الموضوع: # عايزين نعمل موضوع مثبت عن ☆ المشروعات المختلفة بالتكلفة ☆

فكرة الموضوع حلوه جدا وعاجباني
ويشرفني اني اكون اول واحد يقول ارقام ويفيكم ان شاء الله
الكلام اللي هقوله من واقع خبرتي العمليه ومن خبرتي في انشاء مصنعين واحد كرتون وواحد بلاستيك
وسفر الصين 5 مرات ولف على المصانع لشراء افضل الماكينات
أولا:انا هقول ارقام عامه الأول لكل المشاريع
شراء مصنع في اكتوبر او العاشر من رمضان 1000 متر مجهز حوالي 2 مليون جنيه
ايجار مصنع في اكتوبر او العاشر برضه المتر ب 10 الى 25 جنيه في المتوسط
يعني لو مصنع 1000 متر يتأجر من 10000 الى 25000 جنيه حسب الموقع والتشطيب
الوحدات الصناعيه داخل المجمعات لو 150 متر مثلا في حدود 3000 جنيه شهري
ديه ارقام طبعا تقريبيه لأني كنت بدور على مصنع وعرفت الأسعار ديه
ثانيا : راس المال العامل - الخامات المستخدمه -وهو اهم من راس المال الثابت - الماكينات -
طيب نحسبها ازاي
راس المال العامل = الانتاجيه * سعر الطن * 3 ( ثلاث شهور يعني )
ثالثا : الادارة هم شىء ممكن يكون في مشروعين فيهم نفس الماكينات ونفس الانتاج لكن واحد بيكسب وواحد بيخسر وده بيرجع للإدارة
رابعا :تكلفة مصنع كرتون مضلع نصف اوتوماتيك
يتم تحويل الورق الى صندوق كامل ويتكون من ماكينة تضليع وماكينة لصق ومطبعة ودباسة ودبابة
حوالي مليون جنيه
الانتاجيه حتى 100 طن شهري
راس المال العامل حوالي 5000 جنيه للطن
خامسا : تكلفة مصنع كرتون اوتوماتيك كامل
صيني 10 مليون جنيه
تايوان من 15 الى 20 مليون جنيه
اوروبي مستعمل من 25 الى 30 مليون جنيه
الانتاجيه 1000 طن شهري
سعر الطن حوالي 5000 جنيه
خامسا : تكلفة مصنع بلاستيك فيلم
1 لانتاج الاكياس المطبوعه 300 الف جنيه
انتاج حوالي 20 طن شهري
سعر الطن 15000 الف جنيه
2 لانتاج استريتش 500 الف انتاجيه 40 طن شهري
مليون جنيه النتاجيه 80 طن شهري
سعر الطن 15000 جنيه
واهم من كل ده لازم يكون فيه راس مال احتياطي لزوم اول ستة اشهر حتى يستقر المصنع
طبعا طبعا هذه الارقام دلالية فقط ولكن هناك تفاصيل داخل كل مشروع حسب جودة وانتاجية كل ماكينة
اي سؤال او استفسار انا تحت امركم
ارجوكم الدعاء وان يكون هذه المعلومات صدقة جارية ان شاء الله

شكرا يا رجالة على المعلومات الجميلة دى :)

شكرا

[QUOTE=raedegypt;3875788289]الخامات رول بكام الطن واصل بلدك وبكام تبعيه مشغول
البلاستيك مشكلته سابك السعوديه واسعار النفط واجرة العماله وصيانه الماكينات غاليه جدا[QUOTE]



بصراحة مش فاهم السؤال
لو قصدك سعر الخامة كام فطبعا على حسب هاي وﻻ لو وﻻ لينير
بالنسبكة لسابك فهي اللي بتحدد سعر البﻻستيك في العالم كله
لو المشكلة في العمالة انا بجيب العمل وانا اعلمه
لو المشكلة في الصيانة هات انت الماكينة وانا اركبهالك واصينهاك متقلقش

يلا يا رجالة عايزين مشاريع اكتر

موضوع شيق وممتاز وممكن يفيد ناس كتير
الارزاق على اللة ياما ناس بتكون نفس التجارة وبجوار بعض وربنا هو الذى يرزق والناس بتستفيد بالافكار وممكن يكون افادة لواحد فى بلد او منطقة تانية