تنتيش فى الماروتى

**waelgam2005** · 21-10-2014 06:26 PM

ياجماعه انا الماروتى تعبتنى فى موضوع التنتيش ده انا من ساعه ما جبت العربيه ومش بتقبلنى حاجه غير موضوع التنتيش ده كل ما الموضوع يتصلح ويتعالج بيرجع تانى والمرادى انا غيرت البوجيهات ونظفت الكرابتير والتنتيش جامد جدا لدرجة التقطيع على كل السرعات وكل الغيارات لدرجة مبقتش عارف امشى بالعربيه من كتر التنتيش اللى بيحصل فى العربيه
وانا شاكك فى الابلاتينه والكوندنسر وخايف اغيرهم القى نفس العيب مع انى مغيرهم مكملوش 6000 كيلو ومبقلهمش 3 شهور وعربيتى موديل 2012 وعامل بيها لحد دلوقتى 42000 كيلو وفلتر البنزين لسه مغيره مكملش 8 الاف كيلو برضه
فا حد يقدر يفيدنى فى الموضوع ده

**aymanonline** · 21-10-2014 06:40 PM

متابع

**Abo_Mazen** · 21-10-2014 07:11 PM

واحد قريبي كان عنده نفس مشكلتك تقريبا ..بص ..من الآخر كده وكلمه أحسن من عشره ..لو الموبينا عندك زيت ..غيرها وهاتها كهربا..هتقولي أصل أنا كشفت عليها وقالولي الموبينه جميله وكويسه ومفيهاش حاجه ..إسمع اللي بقولك عليه وعن تجربه قريبي ..إقلب الموبينا اللي عندك كهرباء وغير طقم كهربا ..أبلاتين وكوندنسر وشوف صوت المكنه وشوف السحب ..وقولي إيه الكلام

**waelgam2005** · 21-10-2014 07:16 PM

طب تكلفتها كام دى الموبينه الاليكترونى دى ؟

**Abo_Mazen** · 21-10-2014 09:29 PM

المشاركة الأصلية كتبت بواسطة waelgam2005

طب تكلفتها كام دى الموبينه الاليكترونى دى ؟

والله ياخويا هي كانت عامله سبعين ..كانت ...لكن بعد الرخاء الإقتصادي اللي البلد بقت فيه نطت لتسعين جنيه مره واحده ..يعني غليت عشين كنيه ..بس صدقني ..هتحس إن الكهربا بتاعة عربيتك بقت إيه ..آخر سلطنه ..

**waelgam2005** · 21-10-2014 10:55 PM

يعني اجيب موبينه اليكتروني بس ولا فيه تعديل تاني بيتعمل ؟

**elpilot** · 22-10-2014 03:18 AM

كان عندي نفس مشكلتك حاول تروح لميكانيكي يغيرلك ابلاتين وكمان يظبطلك الكهرباء يعني هتلاقي البنزين عالي عندك عشان كده بتنتش معاك كان عندي نفس المشكلة

**Mecha** · 22-10-2014 04:55 AM

نضف الاسبيراتير الاول وشوف الفاكيوم

**waelgam2005** · 22-10-2014 02:02 PM

هغير ابلاتين وكوندنسر بالمره وهشوف الدنيا ولونى خايف اوى اغيرهم وتفضل نفس المشكلة رغم انى حاسس انى منهم المشكلة بس خايف الواحد نفسه تتسد لو المشكلة متحلتش

**elpilot** · 22-10-2014 03:49 PM

المشاركة الأصلية كتبت بواسطة waelgam2005

هغير ابلاتين وكوندنسر بالمره وهشوف الدنيا ولونى خايف اوى اغيرهم وتفضل نفس المشكلة رغم انى حاسس انى منهم المشكلة بس خايف الواحد نفسه تتسد لو المشكلة متحلتش

يا باشا ولا نفسك تتسد ولا حاجه انت المفروض تفرح ان العين بتيجي في حاجات خفيفة زي دي وان ربنا يسترها معاك ومعانا
العين فلقت الحجر ياباشا