الموضوع: يا جماعه الستات والبنات مشكلة السواقه

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[SIZE="6"]

المشاركة الأصلية كتبت بواسطة sab3aawy

يعنى حضرتك شايف ان السعودية-التى اذا سرق فيها الفقير قطعوا يده واذا سرق فيها الشريف خلو سبيله، واذا ادعوا على مصرى انه تسبب فى ادمان احدى اميراتهم جلدوه، واذا قتلت ممرضات الانجليز ابنائهم سفروهم وبالورود فى المطارات ودعوهم-دولة محترمة، لو كان ده تعريف الاحترام فانا افضل ان اكون همجيا والله يلعن ابو ده احترام

ورأى حضرتك ان سبب ان السعودية دولة محترمة هى انها تمنع السيدة من قيادة مركبتها التى تملكها- ده على اعتبار يعنى ان السيدة تنتمى الى سلالة ادنى من الرجل فى سلم التطور ولن تستطيع اداء عمل خارق خطير مثل قيادة السيارة-حتى ولو كانت هذة السيدة مدام كورى او مارجريت تاتشر او انديرا غاندى او شجرة الدر، وكان من يقوم نيابه عنها بهذا العمل الخارق هو رجل امى لا يقرأ ولا يكتب، لو كان ده سبب الاحترام فأوكد واكرر انى ادعو الله ان يلعن ابو الاحترام لو كان هذا هو تعريفه

كما انك ترى ان الاخت التى تفضلت حضرتك بالرد عليها ، لوكانت تعيش فى السعودية-المحترمة غصب عن عين ابونا-لم تكن لتهتم بالسيارات ولا منتدياتها بعتبار انها-الكائن الأدنى- لا ترقى الى فهم هذا الشئ المتطور المعقد -السيارة- والتى يحتكر فهمها الكانئات العليا فى سلم التطور من جنس الرجال

يا ترى لو رجل اسود البشرة فى جنوب افريقيا وللا فلسطينى فى الأرض المحتلة وللا سيدة فى السعودية-المحتررررررررررررررمة- سمعت الكلام ده هيكون رأيها ايه فى وجهة النظر دى

الله يرحمك يا عرابى ، الله يرحمك يا قاسم يا امين ، الله يرحمك يا رفاعة يا طهطاوى، الله يرحمك يا صفية زغلول، الله يرحمك يا اسماء فهمى، كل اللى انتم حاربتم علشانه راااااااااااااااااااااااا اااااااااااااااااااااح

مش فاهم يعني ايه الفرق بين قياده السيدات والرجال حاجه عجيبه انا اعرف سيدات كتير بتسوق كويس جدا ولفترات كبيره بحكم عملي في مجال التجاره عندهم محلات في الاسماعليه ومرسي مطروح وبيخدو بضاعه من النزهه الجديده في سيارتهم وكل اسبوع موجديين ولا يوجد خدش في سيارتهم موضوع غريب فعلا

يا نهار ابيض

ايه ده يا جماعة

عيب اوي اللي بيحصل ده

الأستاذ ايثان عيب اوي كده علي فكرة الطريقه دي مع بنات و سيدات المنتدي

ايه ( يا شيخه) و (انتو امامير اوي) و (بيردي سكر)

لو حضرتك ترضي لاختك ان واحد غريب يكلمها بالطريقه دي يبقي ترضاها لبيردي و بقية البنات في المنتدي

المفروض الرد يبقي بهدوء و احترام شوية عن كده

ياريت الادارة تقفل الموضوع عشان كده في ناس تخطت الحدود

لا الستات هتبطل سواقه و لا الرجالة (بعضهم) هيبطلو تعليقات علي سواقة الستات

فبصراحة I can`t see the point

ليه الموضوع مفتوح لهلأ

ياريت المواضيع اللي زي دي مالهش اي هدف غير انها تزعل الاعضاء من بعضها تتقفل

و لو البنات و الستات مش جزء لا يتجزأ من الشارع المصري كانو قالو في شروط الاشتراك في المنتدي هنا انه غير مسموح للسيدات بالاشتراك

و اه By the way

الدولة المتخلفـــــــــــــة بس هي اللي لا تسمح للسيدات بالقيادة

الاحترام مالوش اي علاقه بالقصه دي

و مش عاوزة اغلط في دولة بعينها لاني اساسا مبحبش الغلط

بس كده كتير و الله

و الف شكر للاعضاء الرجال المحترمين اللي قالو رايهم بمنتهي الاحترام و الحيادية حتي لو اشتكو من سواقه السيدات بس بصورة محترمة

[QUOTE=ethan82;489629]





اهو ده الي بناخدو منكم كلام ورغي وخلاص يا نهي بيه اظن انكم اخر ناس تتكلمو عن المواقف في السواقة وكمان عيب لما تقولي علي الراجل انو حمار انا متأكد انكم بتبقي شايفين الأحداث مش زي اي حد تاني خالص .. وكمان شاب كيكي ميكي ؟؟ طيب عرفتي منين ؟؟

والله انا موجهتش كلام لحضرتك عشان تقول بتاخد مننا رغى او كلام و مضايق اوى كدة للناس اللى بكلم عنها و مظنش ان كلامى يخصك فى شي من قريب او بعيد

متركزي وانتي ماشية في الطريق احسن بدل متبصي علي ده شاب كيكي والا راجل عجوز والا واحد عنده 30 سنه .. !! خلاص للدرجادي ماشية بتدرسي العربيات حواليك . واضح ان المشكلة فيكي وقبل متتريقي علي حد في سواقته ركزي انتي في الطريق بتاعيك ..

اركز ولا مركزش في الطريق دي مش قصتك ولا قضيتك و ايه بقا مشكلتى اللى حضرتك بتقول عليها؟؟؟؟؟

اظن كل واحد يخليه فى نفسه من غير كلام شخصي احسن

اما حاجة عجيبة والله !!!!! حتى مضايقين عشان بنمشي مركزين في الطرق مع كل واحد و غلطات كل واحد !!!


والا الراجل الي عامل دراعه اشارة ومش باين من الكرسي ياشيخه دانتو شوية شوية هتقعدو علي الدريكسون بلاش انتو تتريقو ...

4- اخ تانى حبب يعمل غرزة ضيقة شوية قدلمى عشان يبين انه فتك و كان هيشيلي العربية من قداام انتي متضايقة ليه ؟؟ علشان مخبطش ؟؟ والا علشان هوا فتك فعلا وطلع منك بغرزة .. لو كان لمسك كان يبقي ليكي الحق تتكلمي

انا هضايق عشان واحد بيعرف يعمل غرزة؟؟؟ مش فاهمة يعني فين المنطق فى الكلام دة و بعدين مش انت اللى هتديني حقي انى اكلم سواء لمس عربيتي او ملمسهاش


وياتري يعني ايه تروبش !!! ؟؟ هههههههه والله انتو أمامييير اوي.


مين الامامير دول؟؟ يا ريت تنتقي اسلوبك في الكلام لانه غير مقبول و مرفوض

وعلي الله أشوف حد فيكو في الشارع[

يعني ايه على الله تشوف حد فينا فى الشارع؟؟؟

لتانى مرة بقول لحضرتك اسلوبك مرفوض في الكلام و الحوار معاك وقف لحد كدة و يا ريت متدخلش معايا فى نقاش تانى
/QUOTE]


كلامى واضح

هههههههههههههه الموضوع سخن اوى يا جماعه انا اللى فتحت الموضوع وعمال اتفرج عليكو هههههههههههههههههه حلوة المشاجرات اللى بين البنات والشباب
بس بصراااااااحه احلى رد فى الموضوع كلو بتاع الأخ ethan82 سورى يا نهى و انتى يا بيردى
وعموما انا بعد الموضوع ده استنتجت الأتى قرار السيد توتى مان وهو تم تشكيل لجنه معينه من قبل كبار السواقين وتمت موافقتهم على قيادة البنات والستات فى الشوارع المصريه وانه اذا تم معكستهم او التزنيق عليهم يحكم على الفاعل بالسجن ودفع غرامه قدراها 1000 جنيه
قانون المرور الجديد ههههههههههههههههههههههههه ه