مفارقات السواقة في بلدنا العجيبة !

**kemo_edge** · 28-10-2008 09:29 PM

المشاركة الأصلية كتبت بواسطة ouba2

احنا بلد زي الفل

احنا بلد صباح الفل

**MoToRiZeR** · 28-10-2008 10:47 PM

إيه ده .. إنت جيت .. و أربع صفحات كمان :d
منور يا باشا

أول إمبارح كنت في التحرير .. و فيه عند المتحف كدة إشارة بتفتح عليك من الشمال كل اللي بييجي منها بيبقوا عايزين ييجوا من أقصي الشمال لأقصي اليمين مش عارف ليه و مش عارف أصلا إزاي الإشارتين بيبقوا ماشيين مع بعض (الناس اللي ماشية عادي و جاية من عبد المنعم رياض .. و الناس اللي جاية تهجم عليهم من الشمال ) .. المهم انا كنت عالشمال و خلاص بيني و بين الرصيف نص متر تقريباَ اللي هو الحمد لله يعني عدينا مرحلة الخطر محدش هيطلع فوق الرصيف عشان يكسر عليا .. لقيتلك عربية صني جاية و عاملة زاوية قائمة علي عربيتي يعني داخل بالكبوت في الباب تقريبا ولا انا عارف هو جه منين ولا رايح فين .. المهم كلكست للراجل راح واقف قبل ما يدخل بالعربية كلها الصالون عندي .. و عديت .. ببص في المرايا أشوف السنجاب اللي عمل كدة .. لقيتلك إتنين في الصني دي .. فارشين سندوتشات فول و طعمية عالتابلوه .. و قدرت أميز طبق مخلل برضه .. و اللي سايق قافش في سندوتش و مش ماسك الدركسيون أصلاَ تقريباَ .. رغم إني قعدت أضحك بس كان نفسي أنزل أظرفه قلمين .

و انا مروح "في نفس اليوم" طالع كوبري أكتوبر .. لقيتلتك أمين شرطة واقف في أخر الطلعة (عشان مشوفهوش من اللفة .. بيتفرج علي أفلام أكشن عربي كتير ) .. و قام شاورلي "أقف" و هو قدام العربية كدة كدة هقف يعني يا اما أخبطه .. بس مكانتش أي "أقف" .. عملي بإيده كدة من تحت النظارة زي ما يكون كيانو ريفز في فيلم ماتركس و هو بيوقف الرصاص اللي ضربوه عليه

.. المهم قلت أشوف التحفة ده عايز إيه .. فتحت الإزاز .. إن ينطق !! أبداَ .. عمال يبصلي و يضحك .. و ضحكة كدة عاملة زي ضحكة الإنسان الأول قدام المراية (نيهههههه) .. و مستني أي جملة تكسر حاجز التلج ما بينا (زي ما نكون إتنين بيشبهوا علي بعض و كل واحد مستني التاني يتكلم ) .. قلتله "نعم؟!" قاللي "صباح الفل" .. قلتله "صباح اللي بتغني .. اؤمر" .. كان سئيل كدة ولا أكنه بيلم كارتة .. قاللي شكلك راجل محترم .. إتفضل .. قمت قافل الإزاز و ماشي !! انا نفسي أعرف بقي بينزلوهم يقولولهم إيه ؟! يقولولهم مثلاَ .. البدلة الميري أهيه و رزقكم علي الله ؟! ولا وقف اللي تحس إنه مش محترم .. و بالتالي يبقي مصيرك متوقف علي رأي جناب سعادة فخامة أمين الشرطة في تقديره الشخصي لحضرتك تبعاَ لخبرته في الحياة و خبراته و إنجازاته العلمية الكبيرة اللي وصلت لحد الإعدادية .. بلد زي الفل و الله .

منور يابو حميد

**masriano** · 29-10-2008 07:15 PM

المشاركة الأصلية كتبت بواسطة MoToRiZeR

إيه ده .. إنت جيت .. و أربع صفحات كمان :d
منور يا باشا

أول إمبارح كنت في التحرير .. و فيه عند المتحف كدة إشارة بتفتح عليك من الشمال كل اللي بييجي منها بيبقوا عايزين ييجوا من أقصي الشمال لأقصي اليمين مش عارف ليه و مش عارف أصلا إزاي الإشارتين بيبقوا ماشيين مع بعض (الناس اللي ماشية عادي و جاية من عبد المنعم رياض .. و الناس اللي جاية تهجم عليهم من الشمال ) .. المهم انا كنت عالشمال و خلاص بيني و بين الرصيف نص متر تقريباَ اللي هو الحمد لله يعني عدينا مرحلة الخطر محدش هيطلع فوق الرصيف عشان يكسر عليا .. لقيتلك عربية صني جاية و عاملة زاوية قائمة علي عربيتي يعني داخل بالكبوت في الباب تقريبا ولا انا عارف هو جه منين ولا رايح فين .. المهم كلكست للراجل راح واقف قبل ما يدخل بالعربية كلها الصالون عندي .. و عديت .. ببص في المرايا أشوف السنجاب اللي عمل كدة .. لقيتلك إتنين في الصني دي .. فارشين سندوتشات فول و طعمية عالتابلوه .. و قدرت أميز طبق مخلل برضه .. و اللي سايق قافش في سندوتش و مش ماسك الدركسيون أصلاَ تقريباَ .. رغم إني قعدت أضحك بس كان نفسي أنزل أظرفه قلمين .

و انا مروح "في نفس اليوم" طالع كوبري أكتوبر .. لقيتلتك أمين شرطة واقف في أخر الطلعة (عشان مشوفهوش من اللفة .. بيتفرج علي أفلام أكشن عربي كتير ) .. و قام شاورلي "أقف" و هو قدام العربية كدة كدة هقف يعني يا اما أخبطه .. بس مكانتش أي "أقف" .. عملي بإيده كدة من تحت النظارة زي ما يكون كيانو ريفز في فيلم ماتركس و هو بيوقف الرصاص اللي ضربوه عليه

.. المهم قلت أشوف التحفة ده عايز إيه .. فتحت الإزاز .. إن ينطق !! أبداَ .. عمال يبصلي و يضحك .. و ضحكة كدة عاملة زي ضحكة الإنسان الأول قدام المراية (نيهههههه) .. و مستني أي جملة تكسر حاجز التلج ما بينا (زي ما نكون إتنين بيشبهوا علي بعض و كل واحد مستني التاني يتكلم ) .. قلتله "نعم؟!" قاللي "صباح الفل" .. قلتله "صباح اللي بتغني .. اؤمر" .. كان سئيل كدة ولا أكنه بيلم كارتة .. قاللي شكلك راجل محترم .. إتفضل .. قمت قافل الإزاز و ماشي !! انا نفسي أعرف بقي بينزلوهم يقولولهم إيه ؟! يقولولهم مثلاَ .. البدلة الميري أهيه و رزقكم علي الله ؟! ولا وقف اللي تحس إنه مش محترم .. و بالتالي يبقي مصيرك متوقف علي رأي جناب سعادة فخامة أمين الشرطة في تقديره الشخصي لحضرتك تبعاَ لخبرته في الحياة و خبراته و إنجازاته العلمية الكبيرة اللي وصلت لحد الإعدادية .. بلد زي الفل و الله .

منور يابو حميد

انا مش عارف مبدئيا كنت ارد من كتر الضحك !

محمود دا يا جماعة, من اجدع البنى ادمين الى ممكن تقابلهم في حياتك وواحد بجد بحبه وعشرة عمر ومدارس وحوارات كتير ..

مش عارف اقولك اكتر من ان دى بلدك يا حودة.. هاتلاقي انت فين بلد فيها امين شرطة يشاورلك بالشكل دا .. يا ريس دا شغل محترفين , حاجة على ميه بيضه يعنى !

دا وارد انك لو عديته او نفضتله يطلع المسدس ويطلق طلقتين محكمتين على الاطارات الخلفيه وهاتشوف نتاج التدريب الشاق في معاهد الامنا في بلدنا المحروسه لما تلاقيه يجيد جميع انواع الرياضات القتاليه لما تظهر انت اى نوع من انواع المقاومة !

يابا دى حاجات اكبر منى ومنك ومنفهمهاش ابدا

اما بتوع الفول والطعمية.. فا انا شوف حاجة مشابهه بس كانت في عربيه مازدا 3 !!!!

عارف يا حودة.. والله بيصعب ع الواحد حاله لما يشوف الناس دى في العربيات دى

منور يا اكسلانس الموضوع.