الموضوع: تأمين اللوحات الجديدة110 جنيه . أين تأمين اللوحات القديمة ولماذا لا يرد للمواطنين ؟

اكيد حيقولو التامين 130 الخاص باللوحات الجديده وتم خصم 20 جنية قيمه التامين الخاص باللوحات القديمه وبقي 110 الرقم النهائي

المشاركة الأصلية كتبت بواسطة mohamed2002

اكيد حيقولو التامين 130 الخاص باللوحات الجديده وتم خصم 20 جنية قيمه التامين الخاص باللوحات القديمه وبقي 110 الرقم النهائي

كلام حضرتك صحيح انت شغال معانا في الحكومة ولا إيه :) هما الـ 20 جنيه رجعوا لكل اللي استبدلوا النمر القديمة فعلاً (يعني العشرينات اللي دفعتوها زمان ماضاعتش هدر و ده ضمن خطة حكومية سابقة لادخار فلوس المواطنين. سؤال خبيث طيب الادخار ده مش له فوائد و المفروض آخد أكتر من 20 جنيه؟ أقول لك لأ الفوائد عليها خلاف و احنا بنجنبك أي احتمال للوقوع في إثم)

أما سؤال الناس الخبثاء ليه بقى اللي بيرخص جديد مابيدفعش 130، فده تشجيع من الحكومة للمواطنين لدخول عالم السيارات. تمام زي إعلان موبينيل بتاع "أدخل يا حسين عالم الموبايل" و ده في صورة 20 جنيه الحكومة بتقطعهم من رزقها كل يوم الصبح عشان تشجع الناس تركب عربيات جديدة

أما بخصوص شكوى الأخت علا من النمر المؤقتة، ده ضمن خطة مزدوجة الهدف للتكافل الاجتماعي + لتوطيد علاقة المواطن بالحكومة يعني بدل ما نسلمك النمر الجديدة و تمشي من عندنا لازم نسيب رابط يخلينا نشوفك و باقي المواطنين كل شوية و 3 شهور مدة كافية. طيب ليه ال 90 جنيه؟
الـ 90 جنيه دول + 20 جنيه (اللي الحكومة قطعتهم من رزقها فوق) = 110 جنيه ثمن نمرة لسيارة جديدة تسلم للفقراء بنظام القرعة في صندوق زجاجي شفاف بمعدل نمرة/فقير/ربع سنة (ن.ف.ر.س)

و حضرتك اقرأي المكتوب عليها دي نمرة (مؤقتة) يعني (ربنا يسهل)، مش (موقوتة) يعني (مضبوطة بالساعة) و حضرتك استلمتيها برضائك التام و دفعتي الفلوس مساهمة في مشروع تكافلي عظيم

سؤال خبيث طيب عرفنا فلوس الترخيص جت منين، الحكومة جابت باقي فلوس العربية للفقير منين؟
ج: من فلوس تانية يتم جبايتها منكم بانتظام شديد زي الساعة و لم تسألوا عنها :k48: ، ليس عن عدم معرفة أو بسبب كسر النفس، و لكن عن طيب خاطر منكم و تيقنكم أين تذهب نقودكم إلى غير رجعة

سؤال خبيث: ليه الحكومة ما بتعلنش عن تسليم النمر و العربيات الجديدة على القفراء؟
ج: مراعاة لمشاعرهم.
و بعد ما يستلموا العربيات مش هتعرفوهم طبعاً و كده نكون حققنا هدفنا
و في ناس من كتر حيائهم بياخدوا النمر الجديدة و يعلقوها على الحيطة في بيتهم

أنا مكلف من الحكومة بالرد على استفسارات الخبثاء

إمضاء: لابس نظارة بمبي و إيده في المياه الباردة

لأ ؛ لأن نفس الرقم بيندفع سواء كانت سيارة زيرو مخدتش رقم قبل كده أو تجديد رخصة لسيارة عليها اللوحات والمواطن بيسلمها