اللي حضرتك بتوصفه ده طبيعي جدا لسببين:

أولا.. العربية أوتوماتيك.. يعني بتستهلك بنزين أكتر بكتير بالذات لما تقوم العربية من السكون.

ثانيا.. العربية 6 سرعات.. يعني الأول بتاعها أبطأ من الأول المعتاد في العربيات الأربع والخمس سرعات .. وبالتالي الموتور بيدور أكتر ويستهلك بنزين أكتر... والطبيعي في السيراتو إنك لو ماشي على الأول بيكون معدل الاستهلاك حوالي 35 لتر/100 كم... والتاني حوالي 25 لتر/100 كم


نصيحتي ليك... غير طريقة سواقتك بحيث تبقى اقتصادية أكتر شوية.. واعمل التالي:

1- حول العربية دايما على الوضع اليدوي.. ده هيوفر معاك الهدر في الدوران اللي بيحصل في الطلعة الأولانية... وابقى انقل على التاني بمجرد ما العربية تتحرك

2- اضبط البيانات اللي بتطلع في الشاشة بين العدادات بحيث تجيبلك معدل استهلاك البنزين.. وخلي عينك على استهلاك البنزين اللحظي في العداد... وخف رجلك من على البنزين.

3- اضبط ضغط الهوا في الكاوتش على 36-38 psi.. ده هيخلي العربية أسرع كتير في الطلعة.

4- حاول تقلل من تشغيل التكييف.. الجو مش مستاهل تكييف .. خصوصا إن الشتا داخل.

5- ما تحطش بنزين 80... خليك دايما على 90-92

6- أي أوزان زيادة في العربية شيلها... لو حاطط أي حاجة تقيلة في الشنطة تخلص منها فورا.. وكمان مش لازم تشيل معاك ناس كتير في العربية.

7- لو متوقع إن العربية هتقف لفترة أكتر من دقيقتين.. اطفي الموتور

8- حاول تقلل من المشاوير القصيرة (أقل من 8 كم) بالذات لما العربية تكون لسه باردة.. لإن أي عربية بتستهلك بنزين كتير جدا في الأول لحد ما الموتور والزيت وكل حاجة تتظبط في العربية.. وده محتاج وقت.

وربنا يباركلك في عربيتك



...

سؤال لحضرتك بما ان حضرتك متخصص الزيوت بلمنتدي انا عربيتي اوتو المفروض اغيرزيت الفتيس علي 40000 الف والعربيه معايا بقالها 3 سنين وعامله20000 الف فقط يعني علشان اغيره عايز 3 سنين كمان كنت عايز اعرف تغير الزيت بلمده ولا بلاستخدام يعني بعد مثلا 4 سنين انزل الزيت ولا استني ل40000 الف علشان اغيره ولو اقعده 6 سنين واغيره في خطر علي الفتيس وشكرا

حضرتك في كتيب الي جاي مع العربيه التغيير في الوضع الشاق للعربيه علي100000 لكن توكيل هيونداي بيقول كل 40000الف مين الصح فيهم وشكرا