من خلال تجربتى فى تاجير شقتى اياك ثم اياك انك تؤجر شقتك لاى حد مهما كان مركزة الاجتماعى الا بوصل امانة بقيمة الشقة كاملة او بوصل امانة على بياض + عقد موثق

لاننا نعيش بجد فى دولة اللا قانون نهائيا

وباختصار حكايتى انا والورثة لدينا عقار نصفة ايجار قديم والنصف الاخر شقق ايجار جديد واجرنا بحسن نية لناس ظاهريا محترمين واصحاب شركات و معاهم عربيات فخمة وفلوس فى البنك وفى الاخر البهوات لما اتنهى عقدهم مرضيوش يخرجوا ووضعوا ايديهم بالغصب على العين _(الشقة يعنى ) وكمان المصيبة الكبيرة ان فى واحد بيعمل شقتة لاعمال منافية للادااب العامة واحنا عمارة محترمة فيها عائلات وبناتنا طالعة ونازلة على السلم وبيشوفوا مناظر فى منتهى القذارة وانتم طبعا فاهمين كلامى وكدة ولما حاولت ابلغ الشرطة عن الاعمال القذرة اللى فى شقة وريحة المحظورات طالعة فى قلب المنور العمارة طالعة بشكل فاجر قالولى ..... هنعمل تحريات 3 شهور ولو طلع انك بتعمل بلاغ كاذب انت اللى هتسجن وبصراحة المحامين نصحونى انى لو حاولت اثبت حالة البنات الساقطات الى بتروح الشقة هيعملولك محضر تحرش وهيرموا بلاهم عليك وفى الاخر انا اللى هروح السحن وهيتعملى ملف فى الاداب ........................ هههههههههههههههههههه مسخرة السنين طبعا

ولو حاولت اخرج المؤجرين بالقوة هيعملوا ليك محضر سرقة محتويات عفشهم وان الشقة كان فيها مليون جنبة وهروح السجن وورا الشمس

وحاليا بقالى سنيتن كاملين وداخل على السنة التالتة وبدفع مصاريف محامين(مقوم 3 محامين وصدق او لا تصدق) دة غير العطلة والبهدلة فى المحاكم عشان اخد حكم بالطرد ولسة كمان مجاش حكم الطرد وكل جلسة بتاخد مش اقل من شهرين كاملين فى الدور الجلسات عشان الجلسة اللى بعديها وكل حكم ابتدائى بيطعن علية من الخصم واستشكال فى النيابة ثم حكم بتنفيذ القرار من مامور القسم وطلوع قوة من الشرطة لتنفيذ الحكم وحاجات كتير لحد ما وصلنا انى بقالى سنتين كاملين مش عارف اطلع المؤجرين دة غير كمان انهم مش بيدفعوا كهربا ومتقدرش تقطع الكهربا عليهم واخرها بيدفعوا للمحصل عشرين جنية ويمشوة وبيحولوا فواتير الكهربا اللى عليهم الى اقساط على الكمبيوتر وبعد ما الناس هتطرد ربنا يديى لاولادى العمر ويشوفوا اليوم د هنلبس فى كل فواتير الكهربا اللى مدفعتش قبل كدة علما ان الاقساط الكهربا على الكمبيوتر وصلت الى 4الاف جنية عدا ونقدا والباش عايش فى التكييف وفاتحة ليل نهار حتى فى الشتا عشان الاهبل اللى هو انا هدفعلة بعد الطرد

واخيرا لازم عقد موثق لان ضرايب بتعمل عليك تقدير جزافى من غير عقد موثق وبتسلخك سلخ لو العقد غير موثق خصوصا لو كان المستاحر لية واسطة فى الضرايب وبيهددك بيهم ودة اللى حصل فعلا معى وكمان ياريت يكون ليك واسطة فى شرطة الاداب عشان تعرف تعمل تحريات كويس

ودة حال مصر وعمرنا ما هنتقدم ابدا طوال ما فى غياب تام للعدل والقانون

نصيحة لوجة الله عشان الناس الىل بتفكر تؤجر شقق كمشروع ودخل ليهم وفاكرة ان مصر بلد لا يتعمل فيها مشاريع او تاكل لقمة حلال من غير اذية لحد