الموضوع: انصافا للفيتيس ال Extronic cvt

من الشائع جدا ان فيتيس cvt اللي طورته نيسان ونزلت الجيل التاني منه باسم extronic في خلاف عليه بين المحب اللي بيعتبره ميزه في سيارات الفلوانس والقاشقاي والجوك وبين اللي بيعتره عيب في العربيه

انا شخصيا بعتبره ميزه جدا في العربيه انا من الناس اللي ببحث عن الفيتيس ده ومن اسباب اقتناعي بالفلوانس هو الفيتيس

الناس بتقول انه مش فيتيس رياضي وان تسارعه بطيء وانا مش هدافع عن النقطه ده هو فعلا مش رياضي لكن هل هو فعللا غير مرضي؟؟

انا حاولت اجيب اكتر العربيات المنافسه للفلوانس عشان نقارن بين تسارع العربيات ده م 0-100 كم/س

طبعا انا جنبت في المقارنه ده الجيتا ال 1400cc توربو لانها بتتسارع من 0-100 في 9.8 وده واضح نتيجة الموتور الجبار اللي فيها عشان كده خرجتها من المنافسه اصلا

ده ترتيب للعربيات من الافضل تسارعا للأقل:

1-طبعا المعشوقه هوندا سيفيك مع الموتور ال v-tec بدون منازع ولا منافس

تسارع في 10.4 ثانيه

2- هيونداي الانترا

تسارع في 11.6 تانيه

3-المركز الثالث كلا من :
** كيا سيراتو

** تويوتا كوروللا

تسارع في 12 تانيه

4- مزدا 3

التسارع في 12.2 ثانيه

5- متسوبيشي لانسر (بومه)

تسارع في 12.5 ثانيه

6-يأتي في المركز السادس كلا من :
** متسوبيشي لانسر EX (شارك)

** شيفروليه كروز

** اوبل استرا

التسارع في 13 ثانيه

7- رينو فلوانس

التسارع في 13.4

8- سكودا اوكتافيا

التسارع في 14.1 ثانيه

طبعا ناس كتير هتقوللي ان مش الفيتيس هو العامل الرئيسي في قياس التسارع
ورغم ان كل العربيات اللي في المقارنه 1600cc الا ان اختلاف قوة الموتور واختلاف وزن العربيه بيحدد التسارع بشكل كبير بدليل ان تسارع الكوروللا اكبر من الفلوانس برغم تشابه الفيتيس

ولكن انا قصدت في المقارنه هنا هو توضيح فرق التسارع بين العربيات كل عربيه بحسب امكانياتها ولكن انا بدافع عن الفيتيس ال cvt اللي بيهاجم دائما انه فيتيس ضعيف وسحبه ممل

الفيتيس ال cvt ناعم بشكل رائع مع احساس منعدم بالنقلات وده بيديه احساس بالبطء لكن مع مقارنة الفلوانس بالشارك والاسترا والكروز تقريبا نفس التسارع وبفارق بسيط لصالح الكورولا والسيراتو

انا شخصيا شايف ان الفرق ده بسيط جدا مقابل نعومة الفيتيس المتناهيه وقلة استهلاكه للبنزين وعمره الطويل

كمان لو قارنا الفيتيس ده في الكوروللا مع الفيتيس ال 6 نقلات في السيراتو هنلاقي نفس التسارع وهنلاقي اداء الكوروللا ب cvt افضل من اداء العربيات اللي بعدها بفيتيس اوتوماتيك عادي

ده رأيي الشخصي ومعظم المعلومات منقوله من موقع يللا موتور وكونتاكت كارز
ومستني اراءكم معايا
وتحياتي للجميع

المشاركة الأصلية كتبت بواسطة yasser100

و الله انا شايف انه ما فيش حد هياخد كل المميزات فى حاجه واحده .

يعنى مش هاتاخد نعومة نقلات و توفير بنزين بيوصل ل 15% و صيانه قليله و تسارع كمان .

الفتيس ال dsg اقوى فتيس فى التسارع و لكن برضه مش هاتاخد كل حاجه . هاتضحى علشان التسارع بحاجات تانيه من ضمنها الاعتماديه .

عشاق التسارع الحقيقى ما بيركبوش اوتوماتيك من اصله . انا كان ليه صديق يشترى اعلى فئات ال بى ام و يطلبها مانيوال ﻻ يمكن يركبها اتوتوماتيك .

فى الاخر بترجع لكل واحد هو عايز ايه من العربيه . انا مثلا لا بتاع تسارع و لا حرق فبالنسبه لى الفتيس ده صفقه فى الرينو لانى باخاف من مشاكل الاتوماتيك و اعمارها القصيره .

مانت بتقول كلام حلو اهو احيانا :p