الموضوع: نصيحة لا تؤجر شقتك الا بوصل امانة بقيمة الشقة+عقد موثق+ضمان مع بوليس الاداب

المشاركة الأصلية كتبت بواسطة magdy_c_c

باشا ايه الكلام ده ؟؟؟
لو حضرتك مأجر العين ( الشقة يعنى ) بعقد و ملزم فى العقد مدة الايجار بين الطرفين و بنوده سليمة يعنى زيادة 10 % سنويا ً بعد الموافقة على التجديد ، مين الذى سيقوم بدفع المرافق ( مياه - كهرباء - غاز طبيعى - الزبالة ،،،،،الخ )
أى أعمال منافية للآداب العامة أو الاتجار فى السلاح أو المخدرات من خلال العين تكون مسؤلية المستاجر وحده ، و اذا ثبت ذلك يكون من حق المالك استردار العين فورا ً
و طبعا ً العقد ( عقد الايجار ) بيكون موثق فى الشهر العقارى بعد استيفاء بنوده و موافقة الطرفين عليه و بشهادة الشهود
و من الطبيعى ان حضرتك لما بتاخد الايجار الشهرى بتسلمهم وصل بذلك
و لو ما معاهومش ايصالات تثبت انهم يقوموا بالدفع الشهرى على التوالى أى محامى ب 3 جنيه ممكن يجيب لهم طرد من أول جلسة ، لكن لو معاهم ايصالات شهرية بالدفع المنتظم ، و حضرتك محدد فى العقد مدة الايجار يبقى حضرتك لازم تبعت للمستأجر اعلام بترك الشقة قبل انتهاء مدة العقد بشهرين ، و لو حضرتك ما عملتش كده و العقد انتهى لاااااااااااااا توافق على التجديد ، و ابعت الأول انزار على يد محضر باخلاء محتويات الشقة و تركها فورا ً لانهاء مدة العقد و عدم موافقتك على التجديد ،،،،
طبعا ً كل ما سبق لو حضرتك أو الورثة ( المالك الأصلى للعقار ) و الايجار قانون جديد
طيب لو حضرتك مستأجر أساسا ً و بتأجر الشقة دى من الباطن ؟؟؟
يبقى ساعتها بقى تأجر فعلا ً 5 محامين مش 3 و تعيش
على فكرة أنا باتكلم بصفة عامة و مش عارف حضرتك أساسا مالك العين الأصلى و عامل عقد ايجار للظلمة دول و لا لأ؟؟؟؟؟
كان الله فى العون

اولا

انا المالك العين الاصلى مش باجر من الباطن

ثانيا

الغاز والكهربا طبعا على المستاجر ومكتوبة فى العقد بس البهوات بعد ما تطردهم بيكون عليك فواتير كهربا متراكمة لانة بيعمل طلب تقسيط المديونية الكهربا بالعقد الايجار اللى معاة وفى الاخر انت اللى هتلبس كل الفواتير المتاخرة وبشرايحهم كمان يعنى حتى لو جبت جقك من الايجار !!!!!!!كلة رايح فواتير كهربا وخلافة وحسبى الله ونعم الوكيل

ثالثا

العقد الايجار انتهى من سنتين وبعتلهم انذار بالطرد على يد محضر وطبعا عشان هو يهرب من الاستعلام بييدى عشرين جنية للبوسطجى من تحت عشان لا يستلم الاعلان ودى لوحدها شهر الى شهرين ثم يعلم غيابيا بعدها بشهرين ثم اخيرا تبدء القضية عشان تاخد رول فى جلسات بينها وبين بعض شهرين عل الاقل ثم حكم ابتدائى ثم طعن ثم استئناف ثم حكم نهائى ثم استشكال ثم اننك بعد كدة تروح تبوس ايد ورجل المامور القسم عشان يبعت معاك امين شرطة لتنفيذ الحكم بقوة القانون دة غير كمان 4 شهور وقف للمحاكم بسبب اجازة القضاء دة غير ان المحاكم احيانات بتقف لما يكون فى انتخابات رئاسية او انتخابات مجلس الشعب وخلافة

اخيرا

انا بحكيلك قصة من واقع الحياة ومعايا مستندات بكدة وممكن اثبتلك واجبلك ارقام القضايا كمان دة لو حضرتك مش مصدقنى

ياريت حضرتك تدينا تفاصيل اكتر عشان الواحد ياخد حزرة و تحاول تستعين بنصيحة الاستاذ magd_c_c

بصراحة الكلام الى بتقولو خيال عمرى ما كنت اتصور ان الموضيع توصل لكده

ربنا معاك و يصبرك

المشاركة الأصلية كتبت بواسطة magdy_c_c

هو طبعا ً أنا مصدق حضرتك و ربنا يصبرك و يعينك و انا كنت باتكلم بصفة عامة
و بعدين واضح ان المحامين اللى معاك بيعملوا عليك أحلى شغل
عقد واضح و صريح و موثق و انتهت به المدة الايجارية و حضرتك لا تريد التجديد ده غير ان الشقة يقام بها أعمال منافية للآداب
ورحت للمأمور و شرحت له القصة و بعت أكتر من انذار على يد محضر و مقوم 3 محامين و القضية بقالها سنتين !!!!!
كان الله فى العون

عموما ً لو اللى بيحصل ده فى مكان تانى كان هيبقى فى تصرف تانى

العقد غير موثق وهى دى المشكلة ودة اولا

وبخصوص اعمال منفية للاداب ............... قلى حضرتك ازاى هظبطهم هو اللى بيعمل الحاجات دى بيعمل فى مواعيد ثابتة ؟؟ وقاعد جنب الباب منتظرنى ادخل عليهم ؟؟؟ اللى بيعمل الحركات دى بيعملها بطريقة لا يمكن انك تعرف تمسك علية حاجة ولو واجهتهم هيقلك دى شركة مفتوحة لجميع انواع الزبائن ومن حق اى حد يجيلى الشركة