حضرتك ممكن تجرب التعارف عالنت أنا أعرف واحد عرف واحدة (مصرية مش قصدي أجنبية) واتجوزها من عالنت والدنيا لغاية دلوقتي كويسة معاهم بس برضو ماتثقش في حد بسهولة عالنت
عرض للطباعة
حضرتك ممكن تجرب التعارف عالنت أنا أعرف واحد عرف واحدة (مصرية مش قصدي أجنبية) واتجوزها من عالنت والدنيا لغاية دلوقتي كويسة معاهم بس برضو ماتثقش في حد بسهولة عالنت
بص حضرتك كل الطرق فيها الحلو و الوحش و متستبعدش اى طريقه و تقول عليها كلها غلط فى على النت كتير عادين و هينفع معاهم بس هما مش هيقبلو الكلام بسهوله فمش لازم تركز فيه
فى حد اقترح عليك الكورسات و انا يا سيدى بفضل الفكره دى اوى شوف كورس كويس لغه ولا كمبيوتر يكون انت ليك تقل عليه و روح قدم فيه غالبا البنات الى بتاخد كورسات بتبقى بنات لا مرتبطه و لا بتشتغل و الفضى بيخليها تنزل تعمل اى حاجه دور فيهم بهدوء خد ليفيل او 2 لحد متلاقى القبول الى يريحك و قبل كل شىء صفى النيه لله
اتمنى اقتراحى يلاقى قبول و تنفذه و يارب يرزقك ببنت الحلال الى تخليك تقول الحمد لله مكنتش بتاع بنات و الا مكنتش عرفتها
انت حر في رأيك طبعا ... علي فكره انا مش مقتنع بفكره الجواز من واحده اجنبيه بنسبه 100% طبعا و لكن عشان مضطرش ابص بره بعد الجواز ... انت شايف "السحن المؤلمه" اللي هنا
تمام و المفروض الراجل الطبيعي يتجوز طبعا بس ملوش لزمه الاستعجال عشان تاخد حاجه نضيفه بدل ما يحدث مالا يحمد عقباه :))))
مع احترامى للكل بس انا بستغرب بصراحة كلام الناس اللى بتقول عادى تكمل حياتك من غير ما تتجوز
يعنى طبيعة الانسان ان هو بيحب حد يشاركه حياته و طبيعى انه ميحبش يعيش وحيد على طول و طبعا بعد سن معين لازم تبقى حياته منفصلة عن حياة اهله فهيكمل حياته على طول لوحده ؟
ده حتى برة النسبة الكبيرة من الناس مش بتعيش لوحدها حتى لو خارج اطار الجواز
مظنش فيه احساس احلى فى الدنيا من انك تشوف ولادك قدام عينيك و هما بيكبروا
الكلام سهل لكن الواقع بيقول ان فيه ناس بتاخد حظها من الدنيا بوش المعلقه و ناس تانيه بتاخده بظهرها او بمعنى اخر مهما الواحد اجتهد فى شىء اى كان الشىء ده مش هيوصل لحاجه لأن الدنيا مبنيه على الظلم و ناس ليها حظوظ كتيره فى كل حاجه و عيشتها مرتاحه و ناس بتموت من الجوع و العطش مش فكره جواز و زفت بس