اوكتافيا a7 ١.٦ ٢٠١٥ سحب ضعيف

**dr_hady4447** · 26-10-2014 07:00 AM

المشاركة الأصلية كتبت بواسطة Internalspirit

من الواضح ان الناس كلها قافشة علي موضوع الـ 220 ده، مفيش مشكلة اعتبروا اني متكلمتش واني مقولتش حاجة من اساسه
بس انا عندي استفسار وياريت حد يقنعني بيه،
هو انا ازاي اتكلم عن عربية انا مسوقتهاش ومجربتهاش !!! والرد يكون :
اذا كاااااااااااااااان الـ 1400 بتعمل كذا
اذا كاااااااااااااااان الـ BMW بتعمل كذا
اذا كاااااااااااااااااااااان
ياعم انا مالي، هو حد قالك اني انا اللي مخترع موتور العربية دي ولا موتور العربيات التانية

تاني، انا بعتذر عن النقاش والكلام اللي انا قولته، لكن مع احترامي انا مش هرجع فيه
وعلي فكرة انا مقولتش اني اول مدوست جبت الـ 220 والأجنحة فتحت وطرت
انا قولت ان الـ 180 بتيجي عادي بس بتقف عندها وكأن فيه تحديد سرعة (واعتقد ان ده برضه نفس الكلام اللي صاحب الموضوع قايله) اللي سبحان الله انا وهو معانا نفس العربية وبنقول نفس الكلام .... سبحان الله فعلا
وان كل ده علي النقلة الخامسة والـ RPM علي 6 أو 7 كمان
ولكن مع الدوسة الزيادة تقلت علي النقلة السادسة وانخفض الـ RPM لـ 5 وابتديت السرعة تزيد وتعدي الـ 180 لحد ما وصلت للـ 220 وطبعا كل ده وانا قافش علي اخر الدواسة

ده كلامي ودي تجربتي ومع احترامي للجميع محدش يقوللي الكلام ده محصلش عشان هو لا كان معايا في الموقف ده ولا معاه نفس العربية عشان يقولي انا جربت ومحصلش،

وتااااااااااااااااني برضه، لا انا من توكيل Skoda ولا انا ببيع العربية عشان كده الناس فاكرة اني بعملها دعاية ولا انا مجنون وبهس في أي كلام

وشكرا

كبير :)

**شاهين - بنز** · 27-10-2014 10:28 PM

المشاركة الأصلية كتبت بواسطة youssef badawi

يا جماعة انتوا ليه مستغربيين الموضوع جده اوي كدا ؟؟ إذا كان والدي علي طريق العين السخنة ب fantasia 2010 وصل 195 km /hour و كنا 6 في العربية غير الشنط !!! و لما كان لوحده وصل 219 او 220 و كان لسه فيها حبة كمان ! انا بتكلم عن fantasia 2010 يعني 102 حصان فا مابالك ال a7 اللي هي اعلي ! 110 حصان يعني عادي جدا و تجيب اكتر من كدا كمان !!

إحنا مستغربين لإنه بيقول إن جاب السرعة دي في ظروف الطريق العادية وده مستحيل ، ده كان منزل جااااااامد والهوا كان معاه بطريقة بشعة
يعني مثلا أنا معايا فانتازيا في الظروف العادية عالغيار السادس مستحيل تعدي ١٨٠ كم أو عالغيار الخامس ١٩٠ لكن مرة كنت ماشي في طريق السخنة وكان الطريق منزل طبعا وصلت معايا بعد أما كحت تراب ٢٠٥ كم
وبعدين جبتوا ٢٢٠ بالفانتازيا وكان لسه فيها حبة كمان ،، صراحة صعبة شوية ، أصعب من قصة ال ٢٢٠ بتاعت ال a7

**jackal** · 28-10-2014 05:57 PM

بصراحه انا مستغرب جدا ومش من عادتي انا اعلق علي الموضيع ديه بس لازم اوضح حبه حجات

اولا عمر مكان الهورس بور مقياس للسرعه
ثانيا عمر مكان برضو الموديل مقياس للسرعه

الراجل مش عايز حد يسقفلو ده بيقول حاجه حصلت بس كده

بالمناسبه انا معايا عربيه موديل 2000 وجبت بيها 180 ولسه في الدواسه تاني بس اصلا مبحبش الجر ي
لو قلتلك ان الاول فيها بيجيب 90 و ال ار بي ام لسه فيه حبه هتصدق ؟
طبعا هتقول لا- بس هيا بتجبهم ولو مش مصدق تعالا اوريلك لانها فعلا بتجبهم

وعلا فكره اخويا معاه موديل 2001 -1600 cc ومصور نفسو 210 اصل هوا عادي يعني مش مستحيل

ايه بقه الي يمنع عربيه موديل فوق 2010 انها تجبهم
اعتقد طالما واحد بيقول حاجه عن تجربه يبقي خلاص صادق طالام مفيش داعي للخلاف

**youssef badawi** · 28-10-2014 11:11 PM

المشاركة الأصلية كتبت بواسطة mohamedjetta

امال الجيتا بتاعتنا 2011 نفس موتور الفانتزيا بس فتيس dsg وكبيرها 205 ليه !!!! ويوم ما يكون فيه نزله بتجيب 210 كم/س

مش عارف للامانة السبب عشان مفتيش بس اللي بقوله ده فعلا حصل مع والدي ... يمكن بقي عايزة صبر او ليها اسلوب معين علي الدواسة ! الله اعلم

**youssef badawi** · 28-10-2014 11:19 PM

المشاركة الأصلية كتبت بواسطة شاهين - بنز

إحنا مستغربين لإنه بيقول إن جاب السرعة دي في ظروف الطريق العادية وده مستحيل ، ده كان منزل جااااااامد والهوا كان معاه بطريقة بشعة
يعني مثلا أنا معايا فانتازيا في الظروف العادية عالغيار السادس مستحيل تعدي ١٨٠ كم أو عالغيار الخامس ١٩٠ لكن مرة كنت ماشي في طريق السخنة وكان الطريق منزل طبعا وصلت معايا بعد أما كحت تراب ٢٠٥ كم
وبعدين جبتوا ٢٢٠ بالفانتازيا وكان لسه فيها حبة كمان ،، صراحة صعبة شوية ، أصعب من قصة ال ٢٢٠ بتاعت ال a7

و الله اللي حصل بقي :d اقوللك ايه طيب ! زي ما الراجل قال انا مش مستفيد حاجة لو قولت كدة ... اكيد مش بنعمل دعايا للشركة !

**dr_hady4447** · 30-10-2014 09:53 AM

طب منا جبت 170 ب اللانسر ال ( 1300 ) بس طبعا حسيت ان العربية الاتزان خلاص بح فنزلت ل 160 حسيتها معقولة ومشيت على كدة

ودا اكتر من مرة

ازاى بقى ال 1600 متجبش 205 ؟؟؟؟

انا مستغرب صراحة