الخلاصة في الموضوعين.. السكوتر ولا الموتسيكل...
طبعا من ناحية العملانيه والتوفير والسهوله سكوتر من غير تفكير.. اسهل في القياده والصيانه والامان وفيه تخزين ومفيش سخونيه تطلع علي رجلك.. ومفيش دبرياج وفتيس تلخبط نفسك بيهم.. زي العجله بس بموتور... وادخل علي جروب cairo scooters club عالفيس وشوف آراء الناس اللي راكبه وبيعملوا ايه بالسموترز.. انا عن نفسي بقالي 3 سنين راكب وتقريبا ماباخدش العربيه غير وانا نازل بالعيال.. حتي المشاوير اللي انا ومراتي باخد السكوتر..
بالنسبه للاحسن كبدايه.. زي ما الناس نصحت.. بينيللي كافيه نيرو او sym غير كده بلح ومشاكل كتير.. دول في حدود 8-11 الف جديد او مستعمل خفيف..
لو تقدر تزود عن كده هتلاقي حاحات تانيه اكتر سواء ياباني استيراد 200-250 سي سي او كيمكو وsym 200-250 سي سي.. معاك اسعار من 15-25 الف..
وفيه حاجات تانيه ب30 و35 و40 و50..ده بقي لما تحب تجيب حاجه اكبر وكماليات وإمكانيات اكتر وسي سي اعلي..
واي استفسار انا موجود لاي حد عايز يسأل علي حاجه تخص السكوتر
المفضلات