الموضوع: الفلوانس بتاكل بنزين

اولا السحب هايتحسن كتير بعد ال 1000 كم الاولى

ثانيا بقية الحاجات اللى ظهرت عليك و التوكيل و همه محترمين . كلها شايف انها امور بسيطه . الفرامل هايعلوها شويه ده عادى . النور هاتلاقيه كنترول برضه هايظبطوه و rpm هايظبطوه على جهاز .
و برضه البنزين و الاستهلاك هايظبطولك الموتور على الكمبيوتر .

كلها حاجات محلوله ما تقلقش .

أخى الفاضل .. لا داعى للقلق
أولا موضوع زيادة إستهلاك البنزين ده حيتظبط ﻷن أول ميزة فى الفلوانس أنها موفرة فى البنزين .. ولكن أى سيارة جديدة ماتقدرش تحكم على إستهلاكها فى أول 1000 كم والإستهلاك بيتحسن مع الوقت
وهناك سبب آخر هو عدم تعودك على الفيتيس وهذا واضح من كلامك عن البط البلدى وهذا أيضا شىء طبيعى مررت به أنا شخصيا فى أول 1000 كم وبعد كده بقى الموضوع عادى جدا
وده ﻷن الفيتيس ال cvt طريقة التعامل معه مختلفة كثير عن الفيتيس الأوتوماتيك العادى ذو التروس وده عن تجربة شخصية .
وأنصحك بتصفح الموضوعات الخاصة بطريقة التعامل مع الفيتيس .. حتلاقى موضوعات الفلوانس كلها متجمعة فى موضوع مثبت للأخ تامر - جزاه الله خيرا - ومنها موضوع "للكبير قوى" المهندس هانى سعد مشروح فيه الموضوع بالتفصيل
وزى ماقال لك الأخ الفاضل ياسر الموضوع بسيط ويتحل فى زيارة سريعة للتوكيل لو كان فى أى سبب فنى آخر
مبروك عليك الفلوانس .. وأى إستفسار نحن معك
وتقبل تحياتى

نسيت أوضحلك موضوع صوت مروحة التكييف العالى .. التكييف أول ما بتشغله على وضع ال auto بتبدأ المروحة تشتغل على سرعة عالية ولما درجة الحرارة بتقرب للدرجة إللى إنت ضابطها بتنخفض سرعة المروحة أوتوماتيكيا لدرجة ممكن ماتسمعاش .. بس علشان توصل بسرعة لدرجة الحرارة المرغوبة فمن الأفضل الضغط على زر غلق دائرة تجديد الهواء حتى لا تجهد التكييف للوصول لدرجة الحرارة المرغوبة

بعد الالف حتفرق كتير
بالنسبه للحساس بتاع الضوء هو بيشغل النور بسرعه و يطفي بعد شويه طوال وده طبيعيوالا لو حد ضرب النور العالي في وشك و انت سايق حيطفي النور :)
بخصوص ان العربيه بطه:
انت محتاج تتعود علي التعامل مع الفتيس الجديد بتاع العربيه
أول ما تفهمه حيبقي كل حاجه تمام بس خلي بالك تمام يعني السحب معقول .العربيه دي مش بتاعة شد و سحب.دي عربية سواقة بشياكه و شياكه اوي كمان :)