الموضوع: شارك 2015 بضمان رواس ولا 2014 الوكيل؟؟

البرنس الكبير optiplex حضرتك لسه مردتشي على اخونا منتظرين ردك هو بيسال في حاجه تانيه خالص .خالص الود والحب

متفق مع حضرتك يا كبير بس في نقطه معظمها متركب في مصر تخلي بالنسبالي الوكيل يكسب انا مش حابب عربيه يكون متزود عليها او ملعوب في حجات فيها من هنا انا بجيب ياباني وسمعت ان الكاسيت بيتغير وحجات تانيه .لك منى كل الحب والاحترام

المشاركة الأصلية كتبت بواسطة Optiplex

لو حضرتك مش قادرة تستنى نزول 2015 الوكيل و محتاجة عربية اليومين دول حلاص توكلى عالله فى الخليجى مافيش مشكلة مع الرواس و ضمانة كويس انزلى اتفرجى عالفئات اشكال و الوان و شوفى المعرض الى سعرة و معاملتة كويس

المشاركة الأصلية كتبت بواسطة Optiplex

ياباشااا مهو الفئات كتير قوى فى الخليجى و معظمها متركب فى مصر الاهم من دول ان الخليجى ناس حايفة منة بالعكس انا شايف ان الرواس افضل من دايموند مش فارقة 60 الف من 100 الف المهم 3 سنين و يكون معاك سنة ذيادة تحياتى لحضرتك

المشاركة الأصلية كتبت بواسطة dragon1

متفق مع حضرتك يا كبير بس في نقطه معظمها متركب في مصر تخلي بالنسبالي الوكيل يكسب انا مش حابب عربيه يكون متزود عليها او ملعوب في حجات فيها من هنا انا بجيب ياباني وسمعت ان الكاسيت بيتغير وحجات تانيه .لك منى كل الحب والاحترام

استاذ Optiplex انا بتكلم في نفس النقطه اللي بيتكلم فيها dragon1 يعني انا مش عايزه عربيه ملعوب فيها و ناس تقولي الجنوط مش الاصليه و بينزلوا منها صيني و الكاسيت مش الاصلي و انا عايزه حاجه مضمونه اجيبها و انا واثقه انها كل زرار فيها اصلي و انا على مشاويري و الجري اللي بجريه ع الطريق عايزه حاجه تستحمل و كاوتش يجيب ال 160 مستريح مش واحد اخره 120 كيلو
انا مش فارق عندي يكون الموديل 15 ولا 14 تقريبا سمعت ان الفرق في شكل الفوانيس بس
ها ايه رأيكوا؟؟

المشاركة الأصلية كتبت بواسطة ahmed12345678

انا شار ى الفئة التالته وكيل فى اخر شهر 9 الى فات وسعرها 156 ألف جنيه
وانا اذا كنت مكانك وبشترى دلوقتى كنت هشترى شارك بضمان هاى تريد 2014 وسعرها 143 ألف جنيه وده عرض عليها بتخفيض 3 ألاف جنيه من هاى تريد لان سعرها كان 146 ألف جنيه والتخفيض ده علشان نزول موديلات 2015 علشان موديل 2015 بضمان هاى تريد نازل بسعر 153 ألف جنيه
وعلى فكرة هاى تريد بتنزل العربية زى ما هى من غير لعب فى اى حاجة وده بالنسبة لموديل 2014 انما 2015 معرفش بصراحة لانى متفرجتش على موديل 2015 بضمان هاى تريد
والفئة التالته وكيل الى انا اشتريتها الفئة التالته بسعر 156 ألف جنيه فيها :
1- فوجات
2- الشبكة الامامية نيكل
3- دلايات
4- فتحة usb
5- الاكر الداخلية نيكل
6- ابنوس اسود لامع فى التبلوه وفى الابواب الامامية
7- الابواب من الداخل فيها جلد
8- ست سماعات
9- تكييف اوتوماتيك ومفاتيح التكييف عليها حلية من النيكل
10- مخدع امامى
11- مخدع خلفى مع حامل اكواب
12- مساند رأس خلفية
13- الكنبه الخلفية قابله للطى
14- اتنين ايرباج
15- جنط سبور
16- فرامل abs و ebd و ba

شارك 2014 بضمان هاى تريد وسعرها 143 ألف جنيه فيها كل ما سبق ولكن ينقصها أنه لا يوجد :
1- فوجات
2- الشبكة النيكل
3- الاكر الداخلية النيكل
4- الابنوس الاسود فى التابلوه والابواب الامامية
5- usb ولكن يوجد فتحة aux
6- التكييف الاوتوماتيك مع العلم ان التكييف الاوتو والعادى فى الشرك كلاهما بكر ولكن يفرق فى الاوتو انه فى خاصية اوتو فى التحكم فى سرعه الكهرباء ومخارج الهواء والتحكم فى درجة حرارة التكييف
مع العلم ان الفئة دى من هاى تريد تزيد عن الفئة التالته وكيل ان فيها لباد عازل الكبوت والفئة التالته وكيل مفيهاش عازل كبوت

يعنى الفرق بين الفئتين مبلغ 13 ألف جنيه بس الفوارق فى الكماليات لا تستحق كل هذا المبلغ ولو كان عاد بى الزمن كنت جبت الهاى تريد وانا كنت اولى بالفرق وكنت ركبت سى دى بايونير فى كل حاجة من بلوتوث وفلاشة وغيره وسعره حوالى 3000 جنية وركبت الفوجات وكنت هوفر على نفسى حوالى عشر تلاف جنيه

واذا كنتى عايز ه شارك هاى تريد 2015 فانصحك بلاش لان الفارق بينها وبين الفئة التالته وكيل حوالى تلات تلاف جنيه والفئة التالته وكيل تكسب فى الحالة دى لانها كماليات اكتر وبضمان الوكيل

طيب ازاي انا لسه قافله دلوقتي حالا مش أستاذ أشرف من هاي تريد وهو قايلي ان الموجوده عندهم موديل 15 فئه تانيه و عامله 156 الف يعني ازاي بقى فاللي انت بتتكلم فيه ده خليجي موديل 14 فئه تانيه مش تالته صح؟؟
وانا عايزاها فئه تالته او رابعه لو هجيب توكيل هتبقى موديل 14 فئه 3 انما لو هجيب خليجي هجيب فئه 4 موديل 15
انهي احسن بقى في الاتنين دول؟؟