الموضوع: حبايبنا ملاك اوبل أسترا موديل ٢٠٠٠ الموتور ١٢٠٠ cc

الساده ملاك اوبل أسترا موديل ١٩٩٩ : ٢٠٠١ برجاء قراءه الملاحظات دى لانها أعطال وارده جدا :-
١- سعات حضراتكم بتلاقوا لمبه بيان المروحه اللى فى الطابلوه بتقيد كده عمال على بطال ... المشكله دى بيبقى سببها كونترول المراوح اللى تحت الاكصدام الامامى ... العيب ده بيبقى من الفيشه اللى داخله للكنترول او من ريش الكنترول ذات نفسها بتبقى مجنزره ... الحل طبعا اننا نفك الفيشه ننظفها ونراجع على الترملات لو فيها حاجه مجنزره نصنفرها براحه اوى وكذلك بنن الكنترول يرجى مراجعتها وسنفرتها براحه جدا وباذن الله المشكله تتحل

٢- سعات برضه الساده ملاك العربيه بيحسوا ان البور تقل جدا وكمان بيوصل انه بيبقى فيه زى عضعضه كده ... طبعا بنبدا نشك ان موتور ضغط الزيت تعب وعايز يتغير وساعت العضعضه كمان بنشك ان الاسكاترا ودعت ... الحل بقى ان احنا نفك خرطوم زيت الباور اللى راجع للموتور وندور العربيه طبعا هتنفض الزيت كله ونشفط الباقى ان وجد ونحط زيت جديد وباذن الله هتلاقوا الباور رجع تانى زى الفل ... لان الصراحة العربيات دى البور فيها ممتاز ربنا يبارك لملاكها

أسف للاطاله لو الموضوع ممل معلش .... وباذن الله لو تحصلت على اى معلومه جديده بخصوص اى موديل هبلغكم بيه عالطول