يومين ان شاء الله وأكون فلوانساوى

**heeshooheeshoo** · 19-10-2014 02:28 AM

المشاركة الأصلية كتبت بواسطة just_magdy1

يبدو ان ملاك الفلوانس مشغولين الأيام دي

هههههههه أدينى فضيت لك ياسيدى وسيبت إللى فى إيدى علشان خاطر عيونك

أولا ألف مبروك مقدماً وأهلاً بك فى نادى فلوانس .. ربنا يجعلها قدم سعد عليك ويحفظك ويحفظها من كل شر وسوء

بخصوص الإطارات زى الأخ ياسر ما قال بريدجستون تورانزا .. أما موضوع الإستبن الميشلان ده .. ما أخذتش بالى منه ومش عارف إيه السبب فى إختلاف الماركة !! حانزل الصبح أبص على الإستبن .
بالنسبة لباقى الحاجات إللى إستلمتها هى :- 2 كارت ريموت - إريال - شنطة عدة وكوريك - 4 دواسة موكيت بنفس لون الأرضية عليها إسم رينو - محفظة بها كتالوج السيارة ، وكتيب الضمان ، ودفتر الصيانات ، وبيان أسماء وعناوين مراكز الخدمة على مستوى الجمهورية .
أما موضوع الطفايه ده لا أعلم عنه شىء ولم أسمع به .
دى الحاجات إللى إستلمتها رسمى مع السيارة
أما مازاد عن ذلك فإنت وذوق الموزع أو الوكيل (شمسية - مناديل - معطر - إلخ ...)
طبعاعايزأقول لك أن الدواسات الموكيت ليست heavy duty ولازم لك طقم دواسات محترم يستحمل ظروف الميه والتراب والطين بتاع شوارعنا الجميلة .
بس خلاص ...
مبروك مرة ثانية .. وأى إستفسار نحن معك
وتقبل تحياتى ،،،

**midofox5** · 19-10-2014 01:16 PM

اخى ربنا يكرمك بسيارتك الجديد و يسعدك بيها و يدك خيرها و يكفيك شرها ان شاء الله

انا هقولك على ما جاء مع السيارة مع العلم انا هنا فى السعودية بس لكى نقارن بين ما ياتى معها فى مصر و فى السعودية

الملحقات بالتفصيل

1- عدد 2 مفتاح ريموت
2- حافظة بها كتالوجات السيارة كلها
3- طفاية حريق
4- مثلث
5- علبة اسعافات اولية
6- جهاز قياس ضغط الاطارات
7- مفك صليبة
8- مفتاح 10 /12
9- كوريك
10- دواسات
11- اطار استبن Hankook

و مبروك عليك مرة تانية السيارة :)

**midofox5** · 19-10-2014 01:31 PM

ده موقع للمقارنة بين افضل الاطارات و الانسب لسيارتك

إطارات ومقارنتها. أي إطارات؟ ما هي نتائج اختباراتها؟ كيف أختارها؟

**just_magdy1** · 19-10-2014 05:49 PM

المشاركة الأصلية كتبت بواسطة heeshooheeshoo

هههههههه أدينى فضيت لك ياسيدى وسيبت إللى فى إيدى علشان خاطر عيونك

أولا ألف مبروك مقدماً وأهلاً بك فى نادى فلوانس .. ربنا يجعلها قدم سعد عليك ويحفظك ويحفظها من كل شر وسوء

بخصوص الإطارات زى الأخ ياسر ما قال بريدجستون تورانزا .. أما موضوع الإستبن الميشلان ده .. ما أخذتش بالى منه ومش عارف إيه السبب فى إختلاف الماركة !! حانزل الصبح أبص على الإستبن .
بالنسبة لباقى الحاجات إللى إستلمتها هى :- 2 كارت ريموت - إريال - شنطة عدة وكوريك - 4 دواسة موكيت بنفس لون الأرضية عليها إسم رينو - محفظة بها كتالوج السيارة ، وكتيب الضمان ، ودفتر الصيانات ، وبيان أسماء وعناوين مراكز الخدمة على مستوى الجمهورية .
أما موضوع الطفايه ده لا أعلم عنه شىء ولم أسمع به .
دى الحاجات إللى إستلمتها رسمى مع السيارة
أما مازاد عن ذلك فإنت وذوق الموزع أو الوكيل (شمسية - مناديل - معطر - إلخ ...)
طبعاعايزأقول لك أن الدواسات الموكيت ليست heavy duty ولازم لك طقم دواسات محترم يستحمل ظروف الميه والتراب والطين بتاع شوارعنا الجميلة .
بس خلاص ...
يارب يخليك
مبروك مرة ثانية .. وأى إستفسار نحن معك
وتقبل تحياتى ،،،

**just_magdy1** · 19-10-2014 05:51 PM

متشكر جدا لحضراتكم

**Batman372** · 19-10-2014 05:56 PM

انا معى مو ٢٠١٤ الاطارات كلها جوديير ... عدا الاستبن ميشلان ...
مفيش دواسات اصلى بتنزل مع ال e3 ... يمكن مع الهاى لاين hl فقط ...
تحياتى ...

**just_magdy1** · 19-10-2014 07:08 PM

المشاركة الأصلية كتبت بواسطة Batman372

انا معى مو ٢٠١٤ الاطارات كلها جوديير ... عدا الاستبن ميشلان ...
مفيش دواسات اصلى بتنزل مع ال e3 ... يمكن مع الهاى لاين hl فقط ...
تحياتى ...

متشكر batman Basha أنا ان شاء الله هستلم ألعربيه بكره ويارب احس بفرق بينها وبين الشارك لأَنِّي مخبيش على حضراتكم أنا قلقان وبدعى ربنا ان أكون موفق فى الاختيار لانى اول مره اركب رينو وبقالى فترة في حضن اليابانى والاكيد ان لولا مشاركات حضراتكم ماكنتش هاخد القرار ده ... دعواتكم

**mfraig** · 19-10-2014 09:45 PM

المشاركة الأصلية كتبت بواسطة just_magdy1

متشكر batman basha أنا ان شاء الله هستلم ألعربيه بكره ويارب احس بفرق بينها وبين الشارك لأَنِّي مخبيش على حضراتكم أنا قلقان وبدعى ربنا ان أكون موفق فى الاختيار لانى اول مره اركب رينو وبقالى فترة في حضن اليابانى والاكيد ان لولا مشاركات حضراتكم ماكنتش هاخد القرار ده ... دعواتكم

الشارك من العربيات الحلوه جدا في الشكل ولااستابيليتي والسحب بس برضه اللروح الاوروربي هتلاقيه مختلف
وربنا يفرحك بيها ومستنيين تقرير الاستلام بس ماتنساناش :)))