اقتباس المشاركة الأصلية كتبت بواسطة hosam_optrawy مشاهدة المشاركة
من مميزات الموتور دا انه يعمل ببنزين 91 ومافوق بدون اى مشاكل في الموتور مع تأثير بسيط على الأداء وإستهلاك البنزين



دى مش مواقع اوروبى ، أصلا الكوبيه مابتنزلش أوروبا ، اللى بينزل هناك عربيه هاتشباك كوبيه إسمها proceed

المواقع اللى بعتهالك دى موقع كيا كوريا ، وموقع كيا العالمى الرسمي ، والمواصفات اللى فيها هي المواصفات الرسميه اللى بتنزل معظم دول العالم

الكوبيه ليها 4 مواتير

1600 سى سى gdi زى اللى في السبورتاج 140 حصان ، بينزل في كوريا فقط

1600 سى سى تربو 204 حصان ، بينزل معظم دول العالم افريقيا واسيا وأمريكا وكندا وأستراليا ، وكوريا طبعا

2000 سى سى 161 حصان ، نزل في دول الخليج والصين وفيتنام

2000 سى سى gdi بقوة 175 حصان ، نزل أمريكا وكندا وأستراليا

الأرقام اللى انت كاتبها دى مش بتاعت موتور 1600 ، ممكن اللى كتبها يقصد ال 2000 سى سى اللى انا كتبته أخر واحد ، وطبعا مستحيل تنزل مصر 2000 سى سى عشان الجمارك

ثانيا موقع كيا مصر معلهوش الكوبيه أصلا

ثالثا السكاى اكتيف بتاع المازدا قصه تانيه لان دا موتور نسبة إنضغاطه عاليه جدا وماتستحملش البنزين بتاعنا فعشان كدا الوكيل طلبها بالموتور القديم

فحتى لو توكيل كيا حب يطلب مواصفات مخصوصه لمصر ، ممكن يطلب ال 1600 gdi بتاع السبورتاج 140 حصان ، او حتى ال 1600 mpi بتاع السيراتو 130 حصان

لكن يطلبها 1600 تربو 173 حصان بدل 204 ازاى وليه

اللى كتب الأرقام اللى انت شوفتها دى يستاهل جايزه ولا فاهم حاجه في اى حاجه
طيب ع العموم الواحد مش يسبق الحداث وكلها شهر وتنزل وساعتها نشوف الكلام المظبوط بدل وجع الدماغ ده