هوندا hrv تعود بقوة 2015 بمحرك 1500.... و مواصفات ممتازة

**Waleed_aboammar** · 16-10-2014 04:48 PM

و أخيرا يعاد إحياء السيارة الكروس أوفر الصغيرة HRV من هوندا و التى كانت تنتج بشكل محدود منذ ما يزيد على عشرة سنوات و توقف إنتاجها و لكنها الان تعود في ظل زيادة الطلب على السيارات الكروس أوفر الصغيرة مقارنة بالسيارات السيدان.
يطلق عليها أيضا HONDA FIT و ظهرت هذا العام في معرض نيويورك ليكون أول توزيع لها نهاية 2014 و بداية 2015 في أميريكا الشمالية. أما في اليابان فهى تعتبر إمتداد لشقيقتها HONDA VESEL فهى قريبة من نفس الشاسيه. من المتوقع أن تنطلق في أوروبا بحلول صيف 2015 بسعر حوالى 18 ألف يورو.
كلا الإصدارين مدعمان بمحرك سعته 1500 cc ذو أربع أسطوانات واحد يعمل بالبنزين و الأخر هجين بنفس السعة و أخر مدعم بتوربو تشارجر لمزيد من القدرة بنفس السعة اللترية.
يشبهها بعض متابعى السيارات بأنها جوك أخرى (نسبة للسيارة الشبابية التصميم من نيسان) و لكن بنكهة هوندا بينما يعتقد البعض أنها جاءت لتعيد إحتلال مكانة المعروفة JAZ و من المنافسين أيضا في نفس الفئة رينو كابتشر. هذا و لم تصرح هوندا بالمزيد عن المواصفات النهائية للسيارة خاصة و أن الإصدار الأصلى في بدايات عام 2000 كان مزودا بخصائص فريدة مقارنة بالسيارات في ذلك الوقت منها على سبيل المثال إمكانية القيادة الرياضية المفاجئة بتحكم موجود بالدريكسيون.
و السؤال المتوقع بالنسبة للسوق المصرى و الوكيل "ما هي خططكم لاستيعاب هذه السيارة الجديدة و كيفية و توقيت دخولها للسوق خاصة و هي تنتمى للفئة الجمركية المقبولة من جمهور المستخدمين في مصر؟" و أيضا أي المحركات ستكون ملائمة لطبيعة الاستهلاك في مصر و نوع البنزين المستخدم؟ أسئلة طبيعية تنتظر الإجابة و لكن لا يوجد سوى الانتظار فبالتأكيد الشركة الأم و الوكيل سيكون عليهم دراسة السوق جيدا في ظل طرح الموديل الجديد من هوندا سيتى و احتمال طرح سيفيك الجديدة بحلول العام القادم أيضا.

و أترككم مع أول إطلالة متاحة من صور السيارة الجديدة:

**blazer** · 17-10-2014 03:12 AM

عربيه ممتازه بس اتوقع هتنزل بسعر خرافى يوصل ل 280-300 الف وبلتالى مش هنشوف ليها وجود

**ashouhdy** · 17-10-2014 04:44 AM

شبة ال ix35 بهبل

وبقي بالذمة دي كروس صغيرة :)

**Waleed_aboammar** · 19-10-2014 02:49 PM

المشاركة الأصلية كتبت بواسطة blazer

عربيه ممتازه بس اتوقع هتنزل بسعر خرافى يوصل ل 280-300 الف وبلتالى مش هنشوف ليها وجود

ده إحتمال كبير بس المنافسة مش هتبقى لصالحا ساعتها. ممكن نتوقع من دلوقتى الرينج اللى هتنزل بيه. يعنى مثلا السيفيك بتزيد عن الالينترا حوالى 30 ألف جنيه (الفئات المختلفة مع صعوبة المقارنة الدقيقة بينهم نظرا لوجود أوبشنز في سيفيك فئة أولى مش موجودة في الينترا هاى لاين). ده بقى تقدر تسقطه على الهاى لاين من ix35 اللى فيها حتى الثبات الاليكترونى و خاصية الاتزان في المرتفعات و المنخفضات اللى هي تمنها 248 ألف بينما الفئة السابقة ليها اللى ب 235 ألف تعتبر كافية لحد كبير.
ساعتها أعتقد إن الوكيل هينزل فئة واحدة مشابهة لل IX35 اللى ب 235 ألف و يزيد عليها الثبات الاليكترونى في الملفات و اللى هو مهم جدا عشان الحجم ده (كان عاجبنى جدا في RAV4 اللى كانت معايا لمدة سنة) و بلاش خاصية الاتزان فى المرتفعات و المنخفضات لان مش بنحتاجهم و أتوقع ممكن سعرها يبقى ب 265 ألف (بس مع ضحكة شريرة). طبعا مش محتاج أقول يبقى فيها ABS و EBD و باجات و ROAD TRACTION و..... كل الحاجات "الأساسية دى"!!!

فيه بقى شوية أوبشنز أوفر ممكن تبقى في special edition زى city 2015 هاى لاين (شاشة تتش -تقولشى ipad بدل الكاسيت- و مخرج HDMI استغفر الله العظيم و مخرجين 12 فولت للمقاعد الخلفية - دلع الدلع- و فتحات تكييف خلفية -قال يعنى تكييف الهوندا محتاج- و فوانيس الإضاءة بتغسل نفسها و تلف مع الدريكسيون!!!!
على العموم عربيات هوندا مش محتاجة شهاده من حد. لان فيه واحد زميلنا معاه HRV موديل 2006 و ماشاء الله حالتها ممتازة (غير طبعا أثر الزمن و أسرته بصمتهم باينة ربنا يخليهم له) و بتعجبنى جدا في مشيها إنما طبعا هو الشكل طبعا بقى قديم حبتين و برده مش عايز يبيع ربنا يحفظه.

**semsem7222** · 19-10-2014 05:43 PM

المتوقع ليها تنزل امتى

**mohaismail** · 19-10-2014 06:00 PM

جميلة جدا واعتقد هتكون ب 250 الف لو نزلت 1600

**mo7a_mo7a** · 19-10-2014 07:45 PM

شكراً جزيلاً بارك الله فيك

**Waleed_aboammar** · 20-10-2014 04:38 PM

المشاركة الأصلية كتبت بواسطة semsem7222

المتوقع ليها تنزل امتى

و الله ياريت بكره عشان تورى المنافسين العين الحمرا

بس كلام جد هي ممكن تنزل زى اليومين دول السنة الجاية إن شاء الله يعنى موديل 2016 زى ما نزلوا السيتى الجديدة. بس ربنا يهديهم في الأسعار لحسن السيتى هاى لاين معدية ال 170 ألف جنيه

و دى حاجة ما تطمنش و تقلقنا كمان على السيفيك لو نزل شكل منها جديد السنة الجاية؟

......

الموضوع: هوندا hrv تعود بقوة 2015 بمحرك 1500.... و مواصفات ممتازة

LinkBack

أدوات الموضوع

عرض

-

-

-

-

المواضيع المتشابهه

تويوتا ياريس سيدان 2015 بمحرك 1500 سى سى

سوناتا 2015 هتتوفر بمحرك 1.6 تيربو

هيونداي سوناتا 2015 بمحرك 1600 تيربو

فولكس فاغن ـ شيروكو جي تي 24 بمحرك توربيني من 16 صماما بقوة 325 حصانا

دودج تشارجر موديل 1969 بمحرك بقوة 2300 حصان !!!!

الكلمات الدلالية لهذا الموضوع

المفضلات

المفضلات

ضوابط المشاركة