عدم تسخين الفلشيا في الصباح

**waell2007** · 20-10-2014 12:36 PM

ممكن حد يفهمي ايه الحكاية في موضوع عدم تسخين السيارة اللي في الكتالوج بس للاسف معرفتش ارفع الصورة اللي في الكتالوج بس اكيد المشرفين عرفينة فرجاء الرد سريعا علشان انا مستجد في الفلشيا والكل العربيات السابقة كان لازم تسخن السيارة خاصة في الشتاء لمدة لا تقل عن 3دقائق

**Mecha** · 20-10-2014 12:40 PM

الزيوت الجديده حالتها افضل , بتكون سايله في الحراره المنخفضه
والكمبيوتر بيضبط حراره التشغيل
فمفيش داعي للتسخين

**waell2007** · 20-10-2014 12:57 PM

المشاركة الأصلية كتبت بواسطة Mecha

الزيوت الجديده حالتها افضل , بتكون سايله في الحراره المنخفضه
والكمبيوتر بيضبط حراره التشغيل
فمفيش داعي للتسخين

شكرا علي الرد

بس انا بتكلم علي الفلشيا 96 اللي مفيهاش كمبيوتر

**sakr_skoda** · 20-10-2014 05:18 PM

المشاركة الأصلية كتبت بواسطة waell2007

شكرا علي الرد :y_hi_3[1]:بس انا بتكلم علي الفلشيا 96 اللي مفيهاش كمبيوتر

الفليشيا عموما موتورها المونيوم فمبيحتجش تسخين لأنه بيسخن بمجرد اول تكلة مارش فبمجرد ادارة المحرك ثوانى ويتم التحرك لا داعى لانتظار التسخين العربيات القديمة ذات الموتور الحديدى هى التى تحتاج الى تسخين لصعوبة تسخين الحديد وايضا عامل التمدد والنقماش فى الحديد اعلى من الالمونيوم***

**waell2007** · 21-10-2014 12:16 AM

المشاركة الأصلية كتبت بواسطة sakr_skoda

الفليشيا عموما موتورها المونيوم فمبيحتجش تسخين لأنه بيسخن بمجرد اول تكلة مارش فبمجرد ادارة المحرك ثوانى ويتم التحرك لا داعى لانتظار التسخين العربيات القديمة ذات الموتور الحديدى هى التى تحتاج الى تسخين لصعوبة تسخين الحديد وايضا عامل التمدد والنقماش فى الحديد اعلى من الالمونيوم***

يعني كلام الكتالوج صح يعني انا مسخنش زي العربيات الايطالي مثل 132 بس انا بحس ان صوت العربية الصبح عالي شوية او شويتين وبعد كدة بيهدي بس مش علطول والف شكر علي الرد الجميل والمفيد

**mostafa hassan** · 21-10-2014 09:17 AM

المشاركة الأصلية كتبت بواسطة waell2007

يعني كلام الكتالوج صح يعني انا مسخنش زي العربيات الايطالي مثل 132 بس انا بحس ان صوت العربية الصبح عالي شوية او شويتين وبعد كدة بيهدي بس مش علطول والف شكر علي الرد الجميل والمفيد:y_hi_3[1]:

ده اكيد بسبب ان السخان بيكون شغال
ولما العربيه تسخن بيفصل مع اول ضغطه علي دواسه البنزين

**Hamroosh** · 21-10-2014 01:07 PM

فعلا هو تسخينها مش اكتر من دقيقة وبعدين تبتدي تتحرك،،، بس برضه تمشي بهداوة لحد ماتوصل الحرارة ل70، وبعدين عيش بقى.

**romany_ac** · 21-10-2014 01:13 PM

بس يا جماعة اللى مكتوب فى الكتالوج بناء عن انهم عاملين ترموستات الكوعة ودية بتسهل فى عملية التسخين وكمان التشوك اللى بيعلى rpmفى بداية الدوارة ودول مش موجودين فى اغلب عربياتنا فمتهيئلى انا احنا على الاقل نسخن 5دقائق

**أحمد جودة** · 21-10-2014 01:40 PM

من باب العقلانية أكيد مينفعش تصحي واحد من نوم عميق وتطلب منه انه يجري فورا

سمي الله ودور عربيتك بعد ماتشيك ع الزيت والماية ولو هتمسح الازاز أو تطوق العربية وبعد كدة أنطلق هتلاحظ أنك أخدت حوالي 5 دقائق تسخين ...
خلاصة الكلام رلازم تسخن لانك لو اخدت عزم من العربية وهيا باردة بيكون حديد بياكل فى حديد
وأنا بنيت رأيي عن تجارب وبالمناسبة انا معنديش تشوك بدور العربية واسيبها براحتها اوي على ماتسخن ويبتدي مؤشر الحرارة يتحرك بلاحظ ان العربية ناعمة وصوت الموتور هادي والسحب كويس

أما فى موقف معين دورت وجريت على طول لظروف طارئة وقرصت ع العربية (((( خد عندك صوت عالي ومفيش سحب حسيت اني راكب بطة بلدي مش عربية )))

أنا ببني مشاركاتي طبقا لتجاربي قد أصيب أو أخطئ

طيب دي دعوة للي معندوش تشوك زي حلاتي ((( فى يوم دور العربية منغير متزود بنزين ع السلانسية ولما العربية تسخن كويس ابتدي زود للعربية وشوف حساية الدواسات هتكون عالية ازاي وبعد كدة اتحرك هتلاقي العربية بتسحب كويس )))
فى يوم تاني دور وامشي على طول وشوف النتيجة

أسف على الاطالة وتقبلو تحياتي