الموضوع: اوكتافيا a7 ١.٦ ٢٠١٥ سحب ضعيف

المشاركة الأصلية كتبت بواسطة mohamedjetta

اه قدرت اكتب لان العربيتين دول صارووووووخ بيعدو 220 عادي جدا هو ممكن التسارع مش زي tsi بس في التوب سبيد هتلاقيها بتسد مع tsi
طبعا الاوكتافيا ثابته مع ان حكايه الثبات بالنسبالي بتختلف من شخص لشخص يعني فيه اللي بيركب كوري وبجيب 220 وهو احساس باحساس عادي مش خايف وفيه اللي بيركب كوري وبيخاف يعدي 180
طبعا ثبات الاوكتافيا لا غبار عليه وانا عارف ثبات الالماني لان عربيتنا اصلا جيتا 2011 فتيس dsg
حاول تجرب تاني وتجيب 220 بس متوقعش تجبهم لان عربيتنا الجيتا بتنهج من بعد 190 وبتجيب 200 وبتثبت خلاص

ياجماعة انا بقول موقف حصلي عشان الراجل صاحب الموضوع بس وعشان يعرف ان الموضوع مالوش دخل بالتوكيل ولا أي حاجة من الهري اللي ساعات بيتقال من ناس يادوب سمعة بس علي العربية من مجلة ولا جورنال ولا يمكن حتي كل دي اجتهادات لقتل الوقت بس
وعلي فكرة عشان حضرتك متفهمش كلامي غلط والله لكن كل واحد فعلا ليه سواقته وليه دماغه، زي واحد مثلا بالنسباله لو مشي علي ١٢٠ يبقي ده معناه انه داخل سباق وواحد غيره ميحسش ان سايق غير لو قفل عداد عربيته
وفي ناس مش بتحب غير الكوري مثلا، لكن غيرها مغرم بالفرنساوي وهكذا
وان كان ربنا سترها معايا المره دي اتمني السلامة لي ولغيري وانصحهم انهم ميزودوش في شوارع مصر اللي اعتقد كلنا عارفينها عن ٦٠ كمان مش ١٠٠ وربنا يسترها علينا جميعاً

المشاركة الأصلية كتبت بواسطة Internalspirit

ممكن فعلاً يكون سحب العربية ضعيف شوية بس مش للدرجة ياعني
اما بالنسبة لموضوع انها لما بتوصل لـ 175 أو 180 كأنها معمولها تثبيت سرعة ملوش دعوة بالتوكيل ولا التليين ولا الكلام ده،
انا طلع عين اللي جابوني تدوير علي اوبشن تثبيت السرعة واكلم ناس وكنت فقدت الأمل وقلت اكيد هي اخرها كده وكنت متضايق جداً وقولت ايه اللبسة اللي الواحد لبسها دي اذا كنت بالسيراتو جبت 200،
لحد اما في مرة كنت رايح مدينة العاشر قولت وحياة امك لهعرف فيكي ايه ....
جبت الـ 180 ولقيتها ثبتت عليها كالعادة بس اللي خلاني مصر اني اكمل (والطريق كان مساعدني عشان فاضي) ان العربية علي النقلة الخامسة !!!
دوست جامد لتحت علي دواسة البنزين لقيت دوسة خفية أول مرة اجبها ... لقيت بعدها العربية نقلت للنقلة السادسة وابتديت تعد من بعد الـ 180 ....
فضلت دايس علي الأخر وهي مبتقولش لأ ... شغااااااااالة
لحد اما جبت 220 وللأسف ظهرت عربية واضطرييت اهدي والطريق لم يسعفني بعدها
بس بصراحة اطمنت اني ملبستش العربية

كون إنك تجيب ٢٢٠ وكمان تضطر إنك تهدي يعني العربية كمان كان ممكن تعدي ال ٢٢٠ !!!! فده ملوش غير مبرر واحد إنك كنت نازل من جبل بزاوية ٧٠ مش نزلة عادية حتى ،ده المتور ال ١.٤ tsi 140 hp بجلالة قدره في الظروف العادية مبيعديش ال ٢٢٠ ولو الهوا معاك ممكن توصل ل ٢٣٠-٢٣٥ ومش أكتر من كده
ال ١.٦ التوب سبيد العادي بتاعه في معظم الظروف١٨٠ عالغيار السادس وأقل من ١٩٠ عالغيار الخامس ، ولو الهوا معاك + منزل ممكن توصل ٢٠٥ بعد ساعتين حرق عالمتور والأعصاب
دي حاجة، الحاجة التانية الزرار إللي في آخر الدواسة معمول عشان العربية تسقط نقلة زيادة يعني عكس إللي حضرتك ذكرته تماما بخصوص النققادي

المشاركة الأصلية كتبت بواسطة شاهين - بنز

كون إنك تجيب ٢٢٠ وكمان تضطر إنك تهدي يعني العربية كمان كان ممكن تعدي ال ٢٢٠ !!!! فده ملوش غير مبرر واحد إنك كنت نازل من جبل بزاوية ٧٠ مش نزلة عادية حتى ،ده المتور ال ١.٤ tsi 140 hp بجلالة قدره في الظروف العادية مبيعديش ال ٢٢٠ ولو الهوا معاك ممكن توصل ل ٢٣٠-٢٣٥ ومش أكتر من كده
ال ١.٦ التوب سبيد العادي بتاعه في معظم الظروف١٨٠ عالغيار السادس وأقل من ١٩٠ عالغيار الخامس ، ولو الهوا معاك + منزل ممكن توصل ٢٠٥ بعد ساعتين حرق عالمتور والأعصاب
دي حاجة، الحاجة التانية الزرار إللي في آخر الدواسة معمول عشان العربية تسقط نقلة زيادة يعني عكس إللي حضرتك ذكرته تماما بخصوص النققادي

استاذ شاهين، مع احترامي لكلام حضرتك بس انا عن نفسي ماينفعش اتكلم عن عربية مسوقتهاش زي سعادتك كده بالظبط،
يا اما حضرتك مركبتش العربية دي (ال ١٦٠٠) يا اما مجربتش الموضوع دع من اساسه
ومعني ايه ان الدوسة الزيادة بيسقط نقلة لكن مش بتزود السرعة!!
اومال الستبترونك ايه لزمته

المشاركة الأصلية كتبت بواسطة internalspirit

استاذ شاهين، مع احترامي لكلام حضرتك بس انا عن نفسي ماينفعش اتكلم عن عربية مسوقتهاش زي سعادتك كده بالظبط،
يا اما حضرتك مركبتش العربية دي (ال ١٦٠٠) يا اما مجربتش الموضوع دع من اساسه
ومعني ايه ان الدوسة الزيادة بيسقط نقلة لكن مش بتزود السرعة!!
اومال الستبترونك ايه لزمته

من غير ماأجرب إزاي في الظروف العادية عربية ١.٦ ١٠٥ حصان تجيب توب سبيد زي عربية تربو ١٤٠ حصان لو كده يبقى فرق ال ٣٥ حصان راحوا فين أنا الفنتازيا بتاعت من وهي زيرو في ظروف الطريق العادية متعديش ال ١٨٠ بأي حال من الأحوال ودي تفرق عن المتور الجديد زي منا فهمت من صاحب الموضوع ٣ حصان بسسس ،
زي ماقلت لحضرتك السرعة إللي إنت جبتها كانت في منزل جامد قوي والهوا كان معاك جدا ، دي أول حاجة

ثانيا أنا مش عرف إيه علاقة التبترونك بموضوع التكة إللي في الآخر وعموما دي مشاركة قديمة ليا بشرح فيها فايدة التكة إللي في دواسة البنزين

1- تسقيط عدد نقلات أكتر يعني لو كبست بنزين للآخر العربية حتسقط نقلتين مثلا لكن لو زودت للتكة حتسقط ثلاثة بدلا من إتنين أو أربع نقلات بدلا من ثلاثة وحتاخد الآداء الأقصى من المتور

2- تسقيط النقلات للحد الأقصى عندما يكون الفتيس على وضعية التبترونيك
مثلا لو إنت حاط أي غيار وكبست عالبنزين مش حتسقط غير أما إنت تعمل داون شيفت من الفتيس لكن لو كملت دواسة البنزين للتكة العربية حتسقط تلقائي من غير ماتعمل داون شيفت بنفسك

المشاركة الأصلية كتبت بواسطة شاهين - بنز

من غير ماأجرب إزاي في الظروف العادية عربية ١.٦ ١٠٥ حصان تجيب توب سبيد زي عربية تربو ١٤٠ حصان لو كده يبقى فرق ال ٣٥ حصان راحوا فين أنا الفنتازيا بتاعت من وهي زيرو في ظروف الطريق العادية متعديش ال ١٨٠ بأي حال من الأحوال ودي تفرق عن المتور الجديد زي منا فهمت من صاحب الموضوع ٣ حصان بسسس ،
زي ماقلت لحضرتك السرعة إللي إنت جبتها كانت في منزل جامد قوي والهوا كان معاك جدا ، دي أول حاجة

ثانيا أنا مش عرف إيه علاقة التبترونك بموضوع التكة إللي في الآخر وعموما دي مشاركة قديمة ليا بشرح فيها فايدة التكة إللي في دواسة البنزين

علي فكرة حضرتك مش ملزم تصدقني وانا مش ملزم اقنعك لأن ده موقف وحصلي وانا لا كنت نايم وانا سايق ولا كنت سكران مثلاً
علي العموم انا مش ببيع العربية عشان كده بعملها دعاية مثلاً !!