ورجعت لى الكانشيل تانى

**Dr Ahmed** · 28-10-2008 12:59 AM

حبيبتى الأولى
بردوا كانشل 98
850 سى سى

كنت قد بعتها لأختى من عامين لأشترى لانسر 1300
وهاقد جاء اليوم السعيد وعرضتها أختى ثانية للبيع

وإشتريت الكانشل تانى

فاكرة يا كانشل أول يوم جبتك؟
فاكرة مشاوير أول يوم فى العيادة؟
فاكرة الجرى أيام النوبتجيات والطوارئ؟
وفاكرة يوم ما رحنا إمتحانات الماجستير؟
ومناقشة الدكتوراة؟
فاكرة يوم ما رحنا نجيب الانسر وحاولتى تنتحرى أكتر من مرة؟

خلاص يا كانشل رجعتى لى ومش هسيبك تانى (إن شاء الله)

المهم بعدها بيومين (النهارده) الانسر خدت دبشة فى قزازها القدمانى وهغيّر البرابريز بكره والحمد لله
هما هيعملوا ضراير على بعض وللا إيه!!

**mohamed2002** · 28-10-2008 01:07 AM

حمد الله علي سلامه الكانشيل وهيه عربية ذات سمعه

**Sharky** · 28-10-2008 01:10 AM

الف مبروك على رجوع الكانشيل مرة أخرى لك يا دكتور

واضح إن العربية إنت بتحبها قوى و ليها ذكريات حلوة معاك

ربنا يبارك لك فيها

**Hassan Khalil** · 28-10-2008 01:15 AM

مبروك عليك الكانشيل يا دكتور ..
من اظرف قصائد الغزل السياراتي
و بالنسبة لموضوع الدبشة .. فده ( بلغة الرومانسية ) القلم اللي الكانشيل بتديه لحبيبها لما يسيبها و يرجعلها تاني ..
كده هي رضيت عنك خلاص :)