الموضوع: حد بتاع ريادتير في المعادي

يا جماعة انا محتاج حد بتاع ريادتير يكون صنايعي وشاطر عشان عندي مشكلة من وقفة العيد ومش لاقيلها حل ياريت حد يساعدني

والمشكلة هي اني يوم الوقفة فجأة لقيت لمبة الحرارة نورت على فكرة العربية نوعها لوجان موديل 2010، المهم نزلت فتحت الكبوت ولقيت المية الخضرا كلها ع الارض للأسف معرفتش الميه بتنزل منين. المهم اخدت العربية على البيت واستنيت لما تبرد ومليتها ميه وكانت المفاجأة ان مفيش ميه نزلت خالص، اتحركت بالعربيه لقيت الميه بتنقص. كلمت الميكانيكي. سألني المروحة شغالة وبتفصل وقولت له اه، طيب في صدا في اي حته في العربية قولتله تقريبا لا، طيب سرعة المروحة قولتله تقريبا كويسه، طيب زيت الماتور مش عامل طحينة قولتله لأ، قالي يا باشا كدة عليك وعلى حد بتاع ريادتير. وروحت فعلا لحد بتاع ريادتير شاف العربية وقالي معندكش مشكلة في الريادتير عندك مشكلة في ظبط الهوا وظبطهولي خدت العربية وروحت.

تاني يوم ملقيتش ولا نقطة في القربة زودت المية واتحركن من ش 9 لغاية ش النصر في المعادي وكل شوية ايص على الميه الاقيها مظبوطه، فقولت خلاص هغير الميه بخضرا واهم حاجه أعرف ايه سبب ان المية نزلت يوم الوقفه وبعد كدا مبيقتش تنزل وتاني حاجه نغير المية.

في بنزينة توتال اللي في ش النصر الراجل ضغط على خرطوم الريادتير وقالي مستحيل يكون في تسريب عشان الخرطوم ضغط المية فيه تمام . قولتله خلاص غير الميه، وخدت العربية وقعدت ألف بالعربية وكل شوية ابص على المية الاقي الميه بتنقص، خدت العربية وروحت للبنزبنة الواد وقف محتار مش عارف يعمل ايه المهم قالي انا الريس بتاعي في وطنية روحتله بلم هو كمان، وبعدين قالي طيب ممكن يكون العيب في الصبابات ودي في فرن العربية وبالتالي مفيش اي تسريب هيظهر، فك وش الفرن وملقاش حاجه، قعد يدور شويه وبعدين قالي طيب جربها وبعدين تعالي وزودلي ميه خضرا وانطلقت

بعد كدة المية بقيت بتنقص من العربيه بس بمقدار بسيط جدا جدا وانا ماشي يعني مثلا روحت فيصل لقيت الميه نقصت سنتيمتر، لكن بتنقص اكتر لما بركنها وانزل تاني يوم اشوف المية بلاقي المية ناقصه اكتر من 5 سنتيمتر مثلا

حد قالي انت عايز حد بتاع ريادتير شاطر يشوف كبس الريادتير ويكشف اكتر على دورة التبريد

ملحوظة انا خالي كان عامل حادثه بالعربية قبل كدة وتقريبا غير الريادتير او اتخرم منه فصلحه

شو غطاء الريداتير ممكن يكون بيهرب البخار