سؤال مهم قبل شراء سيفيك (92-94)

**geniusman1** · 17-10-2014 02:41 PM

السلام عليكم ورحمة الله وبركاته

انا كنت عايز استفسر عن مشكله فى الهوندا سيفيك (92-94) قبل ماشترى
انا بصراحة بعشق الماركة دى وبحبها جدا ونفسى امتلك عربيه هوندا بس المشكله ان فى ناس كتيير خوفتنى من موضوع انها واطيه جدا وبتحك فى اى مطب فهل ده صحيح يعنى متنفعش تكون عائلية واركب اتنين او تلاته فى الكنبه اللى ورا ........
ارجو من ملاك هذه التحفة ان يجابونى بكل صدق علشان فعلا انا عايز اشترى واحدة بس خايف من موضوع المطبات دى وهل هى اوطى من الكرستالة جدا ولا ايه ؟؟؟؟؟؟؟؟

**karkour33** · 17-10-2014 04:53 PM

كان معايا هوندا 98 اعتقد نفس الارتفاع اللي في بداية الالفينات علوها شوية و منجحتش
سواء 92 او 98 عربيات جميلة جدا و في اسوأ حالاتها بتديك اللي يرضيك :)
تكييف ممتاز - مغرية للجري ثبات عالي جدا عربيات تدرس بصراحة
لكن عيبها الوحيد انها واطية اوي و المفروض بيكون لها تصفيح من تحت متفهمش بيشيلوه ولا بيروح فين
قلبك هيتقطع في كل مطب و انت لوحدك مش مركب حد كمان بالنسبالي كنت بطلع رصيف واطي اوي عشان ادخل جراج نقول ارتفاع 3 اصابع فوق بعض لو حد جنبي اساسي هحك في الرصيف ما بالك المطبات

و لكن بكل صدق لو عربية سليمة متتباعش و العربية الوحيدة اللي عندي استعداد ارجع اركبها تاني

**geniusman1** · 17-10-2014 05:31 PM

شكرا جزيلا على الرد
يعنى لو هركب انا والعيله ممكن تحك من غير مطبات هههههههه ياخسارة حلمى ضاع ؟
طب سؤال مش ممكن تعلى
ويعنى ايه لو عربيه سليمة متتبعاش

**mxz911** · 17-10-2014 05:36 PM

احنا معانا نوبيرا2 اللى هيه أعلى منها وبتحك فى مطبات كتير . مابالك السيفيك . الوحيده اللى ركبتها ومش بحط الموضوع ده ف دماغى هيه عربيتى الحاليه بيجو 307
رأى بلاش منها وكمان صعب جدا تلاقي العربيه الموديل ده مش متبهدل

**geniusman1** · 17-10-2014 05:45 PM

المشاركة الأصلية كتبت بواسطة mxz911

احنا معانا نوبيرا2 اللى هيه أعلى منها وبتحك فى مطبات كتير . مابالك السيفيك . الوحيده اللى ركبتها ومش بحط الموضوع ده ف دماغى هيه عربيتى الحاليه بيجو 307
رأى بلاش منها وكمان صعب جدا تلاقي العربيه الموديل ده مش متبهدل

يالا الحمد لله على كل شىء مع ان كان نفسى فيها بس يظهر ان الناس كلها مجمعة على موضوع ان العربيه بتحك فى المطبات ده وفعلا حاجة صعبة .........
وشكرا جزيلا على الرد

**AHMED_HAMDY** · 17-10-2014 06:19 PM

بص انا لو قولتلك اني بركب 3 وراء واوزان ومشس بتحك زي عربيات ثانيه انت مش هتصدق

انا باخد مطبات واخر مطب واخده وكان واخده معايا سيراتو 20010 و فانتازيا و لانسر كرستاله حكوا ومش محملين قدي

انا مركب مساعدين اس اي ار وصدادات وانسى انها تحك معاك وسامح كان شارح الموضوع ده بالتفصيل في موضوع

وبلاعات في النص والحمد الله عادي العربيه عيبها ان سقفها من وراء واطي شويه يعني واحد طويل قوي قاعد وراء ممكن راسه تلامس السقف

بس بجد خد مطبات معا ناس مكنتش بحك وهوه بيحك

**SAMEH_FOUAD** · 17-10-2014 07:04 PM

زى مااحمد قالك بالظبط , مش هزود على كلامة حاجة غير

معاك مساعدين كويسين + جلب مقصات محترمة + صدادات اصلية فى المساعدين + سوست 12 لفة امامى + 10 خلفى + جنوط 14 او 15 بوصة , انسى انها تحك تماما , والثبات هو هو مش هيتأثر 1%