الموضوع: هو ايه الغرض من الخطوبة يا جماعة ..؟!

المشاركة الأصلية كتبت بواسطة misry

السلام عليكم ...

أنا كنت فاكر اني عارف الغرض من الخطوبة لكن الظاهر اني غلطان فياريت

تشوفوا الكلام ده وتقولولي رأيكم ...

الكلام ده من بنات مخطوبة ::::

1- واحدة كانت بتشتغل ورفدوها أو سابت الشغل وعاوزة من خطيبها مصورف شهري بدل المرتب اللي كانت بتاخده ... ولما ما وافقش بتقول عليه بخيل

2- واحدة خطيبها مسافر وزعلانة انه لما رجع كان جايبلها جيبتين وكام حاجة كده والتانية بترد عليها انه المفروض يجيبلها شنطة مليانة هدوم وانه كده بخيل

3- واحدة عاوزة خطيبها يجيب لها هدية يوم عيد ميلادها وفي الاعياد والمواسم ويوم عيد ميلاد امها وابوها

4- واحدة زعلانة ان خطيبها فتح عليها 3 مرات في شهرين مع انه على طول بيكنسل ويتصل هو وبتقول هل يا ترى هو كده بخيل

5- واحدة يا حرام زعلانة انها كانت ماشية مع خطيبها وعجبتها بيجامة بيت ب400ج وخطيبها مرضاش يجيبها

6- واحدة عاوزة خطيبها يكلمها كل يوم ويخرجها كل اسبوع ويجيلها في البيت كل شوية ويجيبلها هدايا علشان يبقى شكلها حلو قدام صحباتها

7- البنات اللي بتبص لبعض في الهدايا وكل ما واحدة خطيبها يجيب لها حاجة تقوم التانية تضغط على خطيبها علشان يجيبهالها

8- واحدة زعلانة ان خطيبها بيصرف على أهله وبيديهم فلوش ومش بيديها

9- واحدة لو خطيبها كلمها اقل من ساعتين في اليوم تقعد تعيط وتقول انه مش بيحبها

10- واحدة خطيبها بيجهز الشقة وطلعان عينه وعماله تعيط وتقول انه اتغير من ناحيتها ومش بيخرجها ولا بيصرف عليها زي الاول

11- واحدة زعلانة ان خطيبها ادالها 100ج في العيد مع ان خطيب صاحبتها ادالها اكتر من كده وجابلها فستان وخرجها

اللي اعرفه ان فترة الخطوبة هي فترة تعارف لا أكثر وان الهدايا اللي بنجيبها دي بتبقى بمزاجنا وكرم اخلاق مننا مش حاجة مفروضة علينا ... هل ده صح وللا غلط ..؟

أنا مش خاطب ولو البنات كده يبقى قلتهم احسن ده خراب بيوت مش خطوبة ...

هل انت بتتكلم عن تجربة شخصية ولا ده كلام بتسمعه من اصحبك او نقله من فيس بوك الكام الى ات بتقولو غريب و اعتقد بيعتمد على بيئة البنت و تربيتها فمتقدرش تعمم
بصراحة اعتقد ان البنات الى بتتوقع انفاق مادى من خطبها تبقى مزوداها اوى
بكترها هديه عيد ميلاد
اما بلنسبة ل ٦ و ٩ فهوا فعلا البنات بتحب الى يكلمهم كتير و بتحب تحس بالاهتمام من خطيبها و ده راجع لطبيعة الامراة انهم بيحبو الكلام

المشاركة الأصلية كتبت بواسطة mr_vampire

عشان تلبس عن اقتنااااااع

ليه بس كده

المشاركة الأصلية كتبت بواسطة hesham fawzy h

تمااااااااااااام كدة

بس مكنش متزمت اوى و فاتحها على البحري برضو

فى بنات محترمييييين كتييييير جدا

اكيد في بنات محترمين , بس انك تلاقيهم صعي قوي

المشاركة الأصلية كتبت بواسطة Karim Alaa

لا دى مش البنات دى عينه 1% من البنات الى تفكيرهم متخلف و مش واخدين الجواز عن اقتناع انا عرفت ناس كتير خطبت و اتجوزت سمعت كلام كتير عن مشاكل الخطوبه لكن مسمعتش حاجه من الهبل ده "انا خاطب حاليا"

اما الغرض من الخطوبه هو التعارف مبين الشخص و البنت و العيلتين و اذا كانو اصلا عارفين بعض كويس بيبقى مهله لتجهيز الببيت للجواز مع بالجواز

صدقنى متخليش المناظر دى تبوظلك تفكيرك

من خلال متابعتي , هم مش 1% , هما اكتر من 70% من البنات كده للأسف

وربنا يسعدك انت وخطيبتك

المشاركة الأصلية كتبت بواسطة elkhayat99

يابنى احنا بنشترى راااجل
اوووماال اكبر كدبة فى زمنا هههه

اكيد

المشاركة الأصلية كتبت بواسطة exelence

اللى لازم تعرفه و مهم جدا" ان البنات او الجنس الآخر تفكيرهم مختلف تماما" عنك كرجل
بتحس انهم من كوكب زحل و اللى متجوز هيفهم كلامى ده كويس جداااااااااااا"

عاوزين قاموس علشان نفهمهم ...

المشاركة الأصلية كتبت بواسطة باسم يوسف

هما فاكرين الراجل عباره عن جني من مصباح علاء الدين السحري

كل وظيفته تحقيق احلام الهانم و اهلها

الحمد لله كل مدي بتأكد اني ماشي صح

والاجنبية كده برضه يا باشا , ما هي ست برضه

المشاركة الأصلية كتبت بواسطة hitman235

اغلب الشعب المصرى عنده تطلع و هى مستنيه منك تجيب الى ما جابهولهاش ابوها طول حياته كله بيدور عن المنقذ الى هصرف الى وراه و الى قدامه عليها و على شعب اهلها

اه والله , ماكينة الفلوس الجاهزة ...

المشاركة الأصلية كتبت بواسطة 7oda

هل انت بتتكلم عن تجربة شخصية ولا ده كلام بتسمعه من اصحبك او نقله من فيس بوك الكام الى ات بتقولو غريب و اعتقد بيعتمد على بيئة البنت و تربيتها فمتقدرش تعمم
بصراحة اعتقد ان البنات الى بتتوقع انفاق مادى من خطبها تبقى مزوداها اوى
بكترها هديه عيد ميلاد
اما بلنسبة ل ٦ و ٩ فهوا فعلا البنات بتحب الى يكلمهم كتير و بتحب تحس بالاهتمام من خطيبها و ده راجع لطبيعة الامراة انهم بيحبو الكلام

لا مش تجربة شخصية ... الكلام ده خليط من حاجات حصلت لأصحابي أو لناس اعرفهم مع حاجات من على منتدى اسمه فتكات لقيته بالصدفة ...

واكيد مفيش تعميم لكن نسبة كبيرة من البنات كده للأسف ...