عرض للطباعة
السلام عليكم
كنت بدور على عربية تكون كبيرة نسبيا من جوة حجمها كويس من برة "لوالدتي"
فيها abs
كنت بفكر في بروتون سواء برسونا او جين تو بس خيار مش موفق خالص لان كان لينا تجربة معاها وطلعت مقلب وربنا يحاسب اللي كان هيديهلنا زيرو واكلاها البارومة بقى
المهم في كذة اختيار تاني زي ميتسوبيشي اتراج/نيسان صني/فيرنا/افيو/بي واي دي/بريليانس/لوجان"مستعمل الشكل القديم"
لو في اي حاجة تانية ياريت تفيدونا برأيكم
شكرا
اوبترا الشكل القديم
طيب ليه مثلا مش لوجان الشكل الجديد ؟!
أعلي فئة دلوقتي ب 102 و بصراحة عربية جبارة
سوزوكي سويفت ديزاير سيدان خيار ممتاز.
وعليكم السلام ورحمة الله وبركاتهاقتباس:
المشاركة الأصلية كتبت بواسطة ahmedhadhoud98
مانيوال ولا اتوماتيك ؟؟
المبلغ المتاح كام ؟؟
مبدئيا الفيرنا خارج المقارنه لانها بدون abs
اللوجان مناسبه لو مش فارق المانيوال
وعربيه حجمها متوسط
عربية جميلة جدا بس عيبها الوحيد مانيوال .... و والدتي كانت هتشتريها لولا انها عرفت ان مافيش منها اوتو و الشكل القديم مافيش فيه absاقتباس:
المشاركة الأصلية كتبت بواسطة ENG.MaRk
شكرا لمشاركة حضرتك
في البداية كنا بنفكر فيها وحطيناها في مقارنة مع ميتسوبيشي اتراج وi10 جراند ...اقتباس:
المشاركة الأصلية كتبت بواسطة Ayman_Amer
طبعا السويفت كسبت باكتساح بس اخبار قطع الغيار ايه؟ و سعر اعادة البيع؟
أنا شخصيا معجب بيها جدا بس اللي مخوفني النقطتين دول
المبلغ من 100:120 الفاقتباس:
المشاركة الأصلية كتبت بواسطة shiko85
تكون اوتوماتيك
احنا كنا محتارين بين جديد تقسيط او مستعمل كاش بس انا لسة طالب في ثانية ثانوي و والدي مسافر و طبعا انا معرفتي عن العربيات بسيطة جدا فا مش هنعرف نختار العربية المستعملة اللي تكون حالتها كويسة فا قولنا نشتري زيرو على طول
تمام, ده تفكير سليم جدااقتباس:
المشاركة الأصلية كتبت بواسطة ahmedhadhoud98
السويفت اختيار مناسب
نفس الكلام اخبار قطع غيار الأتراج و الـ i10 جراند ايه ؟؟؟ و سعر اعاده البيع ؟؟اقتباس:
المشاركة الأصلية كتبت بواسطة ahmedhadhoud98
اللى اقصده ان الـ 3 عربيات لسه جداد فالسوق و صعب نحكم عليهم
على سبيل المثال الـ i10 القديمه موجوده فالسوق من وقت طويل و للأسف قطع الغيار فالتوكيل فقط و مش منتشره خارج التوكيل زى باقى العربيات الهيونداى
اظن فعلا الاوبترا الشكل القديم مناسب لاحتياجاتك
انا رأيي لو تشوف اللانسر البومة كسر زيرو عربية متجربة في السوق وقطع غيارها متوفرة جدا وكمان سعر إعادة البيع ممتاز وياريت لو تكون 1600 اوتوماتيك هتريحك بجد
انا من فترة دخلت في نفس المناقشة دي مع نفسي و بعد بحث و تمحيص قررت اختار الصني شكل جديد لوالدتي بناء علي
1.وسع المقصورة الداخلية في الامام و الخلف
2.وسع الشنطة الخلفية لأغراض السفر
3.موتور موفر جدا في البنزين
4.عفشة مريحة و سحب معقول
5.ارتفاع السيارة عن الارض و اللي عجبني و العربية محملة 4 افراد و الشنطة بالكامل و كنت بادخل في اكبر مطب بقلب جامد
مشكلة العربية كانت في عدم وجود اماكن تخزين كافية في المقصورة
اقتباس:
المشاركة الأصلية كتبت بواسطة ahmedhadhoud98
من ناحية قطع الغيار ما تقلقش منها خالص ... أنا شخصيا اتعرضت لحادث أول ما استلمت العربية وكنت هاحتاج لها فانوس خلفي وأكصدام خلفي على شوية حاجات صغيرة زي قواعد الإكصدام وكل حاجة لاقيتها عادي في التوكيل والإكصدام كان سعره 550 جنيه بالتركيب والرش
غير إني لما سألت على الحاجات دي برة التوكيل كانت موجودة كمان استيراد وجديد
غير إن كذا عضو معانا برضه عملوا حوادث أول ما استلموا وناس ودت عربياتها التوكيل تتعمل سمكرة ودوكو هناك واستلمتها بعدها باسبوع واحد فقط معمولة زي الفل ... أنهي توكيل في مصر بيسلم عربية عاملة حادثة ومقايستها فيها سمكرة ودوكو بعد اسبوع
من ناحية سعر إعادة البيع دي حاجة الزمن هايحكم عليها بعد سنة ولا اثنين ... وعموما في نناس جايباها من التوكيل بسعر 98900 ودلوقتي بتبيعها مستعملة بأكثر من 104 و 105 كسر زيرو ... وأحد الأعضاء معانا اتعرض عليه رقم زي ده وعربيته كانت مخبوطة كمان
الأتراج مع احترامي ليها كعربية لكن السويفت تكسبها في قوة الموتور بـ 9 حصان على وزن متقارب ... وموتور اربعة سلندر مش ثلاثة وده هايفرق في نعومة الموتور لصالح السويفت ... وعموما أنا جربت وشغلت الإثنين جنب بعض وركبتهم وحسيت فعلا بنعومة السويفت وهدوء موتورها عن الأتراج بصورة ملحوظة
غير إن تقفيل السويفت أفضل من جوة عن الأتراج
السويفت فيها كمان خمس جنوط سبور بالاستبن كمان
غير إن لو هاتجيب الأتراج الهاي لاين ... ودي الوحيدة اللى فيها مواصفات إثنين أيرباج وفرامل إيه بي إس زي السويفت يبقى هايكون في فرق في الفلوس كمان لصالح السويفت حوالي 5000 جنيه بينها وبين الديزاير و14 ألف جنيه بينها وبين الهاتش باك
ولو هاتجيب فئة أقل من الأتراج يبقى هاتقل كمان في الكماليات هاتكون ناقصة واحدة إيرباج أو من غير جنوط أو ... أو
الـ I10 جراند ... بصراحة خارج المنافسة ... غير من ناحية الموتور الأفضل من الأتراج برضه عشان أربعة سلندر وقوة حصانية أعلى ... ونور التابلوه الأزرق :) ... غير كدة هي ناقصة كل حاجة وبسعر أعلى من السويفت للهاي لاين بتاعتها كمان
النقطة اللى هاتقف قدامك بقى بعد الكلام ده هي فترة الحجز بتاعة التوكيل لو قررت تجيب سويفت ... لأنها كبيرة شوية مش عارف وصلت كام دلوقتي 3 شهور ولا أكثر ... بس عموما التوكيل بيسلم قبل الفترة اللى بيقول عليها للعميل ... أنا قالي شهر ونص واستلمت بعد ثلاث أسابيع كان منهم أسبوع العيد
اللوجان برغم إن تقفيلها من جوة كويس وفيها كماليات كويسة جدا عن اللى قبلها بكثير ... إلا إن موتورها ضعيف جدا عليها ... موتورها مقارب جدا لقوة موتور السويفت والبيكانتو وفي نفس الوقت هي وزنها أتقل بكثير منهم ... وده نتيجته متوسط استهلاك بنزين أكثر من العربيات الـ 1600 العادية حتى
شوف الثلاث مواضيع دول كنت عاملهم من فترة وقت ما كنت محتار زيك كدة برضه
http://www.nilemotors.net/Nile/429598-2015-2015-a.html
http://www.nilemotors.net/Nile/430665-2015.html
http://www.nilemotors.net/Nile/434488-2015.html
وربنا يوفقك للأفضل
السويفت فرأي