و ماذا عن مواقع الانترنت ؟؟ هل جميعها نصب ؟؟؟
عرض للطباعة
و ماذا عن مواقع الانترنت ؟؟ هل جميعها نصب ؟؟؟
يا عم باسم انت ليك دماغك و عايز تخلع و عايز تفتح محل و مش عارف ايه
انا بقي مش عايز كده انا عايز افضل في مصر علشان اهلي الكبار في السن و قرايبي
ده اولا
ثانيا بقي اقعد استني الاجنبيه الممتازه اللي هتيجي في سكتك علشان تتجوزها هتقابلها فين و امتي و ازاي و متوقليش عن النت
ثالثا :الجواز سنه عن الرسول و فطره من ربنا و تأخره بيجعل الانسان غير مستقر نفسيا و لا اجتماعيا خصوصا لما حضرتك تكبر و صحابك يلتهوا بحالهم و تلاقي نفسك براسك تقولي انشطه و بتاع اقولك هتروح تعمل انشطه مع طلبه لسه في جامعات او شباب صغير جدا اكبرهم اصغر منك ب 10 سنين علي الاقل
الجواز رزق و نعمه فيه مشاكل صحيح لكن العربيه اللي بتيجبها بيكون فيها مشاكل و بتكلفك و بتتخطب و بتصلحها و غيره
الزواج هيخيلي عندك رساله في و هدف ليحياتك و هيساعدك تغض بصرك و تحفظ فرجك و كمان ممكن يقربك من ربنا
بلاش السيره دي الله يكرمك انا في واحد صاحبي دخل علي موقع ممنهم و اتعرف علي اثنين
واخده قالتله افتحلك الكام بكروت شحن
و التانيه كانت مشايه حلو و بتتكلم معاه كويسو لما طلب منها نه يشوف صورتها قالتله هخليك تشوفني دقيقه فتحت ليه الكام لاقها قاعده عريانه و طلبت منه يعمل زيها و انت فاهم الباقي
يبقي من الاخر احتمال 50 % تلاقي حد كويس و احتمال 50% تلبس في واحده من اللي قولت عليهم و ساعتها يا تجرك للي هي بتعمله يا اما انت هتنسي امر الموقع
يبقي من باب اجتناب الشبهات انسي المواقع دي خالص
عايزين حاجه علي ارض الواقع مش في الفضاء السيبري
و اللمه حلوه اكيد يا استاذ باسم يعني في ناس اعرفهم عدوا ال 45 و لسه متجوزش و ده ليه لأنهم ملهيين مع صحابهم و صحابهم حواليهم و خروج و فسح و قهاوي و كمان مش في دماغهم الجواز
لكن تخيل بقي لما انت تبقي العكس و يكون في دماغك الجواز و مفيش صحاب هتبقي حياتك عامله ازاي
و بالمنسبه للشغل ما الواحد مهتم بيه بس هتعيش طول عمرك علشان الشغل احنا بنشتغل علشان نعيش مش بنعيش علشان نشتغل
و لو حتي عملت زي ما قولت هيحصل ايه يعني هترقي علشان اخد فلوس زياده و ايه يعني
ما انا كعازب طلباتي و احتياجاتي متغطيه من دلوقت بمرتبي و بحوش الباقي لما المرتب يزيد هعمل ايه احوش زياده طيب و اعمل فيه في الفلوس اللي بحوشها دي
بغض النظر لو تعرف تقولي ازاي لو واحده عجبتك في مكان و انت نيتك خير ممكن تكلمها و تقولها انك عايز تقابلها بمعرفه اهلها لغرض الجواز يا ريت تقولي
غير كده انا مليش في تنزانيا و شرم و الغردقه و الستات دي الستات دي اخرها تبص عليها لكن تبقي ام عيالك طبعا لا
بلاش نضحك على نفسنا..انا ايام الكليه كنت عارف انى لو اعرف بنت تنفع للجواز يباه لازم احجزها..بس بنات هندسه دول قليلين اوى وغفر اوى وتنكين اوى وعليهم طلب اوى!
لو رجع بيك الزمن مش هتعمل حاجه برضه..ده قدر اللى بيتخصص التخصص ده
انصحك برضه تجرب مواقع الانترنت المجانية دى..فكك من تجربة صاحبك دى مش هتخسر حاجه!
الراجل الطبيعى يا يكون "عطيط"يا يتجوز..غير كده يباه عنده مشكله
انا كده متكلمتش كمان عن الاحتياج العاطفى وشوقك للاطفال وحسرتك على نفسك قدام المراية وانت بتقرع وشعرك بيبيض وترجع من شغلك مش لاقى حد يسال فيك..ربنا ما يوريك مرار الوحدة
ا