طالب في 2 ثانوي وعندي مشكلة.

**طارق _عبد السلام** · 22-10-2014 02:25 AM

مجرد احساسك ده وشعورك بالذنب شىء ايجابى جدا يعنى عندك الدافع اللى يخليك زى الاول واحسن

والملل ده طبيعى بسبب الرتابه اليوميه من مواعيد مدرسه وبعدها مواعيد دروس وبعدها مذاكره كل يو نفس الرتابه خلى لك يوم بتاعك انت واى حد بتنبسط وانت معاه .. هتجدد نشاطك وتكسر الروتين

انا بعذرك لانى شايف ابنى نفس ظروفك بل بالعكس المدرسه عنده شديده جدا والمدرسين لانه فى ثانويه عسكريه ..والدروس الخصوصيه مواعيدها صعبه الولد مبيلقيش وقت يذاكر اصلا ..بس نعمل ايه نفسنا انتوا تبقوا احسن مننا ونلاقيكم احسن ناس فى الدنيا

**a_nbm** · 22-10-2014 01:17 PM

http://www.nilemotors.net/Nile/413215-a.html

مش عارف ليه حسيت ان الموضوع ده ممكن تطلع منه بحاجه مفيده :)

**Elawany13** · 22-10-2014 02:16 PM

القلق نوعين فيه قلق ايجابى بيخلى البنى آدم يخاف ويهتم ويذاكر ويعمل اللى عليه وبالتالى بيكون محمود ومطلوب
وفيه قلق سلبى وده بيكون زايد عن حده وبيتحول الى الضد وبيكون وسيله لهدم الذات وممكن يصيب صاحبه بالأمراض النفسية والعضوية كمان لا قدر الله

الحالة اللى عندك طبيعية
وبتيجى للطالب المحترم الملتزم اللى عنده دم واحساس بالمسئولية وده نادر جدا اليومين دول ههههه
بس المهم متخليش الحالة السلبية تزيد عن حده وتسيطر عليك وحولها لطاقة ايجابية

وإلتزم بمثلث التفوق

(1) حافظ على صلاتك وعلاقتك بربك وإبدأ مذاكرتك بصفحة من القرآن الكريم وبأدعية المذاكرة

(2) بر والديك واعمل اللى يسعدهم وابعد عن رفقاء السوء

(3) إلتزم فى دراستك وفى مواعيدك وحافظ على وقتك واتقن عملك

بالتوفيق

**KemozTanta** · 22-10-2014 07:01 PM

نصيحة اخيرة بعد كلام الافاضل ، ابعد عن اصدقاء السوء وقعدة الكافيهات اللي ملهاش لازمة
خللي اصحابك ناس مجتهدة وتنافس بينكم ع الافضل .. هتصاحب عيال واقعة ومبتذاكرش هينزلوا بيك الارض وهيضيعوك وانت في سنتين " هتشتري بيهم عمرك الجاي كله" ياتبقي فوق ياهتبقي تحت

**Mostafa Bedo** · 22-10-2014 08:52 PM

المشاركة الأصلية كتبت بواسطة kemoztanta

نصيحة اخيرة بعد كلام الافاضل ، ابعد عن اصدقاء السوء وقعدة الكافيهات اللي ملهاش لازمة
خللي اصحابك ناس مجتهدة وتنافس بينكم ع الافضل .. هتصاحب عيال واقعة ومبتذاكرش هينزلوا بيك الارض وهيضيعوك وانت في سنتين " هتشتري بيهم عمرك الجاي كله" ياتبقي فوق ياهتبقي تحت

والله انا ﻻ ليا في قاعدة اي حاجة وﻻ كافيهات وﻻاروح عند حد من صحابي وﻻ اي من الكﻻم ده هو من البيت للمدرسة ومن المدرسة للبيت ونادرا لما بخرج في الدراسة بخرج ف الاجازة كتير ومش مع اي حد والحمد لله بخرج مع اوﻻد خالي وخاﻻتي بس ممكن اخرج مع صحابي مرة او مرتين كنوع من التجديد واني اقوي عﻻقتي بصحابي بس انا بيمر عليا وقت بحس ان ده مش كويس ﻻني مبتعاملش مع ناس كتير وﻻزم اصيع شوية بس مجرد التفكير في كدة ضميري بيأنبني وابدأ أفكر في موقف والدي مني وانه اكيد هيزعل
الحمد لله علي كل شئ

**S O P H O S** · 23-10-2014 07:21 PM

زي ما قال الاخوة بلاش تقلقل نفسك
وربنا ان شاء الله هيكرمك

**Merooxx** · 23-10-2014 10:13 PM

سوال خارج الموضوع انتا في 2 ثاناوي مش 3 يعني مش شهادة ازاي بتصرف كل المصاريف دي المفروض المصاريف دي في 3 ثاناوي اللي هتحدد مستقبلك مش 2 !!!!!!!

**نور القمر** · 24-10-2014 01:42 AM

ليه هي 2 ثانوي شهادة ؟!! عشان تاخد فيها دروس ولوحدك
الكلام ده بيبقى ل3 ثانوي عشان المجموع فيها مهم لكن المفروض في تانية تعتمد على نفسك شوية ومتاخدش غير في المادة اللي حاسس انك محتاج تفهمها اكتر مع مدرس خصوصي

-

-

الموضوع: طالب في 2 ثانوي وعندي مشكلة.

LinkBack

أدوات الموضوع

عرض

-

-

-

-

المواضيع المتشابهه

عربيتي لانسر بوما 2010 وعندي مشكلة في الجنوط

ياجماعة.انا اشتريت عربية من شهر...وعندي مشكلة قلقاني..

جبت DVD touch screen وعندي كام مشكلة

مشكلة محيراني طالب استشارتكم

عاجل - تسريب إمتحان اللغة العربية ثانوي عام 2008

الكلمات الدلالية لهذا الموضوع

المفضلات

المفضلات

ضوابط المشاركة