الموضوع: امتنع عن شراء اربى 2015 هاتش باك

adel_edrees شكرا لحضرتك وكلامك ولصدقك وثفتك للمشكلة اللى عرضتها على الجميع

بجد نصب على مستوى عالى

الواحد النهاردة مش عارف يفرح ولا يزعل .....
الحمد لله الحمد لله ناس اتصلوا بينا وبياكدوا ان كلامى حقيقى وان الموضوع ده حصل معاهم واتعرضوا لحوادث مختلفة
ناتج عن عدم الكنترول على العربية وتوقف الفرامل ....
وبيحكوا نفس القصة اللى اتعرضنا ليها ونفس الخطوات مع غبور وايه اللى عمله معاهم ودفعوا كام ؟؟؟
على الععموم الواحد عرف المقلب اللى اسمه ار بى اد ايه ؟

-أي شئ يغور من وش غبور..ربنا معاك.

معلش بقالى كتير ما قولتلكمش على الجديد فى موضوعى
صراحة التجربة كانت بالنسبالى لحد دلوقتى سيئة للغاية
لانى اتعرفت على ناس بوش السم فى العسل من توكيل غبور ،،، كلام حلو فى وشك ولكن كل القصة هو ازاى تقفل القضية بتاعت العربية ويطلعوا تقرير يدينى انا قبل كل شئ .... ويكون هما الحمل الوديع ....
غير المشاوير لمعرفة اصلاح العربية والتكلفة سواء فى الحرفيين او التوكيل او غيرهم ...
التكلفة للاسف طلعت مش اقل من 18000 الف الى 35000 الف عشان ترجع عربية نعرف نركبها او نبيعها ودى حاجة
بالنسبة لحماية المستهلك انا مش فهمه عاوز ايه ... هل هى جهة عاوزة تساعدنى ولا جهة تطليع سبوبة منى ومن الوكيل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبرضه مش فاهم ليه لما اجيب لجنة من كلية هندسة هيخدوا واحد فى المية من ثمن العربية ..... (دى سبوبة برضه )
الخلاصة التوكيل اسوء مما كنت متخيل ........ هم عبارة عن ناس افاقة عاوزة تبيع عربيات ويكسبوا وبس اما الناس اللى هتركب العربيات دول يغوروا فى داهية وفى اكتر من وسيلة لدهس الموضوع واكتر من وسيلة لشراء النفوس بالفلوس

منظومة سيئة ونظام سئ ... ساب السايب لحد ما بقة غول يدوسنا وبس .......... حسب الله ونعم الوكيل فيك يا غبور وفى عيالك واهلك كلهم ز.. اشوفك محروق ومولع بجاز وسخ ..............

ربنا يعينكم على اظهار الحق ، مع اني متاكد انكم حتتعبو جدا ، ومع اني محامي حابب اقولك انك غلط لما رفض دعوة التوكيل انه يغيرك العربية بواحدة جديدة لان للاسف احنا في دولة القانون فيها مبيجبش حق حد ،
ومهتم جدا اعرف ما سينتهي اليه الموضوع .
اما بالنسبة لسؤال حضرتك ازاي عربية موديل 2015 ويوجد بها بعد الاجزاء مطبوع عليها تاريخ الصنع في عام 2013 و 2014 ؟
فدة شئ منطقي جدا وموجود في عربيات كتيييير ان سنة الصنع غير موديل السيارة ، ومتسالنيش ازاي بس انا حابب اقولك اني مرخص عربيتي في 1 / 3 / 2014 موديل 2015 .

ازاي الكلام ده

حضرتك ذكرت في صفحه ٣ ان الفتيس اول ماجه علي ‏d‏ العربيه طارت زي الصاروخ خبطت واحده وابنها ثم استكملت الرحله وخبطت او دخلت في اكثر من ٦ عربيات بس الحقيقه حضرتك لم توضح دخلت في العربيات دي ازاي يعني كانوا واقفين صف واحد ورا بعض ولا واقفين بالعرض ولا عربيه حضرتك دخلت عليهم بالتتابع المهم أضفت حضرتك أن العربيه بعد الست وابنها وال ٦ عربيات استكملت الرحله وشالت راجل كبير وذكرت حضرتك انك حاولت تدوس فرامل دون فائده( حضرتك اللي حاولت مش حد تاني) ثم انه بعد كل ذلك تقول ان اللي كان سايق العربيه واللي عمل الحادثه دي كلها هي أخت حضرتك طب تيجي ازاي