كروز 2010 تبترونيك ، سؤال ﻷهل الخبرة

**shoooma** · 13-10-2014 11:37 PM

السﻻم عليكم
كنت حابب اخد رأى الخبراء هنا
عربيتى كروز 2010 تبترونك 60 الف كيلو لمبه التشك انجن منورة والسكان طلع كود p0700 بحس فيها بنتشه خفيفه عند الغيار التانى لكن لو خفيت رجلى خالص مبحسش بحاجه مركزتش معاها بعدين بدات احس بتاخير فى الغيار التالت حوالى ثانيه وطبعا السحب فى اول نقلتين بطئ لكن لو كبست من اول الغيار التالت بتجرى معايا كويس وظاهرلى صوت خروشه كده لو فتحت الشباك اسمعه مع كل غيار واحيانا بيستمر ثوانى ويختفى بس مش مأثرلى حاجة ولما كشفت عالزيت الصنايعى قاللى كويس ومش ناقص وهو اصﻻ متغير هو والمصفاه من 20 الف كيلو بس
المهم ، ربنا وفقنى ولقيت صنايعى فى ميدان لبنان بيشتغل فى فتيس الكروز وعنده خبرة فيه وصفتله القصه قاللى ده بلف فاصل فى علبه البلوف وﻻزم نغير العلبه كلها ومش هنفتح الفتيس وﻻ هنقرب من الزيت اصﻻ.

هل الكﻻم ده مظبوط ؟ محتاج رأى الخبراء
هل فعﻻ العيب فى علبه البلوف وهل فعﻻ العلبه كلها بتتغير ومينفعش اغير البلف البايظ بس؟
على كﻻمة تكلفه الاصﻻح 4 الاف، هل ياترى الراجل ده امين كده وﻻ الاسعار غير كده ؟
الرجاء المشورة وجزاكم الله خيرا مقدما