حاجه غريبه في البنوك

**hitman235** · 20-10-2014 02:59 PM

الكلام ده من امتى؟ طيب انا مكتوب فى بطاقتى مهندس حر اعمل ايه ؟

**eng wael** · 20-10-2014 04:57 PM

المشاركة الأصلية كتبت بواسطة hitman235

الكلام ده من امتى؟ طيب انا مكتوب فى بطاقتى مهندس حر اعمل ايه ؟

وانا كمان مهندس حر فى البطاقه ومفيش حاجه

**mk3** · 20-10-2014 05:25 PM

انا عديت على ما هو اصعب من ذلك ..فى موضوع هتلاقيه فى مواضيعى..انا طالبونى بفواتير الشغل !!!! عشان كنت بحول للموردين من حسابى وكانت مبالغ هايفه...بنك كريدى..هو البنك المركزى ميعرفش ان اللى عايز يحول فلوس لاغراض غير مشروعه مش هيقرب جمب البنوك اصلا !!

**pioneerahmed** · 20-10-2014 05:35 PM

يا باشا مفيش الكلام دة ولا التعليمات دي من بنك مركزي ولا غيرة
الفكرة بس ان لازم حضرتك تكون ليك وظيفة او صاحب عمل يتكتب من غير اثبات الا لو هتاخد اي تسهيل ائتماني
الفكرة بس ان طالما حضرتك هتفتح حساب بمبلغ مش كبير و مش هتاخد قرض و لا كارت ائتمان حتي
فكدة الحساب بتاعك هيخسر البنك لان حساب حضرتك بيتدفع علية ضريبة و دمغة للدولة اكتر بكتير من مصاريف فتح الحساب الي هتدفعها
فبيئولك لا لاي سبب بشياكة و hsbc هيقولك سيب صورة بطاقتك و تليفونك و هنستعلم و نكلمك تيجي تفتح الحساب و طبعا مش هيكلمك
و دة شيء عادي لان البنك في الاول و الاخر مؤسسة هادفة للربح و فاتح عشان يكسب مش عشان يخسر
و العالم كلو كدة من زمن الزمن احنا بس الى ابتدينا نفوء

**pioneerahmed** · 20-10-2014 05:40 PM

اما بالنسبة لموضوع غسيل الاموال دة فطبعا موجود بس كل بنك بيبقي لية لوائح خاصة
بمعني ان بنك يبتدي يطلب اثبات مصدر الاموال من اول 50000 و بنك تاني من اول 200000
يعني مثلا لو حضرتك بتفتح حساب ب 50000 و عندك 40 سنة و قلت ان مصر الفلوس دية مدخرات
خلاص اوكي مبلوعة
لكن يبقي عندك 25 سنة و بتفتح حساب بنص مليون و تقولى مدخرات اكيد مش مبلوعة

**hugan** · 20-10-2014 09:16 PM

المشاركة الأصلية كتبت بواسطة pioneerahmed

يا باشا مفيش الكلام دة ولا التعليمات دي من بنك مركزي ولا غيرة
الفكرة بس ان لازم حضرتك تكون ليك وظيفة او صاحب عمل يتكتب من غير اثبات الا لو هتاخد اي تسهيل ائتماني
الفكرة بس ان طالما حضرتك هتفتح حساب بمبلغ مش كبير و مش هتاخد قرض و لا كارت ائتمان حتي
فكدة الحساب بتاعك هيخسر البنك لان حساب حضرتك بيتدفع علية ضريبة و دمغة للدولة اكتر بكتير من مصاريف فتح الحساب الي هتدفعها
فبيئولك لا لاي سبب بشياكة و hsbc هيقولك سيب صورة بطاقتك و تليفونك و هنستعلم و نكلمك تيجي تفتح الحساب و طبعا مش هيكلمك
و دة شيء عادي لان البنك في الاول و الاخر مؤسسة هادفة للربح و فاتح عشان يكسب مش عشان يخسر
و العالم كلو كدة من زمن الزمن احنا بس الى ابتدينا نفوء

لاء موجود وبتاكيد من محاسب شغال في بنك مصر
الفكره ان 3/4 المصريين حاليا مفيش عندهم اثبات وظيفه او متعين في اي مكان سواء خاص او عام
يعني اول حساب فتحته بعد ماخلصت الكليه سنه 94 كان ب6 الاف جنيه
ومفيش وظيفه في البطقه المؤهل فقط لاغير
حاليا الكلام ده ممنوع

**هيثم مجدي** · 20-10-2014 11:57 PM

فيه سياسات بنكيه جديدة فعلا
اللي بيقول ان دا طبيعي, لا مش طبيعي

ناس كتير اعرفهم بشكل شخصي بيجيلهم تحويلات من بره ووقفت بسبب التعليمات الجديدة.
يعني واحد مصمم مواقع و مطور freelancer, شغال مع شركات بره دا دخله ماشاء الله بالدولار و مبالغ كبيرة اقل شغلانه بيعملها ب كذا الف دولار, فلما في الشهر يعمل 10 ولا 15 الف دولار عادي
لكن مش هيقدر يجيب أي اثبات لشغله, لان مفيش فعليا اي حاجة تثبت الدخل دا. لما يحول 50 الف دولار كل شهرين تلاته عادي جدا. لكن اخر مرة وقفوله التحويل و حصله مشاكل كبيرة, و لسه سايب البلد من اسبوعين راح تركيا و هيعيش هناك. تقدر تقولي البلد استفادت من كدا ايه ؟ اه و على فكره صديقي مؤيد للسيسي عشان بس لو حد هيقول عليه ارهابي او بيتمول من الخارج للتبرير!

و الامثلة كتير على كدا. انت لو حطيت مبلغ كبير شوية بيطالبوك بفواتير عنه و بيقولك جايبة منين في البنك. ودا كلام فارغ ومفيش حاجة زي دي في اي حته في الدنيا. البنك مش سلطة قضائية عشان يحقق معايا. والمفروض اصلا كل مواطن طبقا للدستور له حماية و خصوصية. و ميحصلش اي استعلام عن مدخراته الا بأمر قضائي وبناء على تحريات حقيقية مش بالشبهة, ان موظف في بنك يبص في بطاقتك و يبقى له سلطة التقدير انك متعرفش تجيب الفلوس دي فيقوم يحقق معاك.

**mhamdsamy** · 21-10-2014 12:53 AM

انا بعت ايميل للبنك العربي الافريقي اسالهم عن فتح حساب في حالة ان انا مصري مقيم بالخارج
دة الكتب
جواز سفر سارى + اقامه ساريه + مصدر دخل + الحد اﻷدنى لفتح الحساب
ياعني كمان عايزين يشوفو الاقامة مش البنوك دة مشاريع خدمية برضة
دة انا فاتح حساب بنك في انجلترا بابلكشن و لما رحت عايزين اثبات شخصية ادتهم الرخصة
بالرخصة وكل مسحب من حسابي اديهم رخصتي والله مش عارف اقول اية
تقريبا الموضوغ ملوش لازمة
بلد وسخة و مش سايبة الواحد في حالة حتي لو نازل اجازة تلاقي خابو$% مستنيك

**hussein** · 21-10-2014 04:08 PM

استاذ محمد سامي حضرتك فتحت حساب فى انجلترا ازاي وفى انه بنك لاني دورت قبل كده على النت لاقيتهم طالبين محل اقامه فى انجلترا

-

الموضوع: حاجه غريبه في البنوك

LinkBack

أدوات الموضوع

عرض

-

-

-

المواضيع المتشابهه

حاجه غريبه

حاجه غريبه في ال rpm

حاجه غريبه

حاجه غريبه

الكلمات الدلالية لهذا الموضوع

المفضلات

المفضلات

ضوابط المشاركة