عملت تيست درايف للأتراج

**mk3** · 12-10-2014 07:57 AM

المشاركة الأصلية كتبت بواسطة مؤمن حمزه

شكرا على نقل التجربه عندى تعليقين...

الاول ان صوت الموتور عندى كان واطى جدا و بعد ماعديت الفين كم اختفى تماما العربيه شبه مالهاش صوت خالص الان.....صوتها بيعلى احيانا مع التكييف لكن برضه مش الصوت اللى يضايق خالص...

فى حاجات كتير متشاله من العربيه اللى بتنزل بره للاسف الشديد بسبب الجمارك اللى هتخلى سعر العربيه عالى جدا...
انا قلت اول ماركبتها ان العربيه فيها كتير قوى من الياريس كشكل و كاداء ....

الباور ستيرينج بتاع العربيه بالفعل مالوش حل.......

يا جماعه انتم عمالين تشكروا فى الباور لكن ده مصيبه على السرعات...هل الباور بيتقل على السرعات العاليه ولا لأ .؟ هل فى زرار لتقل الباور زى البونتو ؟

**tito_misr** · 12-10-2014 10:50 AM

بعد ال120 الباور بيتقل

**مؤمن حمزه** · 12-10-2014 07:45 PM

الباور بيبقى تقيل على السرعات العاليه اوتوماتيك...علشان كده باقولك الباور بتاع العربيه رائع بجد...

**reyad_mohamed** · 12-10-2014 07:46 PM

الباور بيتقل ويخف على حسب السرعة ودى اكتر ميزة بالنسبة لى فى الاتراج دايما فى ثبات مهما سرعتك زادت متحسش باى قلق انا مشيت بيها على سرعة 170 كيلو ومحستش بأى قلق من ناحية ثبات العربية او باور الدريكسيون كنت متمكن وان بنقل من حارة لحارة بسهولة

**memo_p910** · 12-10-2014 08:42 PM

نسيت صحيح اتكلم عن موضوع الباور انا شديت بالعربيه لسرعة 100 تقريبا ولاحظت فعلا ان الباور قفش وبقى تقيل ودي ميزه كويسه
العربيه دي كويسه بس اللي يضايق فيها بجد الكماليات الحلوه اللي الوكيل شالها وكمان منتظرين تقييم من الجراند سيدان

**mhkorayem** · 13-10-2014 12:03 AM

المشاركة الأصلية كتبت بواسطة sokasoon

انا شوفت العربية دى انهاردا عند سمير ريان اول فئة اوتوماتيك بـ 103 الف والفئة الثانية كاملة جنوط سبور وفوج لايت وطارة جلد مالتى فنكشن وزجاج كهربا خلفى بـ 113 الف

بس لما قعدت مع مسؤال السيلز عرض عليا وبأصرار كبير غير مفهموم انى اخد النيسان صنى الشكل الجديد اول فئة اوتوماتيك بـ 113 الف وقالى انها منتشرة اكتر من الاتراج ومعروفة وكمان 4 سلندر و 1500 سى سى

على الرغم انى كنت مقرر على الاتراج الا انو شتتنى اكتر مابقتش عارف اخد الاتراج ولا النيسان وتراجعت فى الشراء

لا طبعاً ابعد عن الصني ولو عاوز صني يبقى الشكل القديم مش الجديد
ادخل قسم نيسان واتفرج على شكاوي ملاكها
الصني الجديده على الورق أفضل لكن التجربه العمليه أثبتت كتر مشاكلها
أنا مش بقول ان الاتراج بلا مشاكل الاتراج لسه جديده ومشاكلها لسه مش معروفه لكن على الاقل هتبقى جايبها وعندك امل انها تبقى بلا مشاكل او تبقى مشاكل معقوله
لكن الصني انت هتجبها وانت عارف انك اشتريت وجع الدماغ
بس أنا راي لو تجيب صني الشكل القديم أفضل من الاتنين وعيوبها معروفه ومقدور عليها وهي ضيق الكنبه الخلفيه واستهلاك البنزين العالي بعض الشئ وقله الاوبشنز لكن كل ده مقبول طالما مش مشاكل جوهريه زي الصني الجديد
والاتراج لسه برضوا لم تختبر والله اعلم مشاكلها هتبقى ايه

**S O P H O S** · 28-10-2014 02:51 PM

تقيم كويس والعربية بدءات تظهر

**carrier** · 09-11-2014 07:03 PM

المشاركة الأصلية كتبت بواسطة د.ياسر

الله ينور عليك انا كنت في نفس مقارنتك دي معايا الريو و لاشارك و الياريس و حسمتها بفضل الله لسه قبل عيد الاضحى لصالح الشارك وهي عربيه فعلا تستحق الاحترام ....:)

مبروك عليك
الشارك
اختيار موفق