برجاء الرد ضروري .. اوبترا 2006

**saint** · 15-10-2014 12:28 PM

السلام عليكم ورحمة لله وبركاته
الموضوع باختصار
انا كنت مع واحد صاحبي معاه اوبترا 2006 - 16 v - كاملة مانيوال
وكان فيها الار بي ام مش مظبوط يعني على السلانسية يطلع وينزل والاغلب انها بتطفي لوحدها
طبعا انا خبرتى بالشيفروليه .... زيرو
فعلى طول قولتله ان مشكلتك غالبا حساس الهواء عاوز يتنضف
وكان جنبنا ميكانيكي بتاعه
(للعلم صديقى خبرته عموما بالعربيات زيرو برضه)
المهم يا جماعة الميكانيكي ده استلمنا احنا الاتنين بقي بعد لما قلت ان ده عيب حساسا الهوا
وقالى
بطلوا افتاء يا عم انت وهو
ايش عرفكوا انتوا بالعربيات ... انتوا تركبوا بس
العربية دي مافيهاش حساسات تتنضف
و البوابه مش بتتنضف ولما يحصل فيها حاجة بتترمي
طبعا انا قاوحت معاه ... ياعم اززززززززززززززاي الكلام ده
المهم قاللى طيب دور على الحساسات انت
وماعرفتش وكنت في نص هدومي
المطلوب من حضراتكم
1 - هل العربية فيها حساسات قابله للتنضيف
2- مكانهم فين
واسف على الاطاله ....شكرا