الحمد لله والشكر لله بقيت الفاوي خلاص

**qeneber** · 20-10-2014 02:19 AM

الحمد لله بقيت الفاوي وجبت الفا ١٥٦ موديل ٢٠٠١ بس كنت عايز اسال علي حاجه
الروموت الي مع المفتاح زراره مش شغال يعني بقفل العربيه بالمفتاح والسنتر شغال وزي الفل كنت عايز اعرف اروح لمين يصلحلي الرموت ويشغل السنترلوك منه
وجزاكم الله خيرا

**Karim_Mohy** · 20-10-2014 01:13 PM

الف مبرووك...ياريت تقولنا حالة العربية..وسعرها في السوق كام...وهل اي حد يشتغل فيها ولا ناس معينة وكده
وربنا يباركلك فيها ان شاء الله

**qeneber** · 20-10-2014 03:16 PM

الله يبارك فيك واشكرك جزيلا ع روحك الطيبه
بالنسبه لحالة العربيه الحمد لله كويسه جدا
اسعارها ف السوق عليه مش عارف ليه انا جبت عربيتي ب 56000 بعد ماكان طالب 58000 وبالعافيه لما وافق ع السعر وغيرها كان بيطلب 59000 بدون فيصال وفيه كان بيطلب فوق ال60000 و ال 70000 معرفش ليه رغم انهم موديل 2001 برده
طبعا كنت بعرف السعر ومعلقش وقوله ربنا يكرمك ف بيعها
الورش الي بتشتغل فيها الحمد لله متوفره زي ما المواضيع المكتوبه عنها هنا وقطع غيرها متوفره برده وسعرها معقول جدا
انا كان معايا سيينا قطع غيرها اغلي منها وكنت بتعب ف اني اجبها ف بعض الاحيان
وربنا يكرمنا وتفضل كده ماتغلاش بقي بعد ما سعر العربيه زاد تاني ف السوق
الحمد لله ربنا كرمني بيها بعد بحث كتير لان الي معاه وفاهمها كويس مابيسبهاش بسهوله خالص

**Karim_Mohy** · 21-10-2014 09:56 AM

المشاركة الأصلية كتبت بواسطة qeneber

الله يبارك فيك واشكرك جزيلا ع روحك الطيبه
بالنسبه لحالة العربيه الحمد لله كويسه جدا
اسعارها ف السوق عليه مش عارف ليه انا جبت عربيتي ب 56000 بعد ماكان طالب 58000 وبالعافيه لما وافق ع السعر وغيرها كان بيطلب 59000 بدون فيصال وفيه كان بيطلب فوق ال60000 و ال 70000 معرفش ليه رغم انهم موديل 2001 برده
طبعا كنت بعرف السعر ومعلقش وقوله ربنا يكرمك ف بيعها
الورش الي بتشتغل فيها الحمد لله متوفره زي ما المواضيع المكتوبه عنها هنا وقطع غيرها متوفره برده وسعرها معقول جدا
انا كان معايا سيينا قطع غيرها اغلي منها وكنت بتعب ف اني اجبها ف بعض الاحيان
وربنا يكرمنا وتفضل كده ماتغلاش بقي بعد ما سعر العربيه زاد تاني ف السوق
الحمد لله ربنا كرمني بيها بعد بحث كتير لان الي معاه وفاهمها كويس مابيسبهاش بسهوله خالص

ربنا يديك خيرها ويكفيك شرها ان شاء الله

**eng_amg** · 21-10-2014 10:05 AM

مبروك علي العربية.
إلي معاه العربية دي ويعرف إمكانياتها عمرة ميفرط فيها بالسهل.. كفاية إنها 120 حصان فعلي مش زي ما اليابانيين والكوريين بيضحكوا علينا.

ربنا يباركلك فيها

بالنسبة للريموت. لو كان الأصلي ممكن تروح لحد بتاع إنذار شاطر .. مش حد يشتغلنا ويستسهل ويقول أغير الإنذار كله أسهل.

أما لو كان إنذار مش أصلي راكب علي العربية ممكن تغير الريموت أصلا بشراء ريموت (فقط) من أي حد بتاع إنذار ودا بيتبرمج بسهولة علي العربية .. أنت ممكن تبرمجه بنفسك. بدل ما تشتري إنذار كامل.

**qeneber** · 21-10-2014 02:59 PM

اشكركم يا جماعه ع روحكم الطيبه وجزاكم الله خيرا
فعلا العربيه ركوبه وسواقه مفيش كلام الحمد لله ان ربنا هداني ليها لما حبيت اغير
اما بالنسبه للمفتاح فهو بتاع الانذار الاصلي للعربيه وكده انا هشوف واحد كويس وشاطر يصلحه
انا لقيت زرار المفتاح فيه بنز مفصول يعني تقريبا عايز لحام بس وربنا يسهل ويكون كده فعلا
اشكركم مره تانيه وربنا يوفقنا جميعا