كارينز فئة أولى أوتوماتيك ٢٠١٥

**amirz** · 04-03-2015 10:21 PM

ربنا يباركلك فيها

**Omar Sarray** · 27-04-2015 05:08 PM

ربنا يباركلك فيها ويكفيك شرها يارب ويخلهالك يارب وطمننا على العربيه اخبارها ايه معاك

**osamabahr** · 03-05-2015 06:17 PM

الله يبارك فيك، عملت صيانة العشرة آلاف، والدنيا الحمد لله تمام جدًا

**Omar Sarray** · 03-05-2015 10:59 PM

تمام الحمدلله ربنا يسر امورك ديما وكلمنى عملت صيانه فين ياترى ابورواش وله فين

**Omar Sarray** · 03-05-2015 11:00 PM

وهيا بجد الاستبن بتاعه تحت العربيه مش جوا الشنطه زى السبورتاج

**osamabahr** · 21-05-2015 10:49 PM

الصيانة عملتها في أبو رواش، الناس هناك محترمة جدًا، عمومًا لحد دلوقتي مفيش حد هيقدر يحكم عليهم إلا لو فيه حاجة لا قدر الله كبيرة، لكن لحد دلوقتي الدنيا تمام، الاستبن فعلا تحت الشنطة، ليها مسمار من الشنطة بيفكها، عمومًا أنا مريح دماغي ومعايا منفاخ على الولاعة والحمد لله كافي جدًا.

**Omar Sarray** · 26-05-2015 01:09 PM

سؤالى بس معلش كترت هل الاستبن الى تحت العربيه يقع وله ده متثبت كويس لان فى ناس عباقره ماشالله عليهم بيقولو ان الاستبن تحت العربيه بيقع وكلام كده مش عارف يعنى

**osamabahr** · 29-05-2015 10:52 AM

المشاركة الأصلية كتبت بواسطة omar sarray

سؤالى بس معلش كترت هل الاستبن الى تحت العربيه يقع وله ده متثبت كويس لان فى ناس عباقره ماشالله عليهم بيقولو ان الاستبن تحت العربيه بيقع وكلام كده مش عارف يعنى

مجربتش لسه زي ما قولتلك اني انزله أصلا، لكن حكاية انه يقع ده شيء صعب ان شركة سيارات زي كيا تعمل غلطه زي دي، ومسمعتش من أي حد من أصدقائي اللي معاهم الموديلات الأقدم ان ده حصل معاهم، خصوصا انه متثبت بصامولة حديد ومسمار صلب، يمكن اللي قال كده مكنش رابط الصامولة كويس، الله أعلم

**Omar Sarray** · 29-05-2015 01:27 PM

تمام الله يكرمك ويخليك لاهلك وناسك واحبابك يارب لان اختى عاوزه تشترى كارينز 2015 اعلا فئه وخايفه من حكايه الاستبن تحت العربيه زكده يعنى جزاك الله خيرا

**osamabahr** · 31-05-2015 12:05 AM

المشاركة الأصلية كتبت بواسطة omar sarray

تمام الله يكرمك ويخليك لاهلك وناسك واحبابك يارب لان اختى عاوزه تشترى كارينز 2015 اعلا فئه وخايفه من حكايه الاستبن تحت العربيه زكده يعنى جزاك الله خيرا

ربنا يبارك لها فيها اختيار جيد، ربنا يرزقكم الخير كله، ونصيحتي تشتري فعلا المنفاخ اللي بيركب على الولاعة، بس يكون قوي، وفيه منه نوعيات كتير جدًا، غالبًا حدود ١٨٠ جنيه هيكون كويس، ومبروك ليها مقدمًا، ويا ريت تحكيلنا تجربتها مع العربية أخبارها إيه.