هو ايه الغرض من الخطوبة يا جماعة ..؟!

**misry** · 21-10-2014 01:51 AM

السلام عليكم ...

أنا كنت فاكر اني عارف الغرض من الخطوبة لكن الظاهر اني غلطان فياريت

تشوفوا الكلام ده وتقولولي رأيكم ...

الكلام ده من بنات مخطوبة ::::

1- واحدة كانت بتشتغل ورفدوها أو سابت الشغل وعاوزة من خطيبها مصورف شهري بدل المرتب اللي كانت بتاخده ... ولما ما وافقش بتقول عليه بخيل

2- واحدة خطيبها مسافر وزعلانة انه لما رجع كان جايبلها جيبتين وكام حاجة كده والتانية بترد عليها انه المفروض يجيبلها شنطة مليانة هدوم وانه كده بخيل

3- واحدة عاوزة خطيبها يجيب لها هدية يوم عيد ميلادها وفي الاعياد والمواسم ويوم عيد ميلاد امها وابوها

4- واحدة زعلانة ان خطيبها فتح عليها 3 مرات في شهرين مع انه على طول بيكنسل ويتصل هو وبتقول هل يا ترى هو كده بخيل

5- واحدة يا حرام زعلانة انها كانت ماشية مع خطيبها وعجبتها بيجامة بيت ب400ج وخطيبها مرضاش يجيبها

6- واحدة عاوزة خطيبها يكلمها كل يوم ويخرجها كل اسبوع ويجيلها في البيت كل شوية ويجيبلها هدايا علشان يبقى شكلها حلو قدام صحباتها

7- البنات اللي بتبص لبعض في الهدايا وكل ما واحدة خطيبها يجيب لها حاجة تقوم التانية تضغط على خطيبها علشان يجيبهالها

8- واحدة زعلانة ان خطيبها بيصرف على أهله وبيديهم فلوش ومش بيديها

9- واحدة لو خطيبها كلمها اقل من ساعتين في اليوم تقعد تعيط وتقول انه مش بيحبها

10- واحدة خطيبها بيجهز الشقة وطلعان عينه وعماله تعيط وتقول انه اتغير من ناحيتها ومش بيخرجها ولا بيصرف عليها زي الاول

11- واحدة زعلانة ان خطيبها ادالها 100ج في العيد مع ان خطيب صاحبتها ادالها اكتر من كده وجابلها فستان وخرجها

اللي اعرفه ان فترة الخطوبة هي فترة تعارف لا أكثر وان الهدايا اللي بنجيبها دي بتبقى بمزاجنا وكرم اخلاق مننا مش حاجة مفروضة علينا ... هل ده صح وللا غلط ..؟

أنا مش خاطب ولو البنات كده يبقى قلتهم احسن ده خراب بيوت مش خطوبة ...

**أبو آسر** · 21-10-2014 02:13 AM

ده راجع لثقافة الناس الخاطئة بخصوص الخطوبة
الخطوبة شرعا حسب علمي مش بتبيح أي حاجة للطرفين سوى انهم محجوزين لبعض لحد ما يكتبوا العقد لكن ده مش بيترتب عليه أي حاجة من اللي بتكون بين الزوجين وبالتالي هي ما زالت أجنبية عنه ولا يحل ليه انه يخرج معاها ولا يشوف وشها لو هي منتقبة مثلا ولا يختلوا ببعض حتى لو في بيت أهلها أقصى حاجة انهم يتكلموا مع بعض في حضور محرم وده برده مش كل يوم ده ممكن يكون في المناسبات مثلا وبالتالي مش من حقها انها تطلب منه أي حاجة لا هدايا ولا يشتريلها هدوم ولا يصرف عليها علشان اترفدت من شغلها !!
طبعا لأن فسخ الخطوبة سهل وبيحصل كتير والواحد ممكن يخطب 10 بنات ويختلفوا فيفسخوا لكن العقد بيبقى زواج رسمي ومش من السهل فسخه لأنها هتبقى مطلقة وبالتالي لو كل واحد خطب واحدة قعد يجيبلها هدايا في كل مناسبة يبقى مش هيتجوز لأنه هيصرف كل ما يملك على الهدايا اللي بيعطيهم لخطيباته !
تصحيح المفاهيم بتسهل الأمور
أنا على سبيل المثال كانت خطوبتي عبارة عن إني روحت شوفت زوجتي رؤية شرعية مرة واحدة بس في وجود أبوها واتكلمنا مع بعض لحد ما حسينا ان في راحة وقبول وبالتالي أصبحت خطيبتي لكن مشوفتهاش تاني ولا كلمتها حتى لحد ما كتبنا العقد بعدها بحوالي شهرين أو تلاتة وبعد كده قعدنا مع بعض براحتنا وزيارات وهدايا عادي ما هي أصبحت زوجتي خلاص والحمد لله مفيش شهر وتم الزواج .. اللي بيتحرى الحلال والسنة بيستريح واللي بيحاول يماشي العادات والتقاليد والأعراف الخاطئة اللي الناس بتفتكسها علشان مصالحهم بيتعب

**hesham fawzy h** · 21-10-2014 02:57 AM

المشاركة الأصلية كتبت بواسطة أبو آسر

ده راجع لثقافة الناس الخاطئة بخصوص الخطوبة
الخطوبة شرعا حسب علمي مش بتبيح أي حاجة للطرفين سوى انهم محجوزين لبعض لحد ما يكتبوا العقد لكن ده مش بيترتب عليه أي حاجة من اللي بتكون بين الزوجين وبالتالي هي ما زالت أجنبية عنه ولا يحل ليه انه يخرج معاها ولا يشوف وشها لو هي منتقبة مثلا ولا يختلوا ببعض حتى لو في بيت أهلها أقصى حاجة انهم يتكلموا مع بعض في حضور محرم وده برده مش كل يوم ده ممكن يكون في المناسبات مثلا وبالتالي مش من حقها انها تطلب منه أي حاجة لا هدايا ولا يشتريلها هدوم ولا يصرف عليها علشان اترفدت من شغلها !!
طبعا لأن فسخ الخطوبة سهل وبيحصل كتير والواحد ممكن يخطب 10 بنات ويختلفوا فيفسخوا لكن العقد بيبقى زواج رسمي ومش من السهل فسخه لأنها هتبقى مطلقة وبالتالي لو كل واحد خطب واحدة قعد يجيبلها هدايا في كل مناسبة يبقى مش هيتجوز لأنه هيصرف كل ما يملك على الهدايا اللي بيعطيهم لخطيباته !
تصحيح المفاهيم بتسهل الأمور
أنا على سبيل المثال كانت خطوبتي عبارة عن إني روحت شوفت زوجتي رؤية شرعية مرة واحدة بس في وجود أبوها واتكلمنا مع بعض لحد ما حسينا ان في راحة وقبول وبالتالي أصبحت خطيبتي لكن مشوفتهاش تاني ولا كلمتها حتى لحد ما كتبنا العقد بعدها بحوالي شهرين أو تلاتة وبعد كده قعدنا مع بعض براحتنا وزيارات وهدايا عادي ما هي أصبحت زوجتي خلاص والحمد لله مفيش شهر وتم الزواج .. اللي بيتحرى الحلال والسنة بيستريح واللي بيحاول يماشي العادات والتقاليد والأعراف الخاطئة اللي الناس بتفتكسها علشان مصالحهم بيتعب

تمااااااااااااام كدة

بس مكنش متزمت اوى و فاتحها على البحري برضو

فى بنات محترمييييين كتييييير جدا

**Karim Alaa** · 21-10-2014 03:31 AM

لا دى مش البنات دى عينه 1% من البنات الى تفكيرهم متخلف و مش واخدين الجواز عن اقتناع انا عرفت ناس كتير خطبت و اتجوزت سمعت كلام كتير عن مشاكل الخطوبه لكن مسمعتش حاجه من الهبل ده "انا خاطب حاليا"

اما الغرض من الخطوبه هو التعارف مبين الشخص و البنت و العيلتين و اذا كانو اصلا عارفين بعض كويس بيبقى مهله لتجهيز الببيت للجواز مع بالجواز

صدقنى متخليش المناظر دى تبوظلك تفكيرك

**elkhayat99** · 21-10-2014 09:20 AM

يابنى احنا بنشترى راااجل
اوووماال اكبر كدبة فى زمنا هههه

**exelence** · 21-10-2014 09:41 AM

اللى لازم تعرفه و مهم جدا" ان البنات او الجنس الآخر تفكيرهم مختلف تماما" عنك كرجل
بتحس انهم من كوكب زحل و اللى متجوز هيفهم كلامى ده كويس جداااااااااااا"

**Bassem Youssef** · 21-10-2014 09:56 AM

هما فاكرين الراجل عباره عن جني من مصباح علاء الدين السحري

كل وظيفته تحقيق احلام الهانم و اهلها

الحمد لله كل مدي بتأكد اني ماشي صح

**hitman235** · 21-10-2014 10:52 AM

اغلب الشعب المصرى عنده تطلع و هى مستنيه منك تجيب الى ما جابهولهاش ابوها طول حياته كله بيدور عن المنقذ الى هصرف الى وراه و الى قدامه عليها و على شعب اهلها

**7oda** · 21-10-2014 11:10 AM

المشاركة الأصلية كتبت بواسطة misry

السلام عليكم ...

أنا كنت فاكر اني عارف الغرض من الخطوبة لكن الظاهر اني غلطان فياريت

تشوفوا الكلام ده وتقولولي رأيكم ...

الكلام ده من بنات مخطوبة ::::

1- واحدة كانت بتشتغل ورفدوها أو سابت الشغل وعاوزة من خطيبها مصورف شهري بدل المرتب اللي كانت بتاخده ... ولما ما وافقش بتقول عليه بخيل

2- واحدة خطيبها مسافر وزعلانة انه لما رجع كان جايبلها جيبتين وكام حاجة كده والتانية بترد عليها انه المفروض يجيبلها شنطة مليانة هدوم وانه كده بخيل

3- واحدة عاوزة خطيبها يجيب لها هدية يوم عيد ميلادها وفي الاعياد والمواسم ويوم عيد ميلاد امها وابوها

4- واحدة زعلانة ان خطيبها فتح عليها 3 مرات في شهرين مع انه على طول بيكنسل ويتصل هو وبتقول هل يا ترى هو كده بخيل

5- واحدة يا حرام زعلانة انها كانت ماشية مع خطيبها وعجبتها بيجامة بيت ب400ج وخطيبها مرضاش يجيبها

6- واحدة عاوزة خطيبها يكلمها كل يوم ويخرجها كل اسبوع ويجيلها في البيت كل شوية ويجيبلها هدايا علشان يبقى شكلها حلو قدام صحباتها

7- البنات اللي بتبص لبعض في الهدايا وكل ما واحدة خطيبها يجيب لها حاجة تقوم التانية تضغط على خطيبها علشان يجيبهالها

8- واحدة زعلانة ان خطيبها بيصرف على أهله وبيديهم فلوش ومش بيديها

9- واحدة لو خطيبها كلمها اقل من ساعتين في اليوم تقعد تعيط وتقول انه مش بيحبها

10- واحدة خطيبها بيجهز الشقة وطلعان عينه وعماله تعيط وتقول انه اتغير من ناحيتها ومش بيخرجها ولا بيصرف عليها زي الاول

11- واحدة زعلانة ان خطيبها ادالها 100ج في العيد مع ان خطيب صاحبتها ادالها اكتر من كده وجابلها فستان وخرجها

اللي اعرفه ان فترة الخطوبة هي فترة تعارف لا أكثر وان الهدايا اللي بنجيبها دي بتبقى بمزاجنا وكرم اخلاق مننا مش حاجة مفروضة علينا ... هل ده صح وللا غلط ..؟

أنا مش خاطب ولو البنات كده يبقى قلتهم احسن ده خراب بيوت مش خطوبة ...

هل انت بتتكلم عن تجربة شخصية ولا ده كلام بتسمعه من اصحبك او نقله من فيس بوك الكام الى ات بتقولو غريب و اعتقد بيعتمد على بيئة البنت و تربيتها فمتقدرش تعمم
بصراحة اعتقد ان البنات الى بتتوقع انفاق مادى من خطبها تبقى مزوداها اوى
بكترها هديه عيد ميلاد
اما بلنسبة ل ٦ و ٩ فهوا فعلا البنات بتحب الى يكلمهم كتير و بتحب تحس بالاهتمام من خطيبها و ده راجع لطبيعة الامراة انهم بيحبو الكلام