الموضوع: مساعده فى معرفه مصاريف ترخيص لانسر 2009

لغاية ما حد من أهل اللانسر يفيد حضرتك
ده لينك كنت برد فيه علي استفسار احد الزملاء عن اجراءات الترخيص .. و ذكرت فيه بعض المبالغ التقريبية ( علي ما اذكر ) للترخيص للسنة الواحدة ..
http://www.nilemotors.net/Nile/showthread.php?t=43639
اتمني انه يفيدك

المشاركة الأصلية كتبت بواسطة Hassan Khalil

لغاية ما حد من أهل اللانسر يفيد حضرتك
ده لينك كنت برد فيه علي استفسار احد الزملاء عن اجراءات الترخيص .. و ذكرت فيه بعض المبالغ التقريبية ( علي ما اذكر ) للترخيص للسنة الواحدة ..
http://www.nilemotors.net/Nile/showthread.php?t=43639
اتمني انه يفيدك

الف شكر يا استاذ حسن على سرعه ردك . انا بس حبيت اشكرك قبل ما افتح اللينل حقيقى متشكر وعلى فكره انا برضه رديت على مداخلتك اللى فى موضوعى السابق. الف شكر ياأخى الكريم.

لا شكر علي واجب يا استاذنا
الشكر لله عز وجل
و اتمني ان اللينك يفيد
الف مبروووووك :)

يا استاذ حسن انا شوفت اللينك بس بصراحه انا قلقان شويه وهاقول لحضرتك ليه بس علشان حضرتك تستوعب الموضوع كله يبقى لازم اقوله لحضرتك من الاول (ربنا يصبر حضرتك!!!) انا روحت معرض فى مدينه نصر اسمه (الحبيب كار) وبعد لما اتفقت معاه على نوع العربيه وماصفاتها ولونها وسعرها ابتدى يعمل الاجراءات واخذ موافقه البنك(بنك عوده) على اساس 50% من اجمالى العربيه مقدم والباقى قسط عن طريق البنك(عوده) على سنه واحده وجاءت الموافقه ( سريعه طبعا) فى اقل من 24ساعه . المعرض اتصل بى وطلب انى اروح البنك وامضى الاوراق واجيب لهم 3 اوراق معايا( موافقه البنك على التمويل- نموذج حظر البيع - وتعهد الدفع) المهم روحت البنك ومضيت الشيك(اجمالى الاقساط فى السنه)واخدت الثلاث ورقات وروحت على المعرض وحصل اننا اختلفنا على السعر والمواصفات بعد سابق الاتفاق(شغل النصب ظهر) فرفضت انى اتعامل معاهم وروحت عند الناس المحترمين (سمير ريان اوتو) وغيرت لهم الجواب باسمهم بدلا من المعرض الاخر عن طريق البنك وروحت دفعت المقدم واستلمت العربيه فى نفس يوم الدفع وسالت مدير المبيعات بعد لما استلمت العربيه عن الترخيص قال لى يومين بالكتير ويتصل بك مندوبنا علشان تروحوا ترخصوا(المهم انى استلمت العربيه) ومشيت بأقرارى ان انا استلمت العربيه والاقرار مكتوب فيه أن العربيه لصالح بنك عوده وان انا دافع مبلغ كذا (اللى هو المقدم) ولازلت فى انتظار اتصالهم(ماحدش اتصل النهارده) ياترى ايه اللى هايتم بعد كده وبعد الترخيص هو انا هأعمل ايه تانى وهأروح المعرض تانى ولا ايه؟؟؟؟
اسف يا استاذ حسن على الاطاله بس حقيقى محتاج رأيك (علما بأن العربيه معايا مش فى المعرض)

:) خير يا سيدي
مفيش مشاكل ..
في الغالب التوكيلات مش بتدي العميل العربية غير لما يخلص ورقه ... علشان تضمن ان البيعة ماشية صح ..
اما المعارض .. فهو بيكتبك ايصال امانة او اقرار باستلام السيارة علشان يبقي باع خلاص و العربية طلعت من عنده ..
حضرتك منتظر ايه دلوقتي؟؟؟
حضرتك منتظر ان المعرض يجيب الافراج بتاع العربية .. وده بياخد وقت شوية و خاصة في اللانسر الخليجي ..
اول ما ييجي ورق العربية حييجي معاك مندوب المعرض .. و تروح ترخص .. و بعدين تودي صورة الرخصة للبنك مع الاصل للاطلاع ..
و بصراحة مش عارف بنك عودة بياخد نسخة مفتاح و اللا لأ...
اطمئن ...لأن المعرض مش حياخد الشيك بتاعه من البنك .. غير لما البنك ياخد منك صورة الرخصة بتاعتك ..
يعني مش حياخد و لا مليم غير لما ترخص .. و بذلك فهو مهتم ( زيه زيك )بسرعة انهاء الاجراءات .
*و ده لا يعني الا تتابعهم بالتليفون باستمرار.. علشان ساعات بينسوا او بيكسلوا او يتسطلوا او اي حاجة...
و بالتوفيق :)

الاستاذ الكريم حسن باشا : خبر كويس !!!!! تصدق انى استلمت دلوقتى مكالمه من مندوب المعرض !!!!!!!دلوقتى الساعه 1,15 صباحا !!!! بعد لما كتبت لحضرتك الاستفسار (اسف على استعجالى)بس حقيقى كنت قلقان وإن شاء الله رايح ارخص بكره الساعه 10 صباحا فى مرور عبود. الف الف شكر يا كبير على اهتمامك وسرعه تلبيتك.وإن شاء الله هااتابع حضرتك بالتفاصيل الجديده لما ارجع باذن الله بكره وإن شاء الله هاعرف كل التفاصيل وابقى اعملها فى موضوع للمنتدى للافاده باذن الله تعالى.

المشاركة الأصلية كتبت بواسطة harmadan

وإن شاء الله هاعرف كل التفاصيل وابقى اعملها فى موضوع للمنتدى للافاده باذن الله تعالى.

+1111111111
بالتوفيق ان شاء الله

نسيت اقول لحضرتك ردا على استفسارك ان البنك بياخذ نسخه مفتاح ؟ لا حضرتك البنك ولا بياخد نسخه مفتاح ولا توكيل ولا شيك باجمالى المبلغ(ناس محترمين) بس انا دافع 50% من ثمن العربيه مش عارف النظام دا علشان نسبه المقدم ولا عموما؟؟