الموضوع: العربيه بتسقف في كل الغيارات

المشاركة الأصلية كتبت بواسطة mostafa hassan

السلام عليكم
العربيه بتسقف في كل الغيارات تقريبا
ومش عارف اوطي الكهرباء اكتر تاني علشان الكليبس اللي قافل الاسبراتير بقي لازق في غطاء التاكيهات خلاص
كان الحل اللي قال عليه عم صبحي ان الاسبراتير ده مخلوف بمعني اني افك السوسته في اخر قاعده الاسبراتير واعكس القاعده
انا فعلا عملت كده امبارح بس العربيه مدارتش
كان معايا اسبراتير احتياطي
بصيت علي اللي انا غيرت قاعدته والاحتياطي لقيت ان اتجاه الشاكوش بقي العكس
فاعتقد كده ان العربيه مش هتدور بسبب اختلاف اتجاه الشاكوش
اعمل ايه دلوقتي ؟

ممكن اضيفك معلومة وعن تجربة .... موضوع التسقيف دة مش من كهربة العربية لوحدها .... لاء أنا لاحظط أكتر من مرة لما بظبط كهربة عربيتي أن العربية تسقف بفتح مسمار الهوا والبنزين ..... يعني الاسبراتير ومسمار الهوا ومسمار البنزين كلهم منظومة واحدة لظبط الكهربا بدون تسقيف


وكمان فى بعض الاوضاع بفتح البنزين أو الهوا بنسبة معينة بتلاقي الاسبراتير نفسه حساسيتة اختلفت يعني ممكن مرة بتظبط من لفة بسيطة اوي ومرة لازم تلفة زيادة

مش عارف انتا واخد بالك من وجهة نظري ولا لاء

بس هقولك الطريقة اللى بظبط بيها الكهربا عندي وتجربها وتشوف النتيجة

قبل ماتدور العربية هتربط مسمار الهوا للاخر وبعدين تفكة تاني بمقدار لفتين ونصف وبعد كدة دور العربية وبمسمار البنزين تقفلة سنة سنة وشوف الار بي ام هتلاقية مثلا 6 أو أعلي شوية بعد كدة تهوي الاسبراتير وتلفة سنة سنة وتلف بكرة الاكسلاتير وتلاحظ ان العربية صوتها منتظم والتسقيف بيقل واحدة واحدة لحد ماتوصل لانسب وضع أنا مثلا بحب اظبط ال ار بي ام على 9.5 أو 10 وبعد كدة تربط الاسبراتير وتطلع تجرب ((( هتلاقي سحب العربية بقي أفضل ومفيش تسقيف )))

حبيت أنقل لحضرتك تجربتي لعلها تفيدك ....... تقبل تحياتي